محتار جدا بين الابتعاث و البقاء في وظيفتي

وعليكم السلام
حياك الله أخوي
أتمنى قبل أي حاجة انك تصلي ركعتي استخارة وبعدها تسمع لاراء الناس
انا من رأي هذا كله يعتمد على وضعك الوظيفي، هل شركتك فيها آمان وظيفي؟ هل فيها زيادة بالراتب وترقيات؟ هل فيها تطور وظيفي؟ كلها أمور تساعدك بقرارك النهائي
اذا توفرت فيها كل هالسبل ممكن تتمسك فيها وتطور من نفسك
اما اذا كان العكس فانصحك بالابتعاث وبإذن الله تحصل أفضل منها بعد تخرجك
بالنسبة لتكوين نفسك والزواج الخ كلها تعتمد على دخلك الصراحة يعني نفترض جلست بوضيفتك ٥ سنوات بنفس الراتب ماراح يساعدك ابداً بتكوين عائلة وشراء سياره وبيت.
اما اذا تتطور الوضع فيختلف الوضع.
على العموم استخر وفكر قبل خطوتك الجاية، واذا حزمت امرك فتوكل على الله ولا تندم نفسك لو فشلت بالمستقبل او ماجات الأمور على اللي تبيه.

في الختام اسأل الله لي ولك التوفيق وأن يكتب لك اللي فيه خير وصلاح.

 

اذا راتبك فعلا 7000 توتال و مو في شركة قوية, اطلع بعثة و انت مغمض.

البعثة لو اتزوجت بتنزلك مكافاتيين, غير كذا بتفتح لك فرص ممتازه خصوصا لو تحاول تاخذ خبره وظيفية ثم ترجع.

 

اذا انت مو بشركة حكومية او شبه حكومية ،اطلع وانت مغمض

 

التوفيق بيد رب العالمين ادعي واستخير

انا سويتها وطلعت ورجعت السعودية وعمري 29 واول ماجيت جت كورونا

لكن بغض النظر عن الوظيفة هذي رزق بيد رب العالمين اما بنسبة للأبتعاث في اجمل تجربة عشتها بحياتي واكثرهم قيمة
الابتعاث مو فقط دراسة وشهادة الابتعاث كان رحلة بنسبة لي كسبت فيها اشياءء اهم من الشهادة

اذا انت متزوج او تعيل احد مالياً يفضل انك تستشيرهم لان قرارك بيأثر عليهم