ما هو جواب " كم تتوقع الراتب " ؟

وعليكم السلام ورحمة الله وبركاته ..

بالنسبة لحديث التخرج .. انا افضل يختار مابين 8000-10000 sar
طبعا فل بكج




بالتوفيق

 

أنا أشوف إنك تاخذ الآفرج من الموضوع ذا وتجاوبه
الى جميع الخريجيين:بعض الاسئلة حول الوظائف
وإذا انسألت ليش اخترت الرقم ذا؟
قول: "طلاب جامعتي رواتبهم حول الرقم ذا"

 

رايي الشخصي انك تحاول تتهرب من اجابه السوال بقدر الامكان
تقد تقول مثلا: هذا اول وظيفه وما عندي خلفية عن الرواتب بسوق العمل وما يهمني الراتب بقدر التدريب والتطوير بالشركة

واذا اصروا ولا مفر من اجابه هالسوال اعتقد من الافضل اعطاء رقم عالي لان لو كان توقع اقل من رواتبهم راح يعطونك الراتب اللي تتوقعه بعكس لما تتوقع راتب عالي راح يعطونك متوسط او اعلى من المتوسط وعلى حسب مستواك

بالاخير رايي شخصي قد يكون على خطا وقد على صواب


بالتوفيق ...

 

من اخطاء المقابلة الشخصية انك تسأل عن الراتب.

 

خلها فل بكج ، واعتقد لو تقول من 8-10 فل افضل

طبعا غاية السؤال له شقين حسب مالاحظت ، الاول الاستغلال وذلك بإعطاءك راتب هو صحيح فوق الي توقعته لكن يبقى تحت المستحق
الثاني لرؤية هل انت غايتك من الوظيفة الراتب ، فمثلا اذا كانت وظيفتك تضيف لك خبرة بنفس مجال عملك ولكن الراتب حليل ، إجابتك راتب متوقع مرتفع يتهيأ للشركة انه اذا عرض عليك راتب اعلى ستوافق وتتركهم حتى لو كانت الوظيفة الجديدة بعيدة ولا تضيف لتخصصك

انت حاول تأكد انك تبحث عن فرصة لإثبات نفسك والراتب ثانوي ، واذا اصر يبي ارقام مثل ماقلت لك والرازق الله

 

السؤال ذه ينسئل للخبرة اكثر من الخريجين الجدد

افضل اجابة للخرجين الجدد هو انك تبحث عن رواتب الشركة قبل المقابلة, وفي الأغلب جميع الشركات عندها ستاندر للخرجين الجدد.

 

الجواب المثالي بالنسبه لي "انا واثق ان شركه بحجم شركتكم لها خبرتها وتعرف تقيم الكوادر بناء على الوضع الحالي بالسوق"
يعني بطريقه غير مباشره تقول ابي شيء مو اقل من افرج السوق وبنفس الوقت ما تنحرج معهم وتعطيهم رقم ممكن يكون اما
مبالغ فيه او يكون اقل من اللي ناوين يقدمونه خصوصا اذا كان المرشح فريش فصعب يقول رقم محدد ..

 

يعني من رأيكم ما أقول الراتب المتوقع على حسب الشركة و المنصب اللي مقدم له؟
يعني لو رايح لشركة ممتازة و عارف شغلها كثير "و عارف أصلاً متوسط رواتبها" أقول اللي أعرفه عن الرواتب.. و لو رحت لشركة ضعيفة بينزل الرقم المتوقع.

بعدين تقولون فل بكج 8000-10000.. أشوفه تحت المتوسط.
بالنسبة لي أنا أفضل أعطيهم الدخل المتوقع السنوي مثلاً 180 ألف.. كذا تضيع الطقة. أو إذا يبي شهري أقول له البيسك.

 

قبل ما تروح الشركة اسأل عن متوسط رواتبها وفي كل الحالات لا تقبل بشي متواضع جدا حتى لو الشركة لها اسم، قبل كم سنة كانت هاليبرتون كانت تنصب على المهندسين الفريش وتوظفهم على 6500 ريال!

 

اصعب سؤال خصوصا للـ الفرش

خوف تقول شي ++ وشسموه....
وخوف تقول مبلغ منخفض وينلعب عليك

السؤال هنا: هل يستغلك الـ HR ويكون له بونوص لو غلبك او مايفرق ؟ ياريت نلقى اجابة من الخبراء

 

غالبا هالسوال للخريجين الجدد يكون بغرض "فلترة " فقط والرقم اللي بتقوله لايوثر على راتبك في العقد الانادرا بعكس اللي عنده خبرة السوال هذا بيحدد راتبه بنسبة كبيرة..
مثلا لو قلت اتوقع راتبي ١٥ الف والشركة اصلا تعطي الخريج الجديد ١٢ للاسف بيكنسلوك لانك متوقع راتب اعلى من الميزانية اللي مخصصينها للخريج .. ولو مشيوا معاك في موضوع الفحص الطبي والتكاليف الاخرى في احتمال ترفض الاوفر لانك متوقع راتب عالي فالافضل من البداية "نشوف غيره اذا متوفر" ونسكب وقت وجهد ،،
واصلا بكل الاحوال لو قلت في المقابلة اتوقع راتبي ١٢ وجاك الاوفر ١٠ تقدر تتفاوض معهم حتى لو كنت خريج خصوصا اذا عندك اوفر من شركة ثانية..
واخيرا جدا عادي في المقابلة تقول اتوقع راتبي يكون كذا وعطهم افرج شركتهم اللي بحثت عنه قبل المقابلة ..مثلا ما اتوقع راتبي ما يزيد عن ١٥ ولا يقل عن ١١ وبكذا انت تاكدت انك في السيف سايد واجابتك كنت فيها صادق لانك ماراح تشتغل باقل من ١١ لو قبلوك ومستحيل يعطوك اكثر من١٥ لانك فرش.. والله اعلم وبالتوفيق

 

حاول تعطيهم range بناء على معرفتك للرواتب الخاصة بال industry تبع الشركة ومقارنة أيضا بمنافسيها من الشركات ورواتب زملائك بنفس المستوى والخبرة

 

بحكم اللي تعلمته بمادة Mgt210 Business Communication

? What are your salary expectations

Do your research and know your bottom line. Research
the industry standard for the positions you are applying for in your geographic area. Whenever
possible, try to defer the salary question on the first interview so that you don’t under or over sell
yourself. If pressured, be prepared to give the employer a salary range.


Sample Answer: “I’m sure that your company offers a fair, competitive salary for someone with
my education / training, skills and experience. I am also willing to negotiate for the right
position.” بالنسبة لي افضل اني اقول شي قريب من كذا عشان لا اعطيهم رقم محدد ، واذا اصرو مالك الا تعطيهم الـMarket average


Sample Answer: “I will need more information about the job and the responsibilities before we
can discuss salary, but it would be great if you could give me an idea of the salary range you
have budgeted for this position.”