مشكلتي الكبيرة مع ماث 01 - احتاج نصائحكم جداً

*

وكّل الله يا رجال واهدأ

الحمدلله ما دام أمورك ماشية تمام في باقي المواد ، أعطي الماث تركيز أكبر وحافظ على مستواك في الباقي ، ولا تيأس ولا تتحطم وتقول ما راح أفهم .. المسألة مسألة جهد ووقت وتركيز. والجامعة ما حطت برنامج التحضيرية إلا أنها تبي تهيئ الطلاب للجامعة ، وأنا أضمن لك أن فيه طلاب أسوأ منك بكثييير ، على الأقل أنت ما شاء الله 02 وتفهم ، وش حال الي 00 وما يدرون ما الذي يدور حولهم ومتورطين في كل المواد.

أنصحك توفّق بين الدروس الي تاخذها الحين + تستدرك الي فاتك ، والحمدلله الي فاتك ماهو شي صعب أبداً ..

بالنسبة لي التدرج الأنسب كالآتي (بدون نوتات ولا ملخصات ولا هم يحزنون):

* ركّز في الكلاس وحاول تستوعب قد ما تقدر ، وإذا رجعت الغرفة راجع الي أخذته في نفس اليوم.

- اقرأ أمثلة الكتاب ، إذا فهمتها حل المسائل الي يطلب منك حلها في آخر المثال.
- روح للأونلاين هوموورك وحله.
- إذا خلصت الدرس وحسيت أنك فاهم مضبوط ، حل الريسايتيشن ؛ إذا ما كانت عندك تلقاها في الموقع.
- إذا حليت الريسايتيشن وفهمت المسائل ، هنا وضعك إن شاء الله في السليم، ويجي وقت الأولد إكزامز.
طبعاً الأولد إكزامز الي منزلينها في الموقع مرتبة بالتدريج حسب الدروس ، فتقدر تلقى المسائل الخاصة بالدرس بسهولة. طبعاً مو لازم تضغط نفسك وتلتزم بحلها يومياً ، لكن خصص لها وقت قبل الميجر.

وإذا صعب عليك شي لا تتردد بأنك تستغل الأوفيس آورز ..

تمنياتي لك بالتوفيق ​

 

درست عند نفس المدرس ، شرحه كويس لكن في الميجر الأول ذاكرت الكتآب فقط وحليت أغلب تمارينه وتفأجأت بنتيجة سيئة وأخذت 10 من 20 !

أحد الطلآب نصحني وقال طنش الكتاب وذاكر أولد كزام فذاكرت الأولد اكزام للميجر الثاني والحمد لله أخذت 18

نصيحتي ذاكر أولد اكزام ، ركز عليه كثير هو أهم شيء أهم من الكتآب ومن أي شيء ثاني لأن فكرة الأسئلة تكون منه ، صدقني لو بتجتهد للميجر الثاني وتذاكر من الأولد كزام راح تجيب درجة ترضيك ..

أنا الحمد لله ومن بعد ما بديت أذاكر الأولد كزام لكل ميجر دائم درجاتي فوق الأفرج بفآرق مريح ..

 

اضيف علي كلام الشباب .. خذ نوتت ناجي انا ذاكرت منها وجبت 19 في الميجر .. و يحط فيها اولد اكزامز

 

ابدأ المذاكرة من الآن وشد
لا تستعجل بالمذاكرة ذاكر درس درس ، مسألة مسألة
عندك الآن حوالي 13 يوم عن كلاس تيست و بعدها بأسبوع الميجر
يعني عندك وقت كافي على ما أظن

ايضاً لو تتابع مع التيشر وتكتب معاه أفضل
ذاكر النوتات و اللي كتبته و الامثلة
وبعدها تدريجياً ابدأ بحل الاسئلة و الاسئلة
و أنا أنصحك ما تكتفي بالمذاكرة العادية خاصة اذا كنت تريد درجة ممتازة
اضغط على نفسك كل يوم و حل أمثلة الكتاب و ارجع لها مرة ثانية ايضاً
و اذا ما فهمت مسألة اسأل أي أحد من فصلك أو الدكتور
صدقني اذا اجتهدت و كرفت راح تحصل على درجة كويسة حتى في اسوء الظروف أضمن لك تجيب نصف الدرجة او اكثر

 

http://www.stkfupm.com/vb/showthread.php?p=1420386#post1420386

 

تبي ترتاح ؟ تبي بجيب درجة عالية الميجر الثاني ؟

افتح موقع الماث http://www1.kfupm.edu.sa/pypmath/

بعدها خش على MATH 001 وروح للأولد اقزام

قبل الميجر بأسبوع على الاقل حمل 5 اولد اقزامس وحلها بنفسك بعدين شيك ع الاجابات
وصدقني راح تتحسن درجتك .. اذكر اني جبت 19 والسبب الاولد اقزام حق الموقع

الله يوفقك

 

الكتتتاااااااابب اللككتتتاااااب وتمارريننه حلل قد ماتقدر من تمارين الكتاب وبعد ماتخلص روح حل الاولد اقزامز والله يوفقك

 

اولد اكزام + أي شيء منت فاهمه اكتب اسم الدرس في اليوتيوب وبتلقى شروحات واجد !

 

حسب تجربتي ، الطريق نحو درجة كويسة في الميجر يمر برحلتين :

أولا :
بالنسبة لفهم الدرس :

حاول تفهم من شرح المدرس في الكلاس ، إذا ما عرفت فقط اكتب اسم الدرس في اليوتيوب وبتطلع لك عشرات الشروحات ، اختر واحد وركز معاه ..


ثانيا : حل المسائل :
، وهي الخلطة السحرية في الرياضيات ، ثق تماما إنك كل ما تحل مسائل أكثر كل ما تتمكن أفضل ، الرياضيات مادة ( حل مسائل )

وحل المسائل له طريقتين اختار أحدهما حسب الدرجة اللي تبيها ، - وأكيد تبي درجة عالية - :

1- مرحلة درجة الأفرج أو حوله :

وتكون من الدراسة من الكتاب فقط ..

الكتاب عنده ميزة رائعة جدا ، وهي التدرج في صعوبة الأسئلة ، تبدأ الأسئلة سهلة ثم تزداد صعوبة .. قبلها إقرأ الأمثلة وافهم الطريقة ثم اتجه للأسئلة وحلها ..

طبعا ربما تكون الأسئلة كثيرة ، لذلك اكتفي مثلا بحل الأسئلة الفردية ( 1 ، 3 ، 5 ، .... ) ، وحلولها موجودة في نهاية الكتاب ..

2- مرحلة فوق الأفرج أو الدرجة الممتازة ( 17 ، 18 ، 19 ، 20 ) :

طبعا زي ما قالوا الشباب هي من الأولد اكزامز ، بعد ما تحل أسئلة الكتاب روح للاولد اكزامز ، الأولد اكزامز تعطيك أفكار كثييييرة وجديدة عن طريقة الأسئلة ، لا تتحطم لو ما عرفت تحل إلا كم سؤال في الأولد اكزام الأول ، كمل للي بعده واللي بعده بتلاحظ انك تحسنت ..

وهنا أشير لملاحظة مهمة :

لما تحاول تحل سؤال الأولد اكزام وما تعرف ، لا تروح تشوف السلوشن على طول ، بل حاول فيه قدر المستطاع .. لأنه مافيه فايدة انك مجرد تقرا السؤال وما تعرف ثم تنتقل للجواب مباشرة ، هاذي صارت مطالعة مو رياضيات ..

وإذا انتقلت للجواب ، لا تقراه بس وتروح للي بعده ، بل حاول تحل السؤال مرة ثانية بنفسك حتى تتمكن من الطريقة ، برضو مافي فايدة من قراءة الجواب فقط ، ولا تخدع نفسك بأنك مجرد قرأت الطريقة إنك عرفتها ، لازم تحل عليها بنفسك ..


بالنسبة للميجر القادم ، حاول تنظم المذاكرة في جدول - اكتبه - ، خلي هذا الجدول أو هاذي الخطة على مدى أسبوعين مو مشكلة ، مثلا يوم 19 بخلص 2.1 و2.2 ، يوم 20 مثلا عندي اختبار ثاني غير الماث بكون مشغول فيه ، لذلك بخلص 2.3 بس ..

طبعا اقتراحي ان هاذي المذاكرة تتم من الكتاب - حل أسئلة الكتاب أو الفردية فقط على الأقل - ، ثم خصص أخر يومين أو ثلاث أيام قبل الميجر لحل أولد اكزامز فقط .. ​