ما هذا التخلف والظلم بقسم الحاسب !!

السلام عليكم ورحمة الله وبركاته
ولله الحمد خلصنا الاختبارات وطلعنا بالسلامة ولكن ثم لكن
في حياتي ماشفت مثل هذا الظلم بقسم الحاسب وخصوصا بمادة ics103 وراح ألخصه بنقطتين :
النقطة الأولى بتكون عن سلايدات القسم الرسمية الي فيها عدد أخطاء مب هين وممكن تسبب دمار البرنامج مثل استخدام الامر exit ونسيان استخدام المكتبة stdlib في كثير من البرامج وغيرها و وهذا شيء غريب لأن السلايدات يستخدمها أغلب دكاترة القسم ومستحيل ما لاحظو هالأخطاء.
هذي الأخطاء خلتني افقد بعض الدرجات و ويوم رحت للدكتوروبلغته قالي : "فاصلة بسيطة ماتأثر استر على ماواجهت من أغلاط" , فرديت عليه طيب اذا احتجت هالفاصلة البسيطة للقريد الي بعده تعطيني اياها ؟ قالي أكيد وقعد يمدح بالقسم ومدى الشفافية فيه. وفي نهاية السنة مثل ما توقعت احتجت هالفاصلة ولكن قرر الدكتور انه يسحب على كل ايميلاتي ويرصد الدرجة بدون اي زيادة. وهذا صراحة شي غريب بالقسم ليه مافي ابقريد نفس باقي الاقسام مثل الماث والفزكس والاسلامي والانجلش الخ...

النقطة الثانية وهي الأهم صراحة عن مصيبة تصحيح الميد والفاينل. حسب علمي في فريق كامل من دكاترة القسم للتصحيح بس المصيبة يوم راجعت الميد والفاينل اكتشفت كم هائل من الاغلاط بالتصحيح, لدرجة ان حتى أسئلة الاوت بوت الي المفروض تكون واضحة وضوح الشمس حاطين لي غلط وجوابي صحيح تماما , حتى ان الدكتور انصدم وقالي "ماشاء الله عليك قدرة ملاحظتك قوية "طبعا العكس هو الصح ان المصححين مفهين ومايعرفون يصححون.
والحين نجي لأسئلة الفل بروغرام الي سالفتها سالفة. يجيك سؤال اكتب برنامج عن ........ تطالعه وتقول الحمدلله اعرف احله وبعد المراجعة تكتشف انهم حاطين لك اقل من نص الدرجة !! ليه ؟ لأن البرنامج الي كتبته برا السلوشن حقنا ومانعرف نصححه. طبعا شيء طبيعي بجميع لغات البرمجة تعدد طرق كتابة البرامج لنفس السؤال , بس لما يصحح دكتور متحجر العقل وأخجل اسميه دكتور صراحة لأني متأكد لو يجي طالب B اخذ المادة من قبل بيفهم البرنامج صح. طبعا طلبت مراجعة البرامج بس ماشفت الا كم درجة جاتني ماتسد الظلم الي قاعد يصير .
هذا نهاية موضوعي المختصر وحطيت خط على كلمة مختصر,لأني أقدر أءلف كتاب عن مشاكل الكورس والقسم .
نصيحتي للي ناويين ياخذون الكورس مستقبلا لاتسكتون عن حقكم أبدا وكل درجة صغيرة تفرق بالنهاية .