محتار بين العسكرية والقطاع الخاص والدراسات العليا, خريج العمارة وعلوم البناء/دفعة الكورونا

أول شي ماشاء الله أخوي والله يبارك لك فيما تختار

ثانيا انت رغبتك ايش؟ هل بتكمل اكاديمي والا تبغى تبدا مشوارك المهني هذي النقطه راح تساعدك في الاختيار

بالنسبه لبن لادن معروف انه فيها تاخر رواتب فهل عندك القدره تشتغل بدون راتب شهرين او ثلاثه؟

اما الكلية فانت تقول باقي لك اختبارات يعني مو مضمونه الى الان فانت لا تترك واحده من الخيارين علشانها الا اذا اتاكد قبولك ان شاء الله وبالتوفيق

 

أهلا.. ماراح أتكلّم إلا على نقطة واحدة بس: لاتعتمد على شيء إلا إذا كنت واثق منه 100%.
بمعنى: إذا لسّى ماتأكد قبولك/حصولك على فرصة معينة، حط في بالك كل الحسابات (ممكن تجي، وأيضاً ممكن ماتتيسر).

حتى الآن اثنين من المسارات الثلاث لسّى باقي فيها Process (الكلية العسكرية، ابتعاث وزارة الثقافة)، من ناحية الشركة إذا ماتيسر معهم بتحصّل غيرها، لكن الفرصتين الأوليين نادرة مقارنة بهذي.

الفكرة سلّمك الله، سوّ حساباتك، واسأل وشوف، وفي نفس الوقت حط في بالك إنه لسّى مافيه شي مؤكد، لكن تسأل وكذا عشان يصير عندك قرار واضح إذا جاك منهم رد نهائي.

أيضاًً شغلة مهمة، شوف الجدول الزمني للقبول في (ابتعاث الوزارة، الكلية العسكرية)، ومتى عندك مجال إذا جاك قبول نهائي أنك تنسحب من عندهم (هذا في حال جاك قبول نهائي من جهة والثانية لسّى ما ردّت)، من ناحية الشركات = عندك 3 شهور تجربة يمديك تسحب بأي وقت خلال هالفترة.


أقول هذا لأنه صار لي موقف: شركة أرسلت لي عرض ثم سحبوا علي وأنا كنت معتمد أنّه خلاص بشتغل معهم.

الله يكتب لك الخير وين مارحت.

 

عليكم السلام و رحمة الله
الماستر ما اؤيده الا اذا الوزارة ضامنة لك وظيفة
و العب على كل الخيارات المتاحة
موفق

 

وعليكم السلام ورحمه الله وبركاته

للاسف ما عندي خبره في المجالات الثلاث كلها لكن بحاول اعطيك اللي عندي.

ما هو غلط انه ما يكون عندك توجه واضح او مسار وظيفي معين. لكن ما فيه احد يقدر يساعدك على اتخاذ القرار الا لازم يكون عارف تفاصيل حياتك وطبيعه شخصيتك.
هل تبي دوام مريح وكل شي واضح بس مافيه تطور ؟ ولا تبي مكان تطلع فيه مهاراتك وتتطوربس تنكرف؟
هل تفكر بعدين مشروع خاص فيك ولا انت رجل مقتنع انك تتوظف وتعيش حياه بسيطه على وظيفتك؟
برضوا لازم تقيم وضعك المادي هل عندك مشكله انك تتحمل الفتره الجايه لاجل انك تتعلم وتكسب خبره مقابل راتب قليل لكن بعدين راح تتسابق عليك الشركات

كل هذي اساله محد راح يقدر يجاوبها الا انت وهذي فقط امثله لبعض الاساله اللي ممكن تسالها نفسك قبل

وبالتوفيق

 

انا ما اشتغلت في بن لادن ، ولكن سمعة الشركة هذه سيئة من ناحية تاخير الرواتب

غير انهم مخالفين لنظام الرواتب من مكتب العمل اصلا كيف تتوقع مستقبل وتطوير من شركة حتى راتبك تاخره لك؟

موفق