محتار بين التكملة والبداية جديدة

معدلك في الثانوية 77 و التحصيلي 53

وهذي قد تدل أن ترك الوظيفة لإكمال الجامعة خيار ليس مناسب بالنسبه لك.

ولكن لو تتكلم عن تدريبك أكثر ومستقبل التدريب ممكن نفيدك ، لأن درجتك في القدرات ممتازة عشان كذا نحتاج معلومات أكثر عن التدريب.

الله يقر عين والدتك بك ويحفظها لك ويحفظك لها ، واسأل الله أن ترى والدتك فيك ما يسرها.

 

والله شوف افضل خيار انك تكمل واذا لقيت بديل او خيار افضل روح بس اضمن انه جاه قبول قبل تطلع

 

أنت تعرف أن الفترة هذي حرجة من ناحية الوظائف وأن فيه مهندسين متخرجين من البترول ولا حصلوا على وظائف ، فالأفضل انك تستمر في التدريب وتشد حيلك وتطور لغتك.
وهذا مايمنع انك تدور فرصة أفضل وتكون عند اهلك.

وبالنسبة لشركة Maritime التي تقول عنهم انهم متناقضين ، اتوقع لأنكم أول دفعة وملخبطين. لكن هذا اتوقع في مصلحتكم.

والنسبة لكونك مغترب اتوقع فرصة لك انك تشتغل شغل غير التدريب ، اتوقع عندك الوقت الكافي. أو تتطور نفسك في برامج الحاسب لأن على كلامك تقول "عندي خبرة بنظام ويندوز وخبرة جيدة جدا ب لغة البايثون"

 

اشوف تكمل نفس ما انت والله اعلم

 

تقدر تشتغل بمحل صيانة. كلمني على تويتر @zyad0100 ممكن اذا تعلمت شوي تقدر تشتغل عمل حر بما انك تعلمت لغة برمجة بس ضروري يكون عندك استعداد تهتم بالبرمجة انا بعطيك مصادر تتعلم منها واذا كان عندك لغة انجليزية عادية ممتاز.

 

انا نصيحتي لا تفرط في الفرصه الي عندك
انا بعطيك تجربتي
انا كنت طالب في جامعه البترول دخلت عام 2005 وتركتها عام 2008 بسبب ضروف عائلية واتخاذ قرارات متسرعه بدون ادراك العواقب "وكان اكبر خطأ سويته بحياتي".
جلست بعدها سنه ونصف وفي المستشفى مرافق مع اخوي وسنه ونصف عاطل اشتغلت في عدة شركات رواتبها ما كانت تتعدى 3 الاف.
في عام 2011 قدمت على برنامج الخطوط السعودية وتخرجت بعد سنة كان الراتب فل باكج 7770 وجلست معهم من عام 2011 الى منتصف 2014 والوضع كان تمام لكن ما كانت ترضي طموحي.
قدمت استقالة وطلعت امريكا بداية 2015 ودرست الجامعه من جديد بدون معادلة اي مواد اول سمستر كان على حسابي الخاص بعدها انضميت للبعثه تخرجت في منتصف 2017 اخذت بالضبط سنتين ونصف طلعت بدبل ميجر هندسة برمجيات و امن شبكات بمعدل 3.81/4 مع مرتبة الشرف الاول.

رجعت توظفت في شركة التميمي براتب 8790 فل باكج "وقت ما فصلت من الخطوط كان راتبي 8600 زملائي الي استمروا وصلت رواتبهم الان حوالي 9400"

من وجهة نظري لا تفرط في هذي الفرصة لان العمر يمضي والوضع الان اصعب من اول
الان فيه شح وظائف و كثير صار عندهم شهادات جامعية ما لقيوا وظايف
لو كان الوضع وقت ما فصلت من الخطوط زي الان ما كان طلعت من الخطوط ابدا

واذا قررت انك تكمل دراسه فيه نقاط مهمه حطها براسك
اختار تخصص :- يكون تخصص انت ترغبه - يكون تخصص تقدر تنجح فيه وتجيب فيه درجات عالية - يكون تخصص مطلوب في سوق العمل.
لازم تجيب معدل عالي اقل شيء 3/4 او 4/5
تحاول تختصر مدة الدراسة باكبر قدر ممكن

 

ا

خي انا جاري في ITC ARAMCO و انصحك وبقوة تكمل لأنها كم سنة و تقدر تثبت جدارت و تنقل لو منت حاب الى اداري في الشركة

 

ليت الدنيا كذا سهالات

روح اسئل حقين itc نادر تلاقي ناس يمدحو والسبب انهم مكروفين كرف
ولكن لو انت مستعد تنكرف وكذا ف روح وللامانه itc اشوفه للي محتاج فلوس وكذا ف يعتبر خيار ممتاز بل فوق الممتاز

 

الله يهديكم ,, الموضوع له سنتين ي جماعة ,, محد داري وش قرر صاحبنا
اتمنى له كل التوفيق والنجاح

 

أجمعين يارب العالمين

 

من رأيي الشخصي ماري تايم شركة قويه وجديدة لا تفرط فيها نصيحة ، الاغلب الان معاهم جامعات واعمارهم ضاعت بين شركات غير رسميه ورواتب اقل من راتبك وانت شهادتك ثانوي.

لي اصدقاء كثير في شركتك تخرجو والشركة الان تمشي لهم رواتب فوق 8 الاف + تامين vip ودبل راتب برمضان وهم جالسين في البيت الى الان مابدو عمل!
والابتعاث في ناس اعرفهم خلصو اوراقهم وينتظرون تذاكر السفر بعضهم لكوريا والبعض لدبي ، والابتعاث on job training.
نصيحه ووجهه نظر فرصتك بالترقيات والمستقبل الوظيفي في شركة ماري تايم عاليه جدا وزي ماقلت لك يكفي انها رسمية ورواتب ومميزات طيبه لا تقرد روحك