محتار هل اكمل في جامعة او لا

بعطيك الزبده بدون لف ودوران...لو انا مكانك بترك الجامعه..انا كان معدلي 2.1 يوم كنت مكانك بالضبط وندمت اني كملت بالجامعه مع اني رفعته الان ل+2.6 وانا ع وشك التخرج..ليه نادم؟؟

كنت دايم افكر انه اهم شي بس تخررررج...انت بترولي لو معدلك 2.0 الشركات بتجي تحب راسك عشان تشتغل عندها....بس الحين كل شي بين..

الشركات دائم راح دايم تفضل اصحاب ال3+ وبعضها حتى ماتفكر تطالع بالسي في حقك لانه معدلك ببساطه محمل بالجراح..

انا حاليا اقدم ع الكواب وللأسف كل الشركات اللي قدمت لها اونلاين رسلت لي رفض....وفي يوم التدريب تقدر تشوف تسليك اللي يسوي المقابله لك بعد مايعرف انه معدلك +2.5...شركه من الشركات عيني عينك يسوي مقابلات طويله ويه اصحاب ال3 ويسجل معلوماتهم وانت ياخذ السي في دقيقه ماياخذ معك ويقولك بنتواصل معاك....

هذا غير انه كثير من الشركات بتشوف من الشروط +3 +2.75...

واكيد شباب ال3 يستاهلوا كل اللي يجيهم...حقهم اشتغلو ونالو والله يرزقهم ويرزقنا...بس انا اقولك اني نادم لأني لو طلعت من الجامعه ورحت مكان ثاني كان شديت ع عمري وصرت واحد منهم...

سالفة اسم الجامعه ماعاد تنفع نفس اول...وكل خريج من البترول تنتظره اربع فرض وظيفيه هذا كلام......عشان كذا انصحك اطلع ولاتتعلق كثير بالجامعه ترا والله في النهايه ع المعدددددددددددل..

بس لوين هنا انت تقرر..للحين ودك بكالوريوس حاول تنقبل بالجبيل الجامعيه ولا اذا بامكانك اطلع ادرس بره امريكا ولا كندا..هذا اللي بسويه لو انا مكانك

ITC ع حسب ميولك الان..اذا طفشت من الدراسه وماودك فيها..رح بس انا ما افضلها لان حتى مافيها شهاده...بس امان وظيفي واستقرار والراتب والمميزات مو بطاله...

بالتوفيق اخوي...ماعليك عندك وقت..كم عمرك 20 21...يمدييييييك تعدل حياتك والبترول راح تكون تجربه استفدت منها.

 

السلام عليكم ورحمة الله وبركاته

اختلف مع اخوي dyaa 94 , معدل 2.5 وفوق يعتبر جيد انما الوظايف في الكواب + الوظايف بعد التخرج فيها عوامل كثيرة اعرف شخصيا ناس معدلتها اقل من 2.7 و اكثر من 2.5 طبقوا في ارمكو و غيرها , نوع التخصص يفرق طريفة كتابة السي في و الطلب التخصص نفسة و وو اما عن انك تحول من البترول ما ادري عنك , اذا تحس انك ما راح ترفع معدلك الى على الاقل 2.4 الين التخرج فاقول يمكن انك تطلع منها , طبعا هذا رائئي

بالنسبة لي انا حولت من هندسة الى ادارة الترم هذا واشوف احتمالية انك ترفع معدلك في الادارة نسبة كبييرة مقارنة بالهندسة ليس تهوين بالادارة لكنها في موضوع السهولة و الصعوبة حتما اسهل , يمكن انا بالنسبة لي كذا بس احس الكل يقدر يلطلع ب قريد فيها بجهد يساوي نص اللي تبذلة ف الهندسة طبعا اكرر هذا رائئي , انصحك اذا كان عندك ميول للادراة انك تحول لها لانك ان شاء الله راح تبدع

 

اكيد +2.5 جيد وماعليه كلام...بس للأسف شركات كثيره ماتعطي فرصه بناء ع المعدل هذا الكلام خصوصا للمهندسين اللي توهم متخرجين...مع انه في ناس كثير معدلاتهم نازله ومبدعين بمجالهم اكثر من +3....وانا قلت ذا الكلام بناء ع اللي جالس اشوفه حاليا..ارامكو عندك عالمعدل تفاضل بسس((الكواب))..وقس عليها شركات كثيره..

 

الرزق بيد الله أولا

ثانيا أختلف كليا مع الرجال اللي قال خريج البترول بس معدل وبس

شف حبيبي واحد أعرفه من خوياي من المدينة معدله 1.9 طبق في شركة الكهرب في المدينة المنورة وانا ماقولها لك كذا بس لا فعلا الرجال طبق هناك والحين بآخر سنه , انا سحبت من الجامعة وتمرمطت على كيفك , رجعت عند أهلي وما أرتحت المهم انت الحين لازلت بأفضل جامعة ولا زالت الفرصه أمامك قويه وكبيره نصيحتي لك البترول اسم صعب في سوق العمل وراح يظل اسم صعب

بالنسبة للجامعات الثانية هل تظمن فيها برنامج تدريب للكليات الهندسية ؟ هذا غير الفوضى بالجاماعات الفرعيه من سوء مباني و سوء جداول وسوء معالمة الدكاتره بعدين تعال والله أني في جامعه ينقال انها سهله والله ثم والله ثم والله القريدات حسب المزاج وليست بجتهادك ماهو مثل البترول الطالب الممتاز ياخذ A و اللي أهمل ياخذ d معادله بسيطة .

يعني عادي تلاقي طالب جيد في جامعة "حسب المزاج " جايب افات وحوسه , الشاهد بالموضوع هذا اسبوع اختبارات وكل الطلاب عندهم ضغوط نفسيه وضغوط بسبب المواد والاختبارات

صدقني لي أصحاب وانا والله ما أقولها لك كذا من كيسي , اخذوا ديسميسات وافات ورسبوا وعادوا مواد والحين ع التخرج باذن الله , أخذوا الكوأب بكل أريحيه معدلاتهم تحت 2.5

المهم نصيحه أخويه لك , لا تسحب من الجامعة طمعا في المعدل والحياه السهله بتتعب بعدين , أتعب الحين واتعب بالشغل وراح تتعب بكل وقت مافيها راحه الحياه ذي

انا اخوي موظف بينبع ومتزوج الرجال مضغوط بالعمل وهو خريج البترول وعنده بنت معاقه يعني مافي شي اسمه حياه سهله

توكل على الحي القيوم وشد على نفسك ولا تتخذ إجرائات اثناء الضغط النفسي وضغط الاختبارات راح تتعب

 

اول شي كان الله في عونك بداية الامر ونهايته والله يكتب لك كل مافيه خير لك في دينك ودنياك،

انا ي طويل العمر خريج من هذي الجامعة قبل سنة تقريبا و٤ شهور يعني في عز الازمه الاقتصاديه.

صحيح اغلب كلام الشباب لكن و الله في فرق بين خريج البترول وخريج اي جامعة اخرى حتى لو كان من خارج المملكة هذي حقيقه ، اي نعم التقديم الاون لاين مايعطيك فرصه انك تكمل البروسيس لما تكون تحت ٢.٥ هذا كلام سليم ميه ف الميه لكن شف الشركات الكبيره زي ارامكو زي سابك زي معادن ، ارامكو قبلت ناس ٢.٦ ونفس الشي معادن ، سابك كان مقفل التوظيف عندهم ، ولكن لما يجون ياخذون من اي جامعة ثانيه تحت ٣.٢ من اربعه مايناظرون له ، لك ان تتخيل قد ايش اعتمادهم على خريج البترول ونظرتهم له ، الشي الثاني التعامل ف العمل بعد القبول ، يعتبرون خريج البترول موظف حقيقي عليه مسؤوليات وواجبات ، الجامعات الاخرى ماينتظرون منه اي شي لمدة ٧ شهور تاصل سنة ، لكن بما انك اعطيتنا المعطيات وتبي حل ، انا اقولك الحل بيدك انت ، انت الوحيد اللي تقدر تقرر تكمل ولا تخرج ، مو معقول تبني حياتك على كلام واحد ماتعرفه اصلا من ورى كيبورد قاعد يكلمك.

انا اقولك انا ماتوظفت الا بعد سنة من تخرجي لكن في داخلي كنت راضي لاني يمكن خسرت وظيفة ولا ثنتين عشان المعدل او اي سبب اخر لكني كسبت نفسي بتخرجي من جامعة زي البترول ، و الله ف الشركة الحين اشوف البتروليين حتى لو كان منجر دايركتر مناصب عاليه يوم تقوله انا بترولي على طول تعامله يتغير معاك ،

اتذكر كنا نتغدى انا وواحد من الشباب خريج جامعة امريكيه ومعانا منجر من البترول ماكنا نعرف انه بترولي قام خويي يقول هذا بترولي مفلسع ويأشر علي ، قام المنجر قال التالي :

يوم يطلبون مننا توظيف ف القسم مايدخل قسمي الا طالب بترول ولو انه سياسة الشركة ماتطلب وتضغط علينا نوظف من جميع الجامعات كان نقلنا مبنى ٢٤ هنا هههههههه

وقال لخويي ترى انت بالنسبه لي انا والرجال ذا يقصدني ههههه

انت مادرست شي ف امريكا انت مجرد هاوي يبيلك فت وعجن


الصدمة العظمى انه كان باقي حافظ رقم الاي دي حقه وهو متخرج من ١٩٩٧ ههههههههههههههههه ساعتها و الله حسيت بالانتماء

 

السلام عليكم,
انا حبيت اشارك لاني كنت مكانك في بداية الفريشمين ... واذا حاب تكمل في الجامعة لا تفقد الأمل وتوكل على الله أولاً وشد على نفسك وانضبط وحاول دايماً انك تنظم وقتك وهذا اهم اهم اهم شيء. انا للأسف كنت مهمل بداية دراستي ولكن اخذت درس اليم الصراحة في اول ترم في الجبل وجبت معدل 1.45 ولكن الحمدلله بعد توفيق ربي تخرجت بمعدل عام 2.71 ومعدل للتخصص 3.20 .....لاتضيع الفرصة وتندم وشد حيلك وفالك مراتب الشرف ان شاء الله!.

والحمدلله على كل حال

 

اخوي ترا مو كل الجامعات نفس الجامعه اللي انت فيها....في منها الزين والشين..

صحيح ناس كانت معدلاتها اقل من اخونا ورفعوه وتخرجو اونر...بس بعد في ناس ظلت سنوات وفي النهايه طلعو وضيعوا وقتهم

ف انت هنا فكر فيها انت واثق انك بتشد وبترفع ولا تحس ماتقدر؟

اذا الحاله الثانيه انا ما ابغاك تتعرض لحالة الناس اللي عانت وفي النهاية ما استفادت..اكيد راح انصحك تشوف حياتك في مكان ثاني...

بالتوفيق..

 

انت كشخص اعرف بفسك إذا لك قدرة وتحمل انك تواصل وترفع معدلك في الجامعة الأفضل انك تكمل فيها ,صدقني ماراح تحصل جامعة بمستوى اكاديمي مثلها
انا مثلك سفمور سحبت ملفي في نص سمستر 161 وحولت الى كلية الكبيل وبديت هذا السمستر فيها ,
ندمت اني ضيعت فرصتي فيها لكن الحمد لله على كل حال

 

نسيت اضيف شي
إذا ماقدرت تغير من حالك وترفع معدلك حاول تدراك نفسك لاتعيش في حالة من دسمس الى دسمس
انا من دفعة 2014 وحالياً في الجبيل بعض الكلاسات معاي طلاب من دفعة 2010 و2011 و2012
المشكلة انهم ماتداركوا الوضع وكملوا من دسمس الى دسمس لين ماطلعو من الجامعة

انا ما اقول لك هذا الكلام عشان اخوفك او شي بس عشان تنتبه لنفسك وتشد على حالك
الجبيل من ناحية نظام وترتيب مع احترامي صفر قدام البترول

 

رفع المعدل بعد 33 ساعة مو صعب

جيب C+/B بكل شي و A+ بمواد الاسلامي والعربي وبيرتفع

 

وين المشلكة في التأخير ؟ ماني فاهم صراحه أتأخر واصبر واصابر على شي يستاهل أو اسحب وبدأ بمكان غير ومختلف ممكن ما أتقلم معه ؟

عادي درست مع ناس دفعات 2002 كيمياء 101 وتخصصهم هندسة معماريه , عادي ترى التأخير المهم أنك تقتنع بالشي والشهاده

شف أخوي بكل بساطه أذا عاجبك الوضع بالبترول من ناحية الدراسة والاصدقاء ولا عندك ظروف عائلية قاهره مثل مرض أو ماشابه < مع اني ماشاوفها سبب تسحب
كمل وبكل قوه

اذا منت مقتنع وتشوف المكان مزعج لك بكل بساطة أمشي ورا هواك , لكن ماهو كل هوا صحيح .

اهم شي عندي أنك لا تتخذ إجراء اثناء فترات الضغط من متابعتي لوضع خوياي حاليا بالجامعة اشوفهم بالواتس متعبين جدا وهذا شي عادي انا عارف الجامعة تضغط على الطالب بشكل قوي لكن هي أفضل خيار ومن تحصل له الدراسه فيها ؟

نصحيه ثانيه بشغلة المعدل والتوظيف :

تسع أعشار الرزق بالتجاره ... تبي فلوس ؟ لازم تتجر وظيفتك في أرامكو لو أنك الفالح ماهو أغنى من التجار , لكنك دافور فعشان كذا اكاديميا اشوفك في وضع افضل

 

السلام عليكم

أخوي ليش فكرت إنك تروح الitc أو كلية الجبيل؟ ليش ما فكرت تروح جامعة أخرى وتتخرج ببكالوريوس وبمعدل كويس؟

طبعا هذا آخر الحلول وكذا ولا كذا إذا مافكرت تكمل لا تترك الجامعة إلا ومعدلك 2 حتى لو تاخذ الكتف كثير.

 

السلام عليكم.

المعدل عشان إذا بتحول جامعة ثانية بس إذا بتروح ITC اتوقع ما يفرق.