مشكلة مع دكتور

السلام عليكم ورحمة الله وبركاته عبدالعزيز

غالبا مثل هالمشاكل سواء كان المشكتي طالب أو دكتور تروح لعمادة شؤون الطلاب ، و من أكثر من مشكلة شفتها غالبا تنتهي بأعتذار من أحد من الطرفين أو ينتهي السمستر و الطرفين مايتابعون الموضوع فينسي .

صعبة الواحد يحكم من الي كان خطأ أو صح لكن تصرفه لو مثل ماقلت ، اشوفه غير مناسب إنك تسكر الباب في وجه أحد سواء كان بحسن نية أو لا ،
بس في نفس الوقت ما تعتبر مخالفة أو شي عشان تكون فيه شكوى وحتى لو كان فيه شكوى مثل ماقلت لك ( غالبا ) تنتهي باعتذار أو صلح ، الشي الثاني البونص صحيح ممكن من حقك لأنه وعدكم لكن في النظام مافيه شي اسمه بونص .

نصيحتي في الجامعة حاول ماتدخل في مشاكل شخصية سواء مع الدكاترة أو الطلاب لأنها بتضر أكثر من ما بتفيدك وبتشغلك عن الدراسة وتتعب نفسيتك خاصة الفاينلات قريبة ،
ما أقول إن الواحد يتنازل عن حقه خاصة في موضوع الدرجات لكن حاول لما تستفسر عنها أو تطلب شيئ تكون حذر مع الدكاترة خاصة لو كان موضوع بونص أو في زيادة في التصحيح لأنهم بعضهم للأسف يفهم الموضوع خطأ ويحس إنك قاعد تتأمر عليه وهو يعتقد نفسه إنه متفضل عليك ، فحاول تكون طريقتك في الكلام معه حذرة
يعني جملة " ما طلبت إلا حقي " صحيح الحق معاك لكن الطرف الثاني ممكن يكون تفكيره مختلف ويفهم عليك خطأ .

بتشوف في الجامعة وحتى بعد الجامعة أشخاص أخلاقهم ماتتناسب مع درجتهم علمية ، فطول بالك وتغافل أحيانا.

الفاينلات قريبة و ركز على الاستعداد لها ، والحمدلله إن دكتور pe يعني ماراح تتأثر كثير حتى لو نقصك

و إذا حاب تستشير أحد ، في مبنى 68 فيه جهة للتوجيه و الإرشاد
بعض الدكاترة هناك متعاونين ويمكن مرت عليهم مشكلة مشابهة ويقدرون يفيدونك بالتصرف المناسب .

بالتوفيق و آسف على الإطالة

 

تصرفه غير مقبول ولكن طنش لانه فيه مثله كثير ممكن تقابلهم بحياتك

حط في بالك انه شخص بهذا العمر وهذه اخلاقه وتصرفاته بتحمد الله على ادراكك وانكارك لهذه التصرفات