مساعده لشخص محتار ..بدخول الجامعه ..

و عليكم السلام و رحمة الله و بركاته

أغلب الأسئلة المفروض أنت تكون قادر تجاوب عليها... خصوصًا أسئلة الغربة
تقدر تستحمل الغربة؟ تقدر ترتب نفسك؟ تقدر تنظم وقتك؟ الخ الخ

الجامعتيين من ناحية أكاديمية مع عندي أي علم و لا أهتم بمواقع التصنيفات... لكن أتوقع الأفضلية للتخصصات الهندسية في البترول

من ناحية بيئة... لا شك الإعتماد على النفس مفيد و بنفس الوقت تقعد مع أهلك مريح لك و يعطيك وقت إضافي تتفرغ للدراسة
ملاحظة: أحيانًا الأهل ممكن يكونوا مصدر تشويش أو إلهاء عن الدراسة

على العموم أهم من اسم الجامعة و المكان اللي بتجلس فيه... هو أنك تشتغل على نفسك

باختصار شوف الفيديو هذا

 

ما اتوقع انه بينهم فرق مرة كبير ، لكن حط ببالك انه في البترول لما تعدي السنة التحضيرية بالوقت المحدد ( سنة او سنة وصيف ) يمديك تدخل اي تخصص تبغاه !

+1

 

^

اسم الجامعة شيء طبيعي افضل من جامعة سعود، ولكن راح تحتاج تبذل جهد اكبر وتتحمل ضغط كبير عشان تجيب معدل عالي
لأنك لو جبت معدل سيء ماراح تستفيد من اسم الجامعة.

في نظري الغربة تطورك مو بس من الناحية الدراسية بل تأثر كثير بشخصيتك، عمومًا هذا الشيء يتعلق فيك! فكر بحيث انك ماتندم بعدين، وبالتوفيق!

 

وعليكم السلام ورحمة الله وبركاته.

بنسبة لتخصصات الهندسة، بفتراض المعدلات قريبة من بعض، البترول تتفوق على سعود. لكن لو كان في فرق ملحوظ بين المعدلات، الجامعة اللي فيها معدل أعلى راح تكون أقوى.

جامعة الفهد تحتاج جهد كثير علشان تحصل على معدل عالي. بنسبة لسعود ماعندي علم على مدى صعوبة الدراسة فيها. السنة التحضيرية في البترول تعتبر صعبة نسبياً بحكم تغير طريقة الدراسة وكل شيء باللغة الإنجليزية. كذلك في الجامعة بالعموم راح تعتمد على نفسك 100% من ناحية تنظيم الوقت، الوجبات والمشتريات، إلخ. بنسبة لسعود أمور كثيرة ماراح تشيل همها بحكم سكنك مع الأهل.

من وجهة نظري البترول أفضل لك بما إنها مضمونة. غير كذا راح تصقل شخصيتك وبتعتمد على نفسك في أمور كثيرة وهذا شيء إجابي ماراح تحصل عليه في جامعة سعود. وحط في الحسبان الظهران والخبر والدمام كلها تعتبر مدينة وحدة وفيها أمور كثيرة ترفيهية مقارنة بالرياض. كذا إنت أساساً ماراح تكون غربة عليك بمجرد إعتيادك على المكان وإختيارك للصحبة الصالحة اللي تفيدك في دينك ودنياك.


موفق لك خير,,,

 

الإخوان اللي ردوا بعدي ماقصروا

بس عشان اعطيك بعض المعلومات عن السكن... السكن تنقطع فيه الموية أحيانًا، الموية مالحة، لازم يكون في أحد معك بالغرفة، الحمام مشترك بين الطلاب

قاعد أقولك هذه الأشياء مو للتنفير لكن عشان يكون عندك علم و ما تتفاجأ لما تجي

بنفس الوقت إذا عرفت تتأقلم و تجد "الروميت الصالح" بكون السكن مصدر قوة لك من ناحية أكاديمية و نفسية

موفق

 

بالنسبة لموضوع انقطاع الماء في السنين الاخيرة اصبح نادر ( مرتين الى اربع مرات في الشهر ) غير انه ما ينقطع فجأة ع كل العماير ، تروح للعمارة الي بجنبك (دقيقة دقيقتين ) وأنت واصل طبعا هو الاشكالية لو انقطع عليك وانت بالحمام او بالمروش لكن زي ما قلت المسألة نادرا ما تحصل

فلا تحس أنه الموضوع كبيير وتشغل بالك فيه

 

مشكور على التوضيح... لأني للأمانة مو من سكان السكن لكن من الكلام اللي أسمعه من الشباب

 

حبيبي

 

اخ هاني محدثك اوريا باذن الله

لا تسألني كيف انقبلت عالحفة XD

كيف وضع الرياضيات لان صراحة خايف

الثنوية كان فيها ليمت ومدري وش لكن المدرس كان شايب ولا فهمنا شي

هل الرياضيات صعب او لا؟ يعني لو اشد على نفسي واتابع يوتيوب وكذا اقدر امشي اموري؟

بالنسبة للانقليزي ولله الحمد اموره تمام

 

ما دام لغتك الإنجليزية مقبولة فأمورك بتكون تمام فلاتشيل هم و " استمتع " بعطلتك أياما استمتعا عشان يكون عندك حماس واندفاعية للدراسة ولا تلفت أبدا لمثبطين أو الي يحطمونك و أعلم أنه مقعدك يتمناه الكثيرين !have fun baby

 

ياخي قسم بالله مدري وش اقول يا انك شلت هم قوي!

ياخي احبك 3>

الله يسعدك ويوفقك وين ما اتجهت

 

أميين واياك حبيبي