محتاج مساعدتكم بخصوص عملي بأرامكو

ما عندي فكرة لكن اتوقع اذا لقيت احد في منطقة قريبة من الحسا تقدر تبدل معاه .. فيه موضوع مثبت اطلع عليه ممكن يفيدك

 

من الأشياء المترتبة على رفضك لتوقيع العقد هو انك لازم ترجع لهم كافة المصاريف اللي صرفوها عليك خلال سنوات دراستك.

 

معليش يعني هم ما قالو لك من قبل أن هذا مكان عملك؟ المفروض عندك علم من 5 سنين وتكون أصلا زرت الديبارتمنت.

العقد واضح جداً: ما يحق لك ترفض التوقيع بحجة عدم رغبتك في مكان العمل واذا رفضت راح تطالب بدفع كل ريال انصرف عليك (توصل نص مليون بالراحة) واذا ما تجاوبت بياخذوا حقهم بالقضاء (ما يمزحون في هذه السالفة ترا)

 

انا مدري عن سنتكم لان سنتنا 2015 خلونا نزور الدبارتمنت ونعرف وش شغلنا ووش لنا ووش علينا

وزي ما قالوا الاخوان اظن انهم راح يطالبونك بكل شي

فاستخير وشف اخويانك اللي بدفعتك او موظفين

والله يوفقك

 

اتكل على الله وروح تناجيب ما عندك خيار ثاني

لكن ممكن تسوي swap بعد ما تتوظف هناك مع موظف من SAOO عشان تقرب للأحسا واكيد بتلقى كثير من العضيلية يبون ينقلون

 

انا الان موجود في نفس الدائره وفي تناجيب ايضا
ترا الوضع عادي مش منطقه نائيه يعني سيئه

فيه سكن وفيه نت حتى لو معك نت خارجي شبكة ال3G فل (موبايلي)
السكن يبعد عن عملك 4 دقايق مشي رجليه
حتى بدل السكن مايروح عليك
واذا بغيت شي من برا الخفجي والجبيل اقل من ساعه
ولك طياره توديك كل اسبوع وترجعك لعدة مناطق
طبعا موجود كل شي جوا الكامب ومايحتاج تدفع شي من اكل وغيره
و مطعمهم كل يوم اطباق تختلف

الوضع حبي