محتار في الماستر مابين Material Science and engineering أو Engineering Management

وعليكم السلام ورحمة الله وبركاته،

أخي Ice tea

لأقدر أعطيك إجابة وافية .. الإجابة على الأسئلة هذي راح تساعد
1- في أي من الشركات إنت تبغى تشتغل بعد ماتتخرج؟
2- هل عندك خبرة حاليا أو حديث تخرج؟
3- السبب الي يدفعك إنك تاخذ ماجستير.

نرجع للسؤال الأول: إذا كانت شركة حكومية فأنصحك تشتغل عندهم أول وبعدين تقدم على الماجستير، الفرق مابين الماجستير والبكالوريوس بالرواتب في الشركات الحكومية خصوصيا جدا ضئيل مقارنة بسنتين عمل. إذا كانت شركة خاصة، فتأكد أولا إنك راح تحتاج الماجستير لأداء الشغل قبل الدخول لهذا المجال.
أسهل طريقة تعرف الأمور هذي؟ روح الى Linkedin وشوف الاشخاص الي بالمجال الوظيفي الي تبغاه وشوف اذا كان المجال يناسبك.

السؤال الثاني: اذا حديث تخرج ماانصحك بماجستير الآن الا بعد ماتاخذ خبره أو ناوي تكون تحول الى المجال الأكاديمي. السبب انك ماراح المجال الي تبغاه بالماجستير الا بعد ماتجرب الحياة العملية والي بتكون جدا مختلفه عن طبيعه الدراسة الاكاديمية بالجامعة.

السؤال الثالث: مثل ماذكرت اول شي إذا كان مادي فماانصحك لأنه نادرا راح تستفيد من الماجستير ماديا الا في حالة كان عندك خبرة وفعلا الماجستير تتلائم مع خبرتك ومع دراستك الاكاديمية بالبكالوريوس. اذا كان مثلا عندك خبرة وبمجال معين وتبغى تتفوق بهذا المجال وتنشئ أبحاث خاصة بك بالمجال أو شفت ان فيه مهارة ناقصتنك "مثلا مهارة تقنية أو إدارية" ماقدرت تكتسبها في مجال العمل فهنا أنصحك. عادة الي ياخذوا الماجستير التقني هم أشخاص يحتاجوا يثبتوا لسوق العمل إنهم أشخاص متخصصين بالمجال، والأشخاص الي ياخذو المجال الإداري هم أشخاص يبغوا يكون عندهم إمكانية التوظيف اكبر. وإن كان المسمى ماجستير للتخصصين، الأشخاص الي راح يدخلوا كل تخصص والنتايج الي راح تاخذها من كل تخصص راح تكون جدا مختلفه.

تكلمت بشكل مفصل في موضوع رحلة مابعد البكالوريوس ومرحلة الدراسات العليا عن الفروقات مابين التخصص التقني والتخصص الإداري. أنصحك بقراءته وإذا عندك أي إستفسار ما أجبت عليه راح أساعدك قد مااقدر.

بالتوفيق إن شاء الله