مشاكل في سكن الطلاب

يارجااال من أمن العقوبة أساء الأدب


اليوم مر الأمن جنب مبنى 59 ومعاهم دفاتر المخالفات ,, وحصل ناس يدخنون عند الباب الرئيسي !

جاء عنده بيعطيه مخالفة , وقام المدخن -الذكي- ضحك على رجل الأمن -(غبي)- بكم كلمة وسولف معاه كم سالفة -عساس اننا اصحاب وكذا- قام رجل الأمن ضحك واستانس و"ربت" على كتف المدخن ومشى !

وأنا جنبهم تمنيت لو أني صورته , لأن رجل الأمن بكبره أمن العقوبة فلم ينفذ المطلوب منه

 

أنا شخص ما أدخن ولله الحمد ومن كاهرين الدخان ورائحته ويجيب لي الضيق لاشميت ريحته لكن احس بعض الطلاب يبالغ حبتين يعني مش مشكله لو دخن بمكان مفتوح مثلا عند باب العمارة او عند النوافذ الي بنهاية الممرات بحيث انه فيه تهويه وماحتشم الريحه الا اذا مريت من عنده وهو يدخن...موضوع الاصوات والازعاج من جد ينرفز خصوصا اذا كنت مطفي المكيف تحسهم متجمعين عندك الغرفه... احسن حل لهالمشكله تروح تكلم اصحاب الغرفه وتقولهم لو سمحتوا اصواتكم مره عاليه و 99% حيطلعوا محترمين ويخفضوا الصوت ويعتذروا منك

 

هذه مشكلة يجب ان يتفهمها الطلاب.
أعزائي المدخنين، فقط المطلوب منكم اختيار مكان مناسب للتدخين. فلم يتم الطلب منكم ان تتركو التدخين أو منع منعا باتا (مع اني ضد التدخين في ذاته) و لكن ابسط ما يمكنك فعله هو ان تكف شر التدخين عن غيرك اذا رضيته لنفسك. فمثلا في الجبل قم بالتدخين اما في مناطق التدخين او بعيد عن الطلاب.
في السكن، اخرج خارج العمارة أو على الأقل من النافذة التي بأطراف كل دور حتى لا تزعج من بالغرف. أتمنى الا يفهم كلامي بطريقة خاطئة لأن كل ما احاول الوصول اليه هو حل وسط بين الجهتين.

أسال الله لي ولكم التوفيق.

 

المشكلة ان المدخن حجته أنه حر في تعديل مزاجه ولكن نسي أنه على حساب الآخرين من الرائحة النتنة و المضايقة فاذا كان آكل البصل و الثوم منهي عن صلاة الجماعة وهي واجب ديني لكي لا يؤذي المسلمين فما بالك بالمدخن صراحة أنا اتضايق بشدة من الريحة لانها تسبب في تعكير مزاجي بشكل كبير كذلك الدخان نفسه يسبب لي صداع وضيق تنفس وحساسية شديدة وبعض الأحيان توصل غثيان -أكرمكم الله- فلما امر من مكان مدخنين(غالبا عند ابواب المباني و الدرج الي عند السطوح في السكن) فللأسف بعض الأحيان أدعي عليهم لانهم آذوني و الجامعة حاطه أماكن لهم ومع ذلك تجدهم عند الأبواب يبخرونك طالع داخل أو الريحة في السيب تدخل علي الغرفة طبعا اقدر ابلغ عنهم خصوصا الي في السكن لكن ماودي أتسبب في ضرر أنسان ودي الواحد يكون عاقل ويفهم الشي ذا اذا الله ابتلاك بشيء فلا تبتلي الخلق
حسبي الله ونعم الوكيل

 

اشوف انك ببساطة تكلم جيرانك سواء على الازعاج او التدخين
بدل ما تاخذ لفة طويلة

 

بعضهم ما يفيد معه الا الطرد ، عندنا "اوادم" اذا قدرنا نسميهم بهالاسم، شيشة ودخان وقالبين غرفتهم عزبة. انا شخصيا كلمتهم ثلاث مرات والجار كلمهم اكثر من مرة .
لكن اختفوا قبل شهر وشكلهم انشاتوا من الغرفة ، حتى سراويلهم وليات الشيشة ما شالوها.

 

تعبنا معاهم والله
المشكلة بعضهم يتعامل مع السكن وكأنه بيت ابوه ، صراخ في نص الليل في الغرفة وازعاج ، طيب ما تحترم جارك اللي عنده دوام الساعة ٧ الصبح ؟

التدخين حكاية ثانية ، ساعات أدخل الممر وأشم ريحة المعسل من بداية الممر

الله يهديهم بس

 

انت اول وثاني مره كلمهم ,, المره الثالثه بلغ عليهم

 

في تصرفات و تعديات مشابهة لهذه في المباني الأكاديمية

لما تدخل دورة المياة (و انتم بكرامة) و تلقى واحد تارك برازه ولا بوله (و انتم بكرامة x2) ماتدري وش تقول... بالله هذا انسان مسلم بالغ عاقل في أرقى الجامعات ؟

لما تدخل كلاس و تجلس و تتفاجأ بالرسوم و الكتابات اللي على الطاولة... هل هذا تصرف انسان مسلم بالغ عاقل في أرقى الجامعات؟ x2

لما تلقى واحد مبري قلم الرصاص بمكانه و تحت الكرسي مكب نفايات... هذا تصرف انسان مسلم بالغ عاقل في أرقى الجامعات ؟ x3

و على طاري الرسوم و الكتابات... شوفوا وش حصلت ذاك اليوم



و النعم ما شاء الله هههههههههههههههه ^^^

 

يلد .. صرنا قرود كلنا

 

إلا على طاري المشاكل ،، يا كثرها لو بدينا نعد

بس في شي مضايقني .. ذلحين اللي يفصفص تحت الكرسي وش يحس به ؟ سلامااات يا صديق !

 

على طاري المشاكل فيه واحد معي في الكلاس مو طايقني ابد مع اني انا اصلا ما اتكلم مع احد ابدا (يمكن هذا هو السبب) اذا جيت ابي اسئلة عن شيئ يكلمني من طرف خشمه مع شوية صراخ احسن شوي ويقوم يكفخني وذا كنت انا واقف وهو يبي شيئ ما يقول لوسمحت يدفني وياخذ اللي يبيه ولا كنه شايف احد هذاكيف اتعامل معاه ممكن اقتراحاتكم؟

 

^^^^
كلمه على جنب و سئله بطريقة محترمة عن سبب معاملته
فيه ناس مابينك وبينهم شي لكن هذي طريقتهم في التعامل شوي جافة ... يمكن هذي طريقته في التعامل..

 

" شز "what does this mean

 

ههههههههههه

 

واللي يكتب على الجدار قاعة 178 في مبنى 24 fu** you هذا ايش رايك فيه ؟؟؟

عندنا مشكلة كبيرة مع عدد من الطلاب اللي ماهو ناضج,
ولا عنده وازع من الدين يردعه عن هذه الافعال اللي ما تصلح,
ولا فيه توجيه من الجامعة بخصوص هالتصرفات
ولا حتى فيه عقوبات زي الناس على هالاشياء
واذا كان فيه عقوبة آلية التنفيذ ضعيفة ولا تؤدي الغرض

الله المستعان ... (ان الناس اذا رأو المنكر فلم يغيروه اوشك الله ان يعمهم بعقاب) ...
مثل هالكلام يكتب على الجدران بخط كبير وواضح يدلك على ان تفكير المجتمع صار ممكن يتقبل مثل هالكلام ...

 

كلام كبير جدًا

و صدقني إذا تكلمنا عن التصرفات هذه ما بنخلص

 

كلامك جميل جدا
لكن أنا اتصور إن وجهة نظر الجامعة: إذا هو وصل لهالعمر وهذه تصرفاته ، يعني - واعذروني على هالكلمة - نقعد نربيه على كبر ؟
التصرف هذا عيب ، ولا يمكن يصدر من شخص عمره +19 سنة
واحنا في النهاية ما لنا الا نستنكر مثل هالتصرفات ، ونعلم المسؤولين في المبنى حتى يتم طلاء الجدار وازالة هذه الالفاظ النابية ؛ لأن هذا اقصى شيء نقدر نسويه كطلاب
وفي النهاية، الله يهدي كل شخص تسول له نفسه تسوي مثل هالتصرفات

 

يا أخ "شدعوه" أتمنى عدم التغيير على الردود


قمتَ بتعديل ردي في الأعلى لأني قلت أن رجل الأمن كان غبي -وهو كذلك - , ولم أذكر اسمه ولم اتعرض لشخصه , بل هو غبي بالموقف الذي حصل ولا شك , أين الديمقراطية


والآن تقول إن الشخص هذا تعامله جاف , الرجاء التعديل على ردّك وحذف كلمة (جافة) وكتابة سبب التعديل "اهانة"