مستشفى الهيئة الملكية في الجبيل

وعليكم السلام ورحمة الله وبركاته

على أي وظيفة أنت مقدم ؟ على وظيفة رئيس قسم الصيانة ؟ وايش هو مؤهلك العلمي (بكالوريوس أو ماجستير) علشان أقدر أفيدك بالمعلومة الصحيحة..

 

يا هلا

مهندس مدني ، خبرة 4 سنين .. بيكون الراتب كالتالي :

1. الراتب الأساسي 11460 رس
2. نعم (للمتزوجين) وبحسب المتاح ، أحيانا يكون اسمك في القائمة وما يوصل لك الدور إلا بعد 6 شهور .
3. نعم ، ويوصل لك الدور بعد 5 سنوات تقريبا .
4. البدلات المضافة للراتب الاساسي هي كالتالي : بدل سكن (راتبين أساسيين في السنة وتصرف لك شهريا ، تعادل 16.67 % من الأساسي وطبعا لمن لم يستلم شقة مؤقتة أو لمن لم يستلم البيت) + بدل نقل (900) رس
5- العلاج مجاني في مستشفى الهيئة الملكية للزوج والزوجة وكافة الأبناء وللوالدين .
6- للأبناء حق الالتحاق في مدارس الهيئة الملكية بالجبيل الصناعية .


يعني إذا ما أخذت سكن (مؤقت) منهم .. بيكون راتبك كالتالي :

11460 + 1910 + 900 = 14270 قبل خصم التأمينات

ترى الأرقام تقريبية .. وإذا فيه أي سؤال ثاني .. أنا حاضر

 

السلام عليكم
آخوي طيب كيف وضع الفرش مهندس كهرباء
جاتني مقابلة مع مستشفى الهيئة بينبع
وماني عارف كيف وضعها

 

وعليكم السلام ورحمة الله وبركاته

والله وأنا أخوك .. مدري عنهم

صحيح كلنا نتبع للهيئة الملكية .. بس تقدر تقول إن الجبيل مفصولة إداريا عن ينبع

من ناحية سلم الرواتب .. أظن إنه متقارب

ومن ناحية المقابلة الشخصية .. ما عندي خلفية عنها ، بس بما إنك خريج جديد .. ركز على مشروع التخرج وعلى التدريب الصيفي حقك وعلى أساسيات الهندسة الكهربائية بشكل عام .

الله يوفقك

 

أخ حمد ..

هل الهيئه الملكيه صارت تعطي بدل سكن ؟

 

أها ..

الوظيفه على برنامج الخدمات الصحيه ..

و ليست على نظام التوظيف المباشر ..



ههههه ..

قلت يمكن بشارة خير ..

يعني مافي إمل إنهم يلينون روسهم

و يعطوننا بدل سكن ..

 

هذا برنامج الخدمات الصحية التابع للهيئة الملكية ..

البرنامج فيه اختلافات عن أنظمة ولوائح الهيئة الملكية نفسها .. عندنا بدل سكن وهم ما عندهم هالشئ

لكن بدل السكن بيروح عليك في حالة إنك استلمت شقة مؤقتة أو في حالة إنك تملّكت البيت

 

هلا والله

التقييم السنوي يكون كل نهاية سنة هجرية .. مثلا لو توظفت في شهر شوال 1435 هـ ، ما راح تجيك زيادة في محرم 1436 هـ .. لأنك ما تميت سنة كاملة ، واول علاوة بتكون في محرم 1437 هـ وهذا هو النظام المتبع عندنا

مقدار العلاوة تختلف بحسب مرتبة الموظف ، وبالنسبة لك بتكون 5 % من الراتب الأساسي كحد أعلى .

وبالنسبة لك .. أتوقع غنك راح تتعين على المرتبة 2 الدرجة 3 وعن كل سنة خبرة ، راح يعطونك 5% زادة على الراتب الأساسي .. وأنا حسبتها لك فوق وطلعت معي حوالي 11460 رس كراتب أساسي لمهندس خبرته 4 سنوات.

الدوام من الأحد إلى الخميس .. من 7 صباحا إلى 4:30 عصرا مع فترة ساعة كاملة للغداء (من 12 إلى 1)

فيه عندنا برنامج للقروض (بدون فوائد) ولكن ما تقدر تستفيد منه إلا بعد ما تكون خدمتك 3 سنوات أو أكثر ..

مديري الإدارات لهم وضع خاص .. وأحيانا تكون هناك علاوات استقطاب لهم ..

بيئة العمل مناسبة نوعا ما ، أنا ما أقول جيدة أو ممتازة .. أنا أقول جيدة نوعا ما وهذه وجهة نظري ، وفيه مشروع ضخم في إدارة الصيانة بمئات الملايين من الريالات خاص بإعادة تأهيل وترميم مبنى المستشفى بالكامل ، ومدة هالمشروع 3 سنوات .. راحت منها نصف سنة وباقي سنتين ونصف ..

إذا محتاج معلومات أكثر .. ممكن أتواصل معاك على الخاص

وما عندي مشكلة أعطيك رقم جوالي .. وأي شئ في بالك ، أرسله لي وإن شاء الله بأجاوبك عليه

 

متعااون جدا.. جزاك الله كل خير

 

الله يسلمك ..

أكيد أي شيء أعرفه .. ما راح أبخل فيه على أخواني .. فأنا والله ما أعدكم إلا مثل إخواني

 

الله يعافيك