مساء الخير جميعا سيارتي لونها حاسه صار باهت ومحتاج تجديد, فقررت إني أجرب أعملها Matte Paint Job المعروف بالدهان المطفي أو إني أجلدها بس ما عندي أدنى فكرة عن المحلات اللي بتشتغلها ومين فيها كويس ولا أنواعها وأسعارها و الضمان و و و ... دورت عالنت وبرضو ما استفدت كتير فحبيت أطلب مساعدتكم بحكم إني شفت عدد من السيارات في الجامعة مجلدة أو مدهونة مطفر (بصراحة ما بميز بينهم ) فياريت يا شباب اللي جلد سيارته أو دهنها مطفي يفيدنا من خبرته عن المحلات وأسعارها و الضمان وخلافه.. ولو في ملاحظات, نصائح أو عيوب فأهلا وسهلا بها مشكوين مقدما
في انواع للرشة وانواع للتجليد انواع الرشة على حد علمي : 1- رشة مؤقته وتروح بالملمع سعرها 200-500 2- رشة دايمة سعرها نفس سعر الرش العادي والتجليد انواع وشركات في صيني والماني وامريكي الاسعار تبدأ من 900 الين 25 الف واذا تبغى تجلد اهم شي تاخذ ضمان على بوية السيارة وتوثقه باي طريقة لان بعض المحلات تجلدلك ولما تجي تفكه ياخذ البويا الاصلية حق السيارة معاه في طريقة ترجع لك لمعة الوكالة باستخدام عدة تلميع meguiars (كان عندي الدليل للمنتجات اللي تحتاجها وضاع اذا لقيته بحطه لك) عموما منتجات هذي الشركة تلقاها في ساكو وبدورلك عند اصحابي حقين القطب والتعديل عن افضل محلات التجليد في الخبر او الدمام واي استفسار انا حاضر
انتبه من المرور النطفي ممنوع ولو واحد قفلت معاه عسكري ومزاجه مو كويس حيسحب السياره وحتنحجز لشهر وممكن اكثر .. حاول تزيد تعديلات ع السياره ثانيا .. بدي كت او جنوط ..
غير ممنوع الا اذا كان اللون الاصلي مختلف تماما عن لون الرش او التجليد والدليل عندنا سيارة لها قريب سنتين او ثلاث سنوات لونها مطفي ولا عسكري فك فمه
ممكن جدا! أو زي ما قال كيمو الموضوع مزاجي! عموما أنا سيارتي لونها الأساسي عاجبني ومو مفكر أغيره بشكل كامل.. ممكن بس اختلاف في الدرجة مع بعض الحركات يسلموا يا باشا! انشالله بمر عليهم وبشوف اللي عندهم.. بس عندك فكرة عن الأسعار و الضمان.
شارع الملك سعود في الدمام فيه كم محل مشهورين انا اروح لمحل اسمه " الوليد " بعد الكبري اللي عند ماكدونالدز في جنبه كم محل .. بس هو متخصص في التجليد والاستكرات وعنده اكثر من خامة .. عنده " الماني - امريكي - تايواني " وأسعاره معقولة ....................................... بالنسبة للبوية الباهتة .. فعلاجها حسب حالة الكلير كوت على السيارة اذا كانت البوية ثقيلة يعني اكثر من طبقة ,, يمديك تستعمل البولش وترجع اللمعة على طبيعتها .. اذا البوية ممسوحة وخفيفة مرة لدرجة اذا حكيتها حكة خفيفة يبان البرايمر .. فالافضل انك ترشها رشة تجميلية