1. الساحة الأكاديمية هي للمواضيع والاستفسارات الأكاديمية التي تخص الطالب، إذا كنت تريد النصيحة والاستشارة [اضغط هنا]
    إستبعاد الملاحظة

مشكلتي مع المذاكره !

الموضوع في 'الساحة الأكاديمية' بواسطة عبدالعزيز عبدالله, بتاريخ ‏5 نوفمبر 2018.

  1. عبدالعزيز عبدالله

    انضم:
    ‏15 يوليو 2017
    المشاركات:
    8
    التخصص:
    اوريا
    الجامعة:
    KFUPM
    سنة التخرج:
    2023
    الجنس:
    ذكر
    الوظيفة:
    طالب
    الإقامة:
    الرياض - الظهران
    التقييمات:
    +1 / 0 / -0
    السلام عليكم وبعد ،
    انا ياخوان لي شهرين وانا مذاكرتي ماتقل عن ٤ ساعات باي حال من الاحوال، المشكله ان الساعات هذي تعدي بدون انجاز يذكر كلها تحديق في شاشة الكمبيوتر وبطئ غريب في حل المسائل، الحقيقه اني كنت اعاني في هذي المشكله في الاوريا لكن كانت درجاتي ممتازه فما تأذيت لكن الحين اتمنى ماتجربون شعور الي تبدا اليوم وانت تقول ان هذا يومي في المذاكره وبعدين تتفاجئ بانجازك القليل جداً نهاية اليوم، بتنام والتعاسه كل التعاسه على محياك، مره طلعت على الحزام الاكاديمي وقمت اصرّخ حرفياً ياخوان بدأت افقد السيطره ، ثلاث ارباع المطاعم متمشكل معهم.
    هل من حل ؟
     
  2. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    وعليكم السلام
    عبدالله ، عدد الساعات مب مهم ، يمكن تكفيك ساعتين او ثلاث لكن شوف مثلا في المياجر و الكوزيات ايش كانت اخطائك هل هي اخطاء بسيطة مثلا في الإشارات او اخطاء في الفهم اذا في الفهم فطريقتك في المذاكرة فيها خطأ ، اذا فيه شيئ برا الجامعة شاغلك مثلا ظروف صحية او غيرها فالحل انك تعالجها لأن المشكلة مب في طريقتك في المذاكرة .


    الشي الثاني نصيحة ركز مع الدكتور في الكلاس حتى لو كان أسوء دكتور في العالم لكن على الأقل بتفهم 20 - 30 % من فكرة الدرس هذا لو فرضنا انه سيئ ،
    لو فهمت من الدكتور الدرس حتى لو بشكل بسيط انت بكذا جالس تختصر وقت المذاكرة ، ولو تكتب معاه ملاحظات ( مب شرط تنقل كل شي يقوله ، يكفي تكتب ملاحظات بطريقتك عن أهم الأشياء ) واذا رجعت الغرفة حاول تراجع الدرس وتحل سؤالين ثلاثة من الي تكون نهاية الشابتر او تبتدي في حل الأمثلة الموجودة في السلايدات .

    وبخصوص اللابتوب وانك تجلس ساعات بدون فايدة ، رايي تطبع السلايدات ( مب كلها ) وتجلس تحل الامثلة وتحاول تكتب عليها ، لأن المذاكرة بالنظر ماتنفع خاصة مع كورسات الماث والفزكس ،

    ونصيحة لما تبتدي المذاكرة لاتقول لازم اخلص هالعدد من الصفحات ويكون العدد كبير ومن هالكلام خاصة في حالتك ، اختار عدد كحد أدنى ،
    مثلا عندي ماث و الدكتور مخلي 10 اسئلة هومورك او براكتس ، خل هدفك في اليوم انك تفهم الدرس على الأقل الأساسيات ، وتحل الأمثلة مع سؤال بالكثير من اسئلة الهومورك
    و ( لو ) صار عندك الوقت كمل على البقية.
    ولو فيه شيئ مافهمته وحاولت فيه اكثر من 10 دقايق ، اكتب جنبه ملاحظة او نجمة مثلا واليوم الثاني اسئل الشباب الي معاك في الكلاس او رح للدكتور في الأوفيس اور عن هالنقطة
    وهالشي بيختصر عليك وقت كثير ونفس الوقت بتكون علاقات وهالعلاقات بتفيدك كثير ، ممكن في هالكورس ساعدك شخص لكن في كورس ثاني انت تساعده و ممكن احيانا تتواصل معاه بشكل مباشرة وينهبك على بعض النقاط الي غايبة عنك في المادة مثلا ال tricks او شيئ ركز عليه الدكتور في الشرح .


    اما انك تقول بخلص هالعدد من الصفحات او السلايدات ويكون العدد كبير ، اكيد بتتحطم لما تحس انك ما انجزت شي ، فلا تخلي اهداف او اشياء صعب الواحد يسويها حتى لو كان الشخص فاهم المادة صح .

    اتوقع انك من الشباب الي مايعرف يذاكر في الليل او بس يجي الليل يحس انه متأخر ، فإذا انت منهم حاول تستغل البريكات الي عندك في الدوام على الأقل انك تقرأ سؤال الهومورك وتحاول تفهمه ، او انك تفتح كم سلايد وتقرأهم ، بكذا انت جالس تختصر الوقت على نفسك و الشي الثاني تحس ان عندك وقت طويل.


    وشوف عشان ما تسبب ضغط على نفسك ، اكتب الاشياء الي بتسويها خلال هالأسبوع على شكل check list بدون ماتحدد وقت ، يعني اهم شي تخلصهم هالاسبوع
    وحاولي تخلي هالأشياء واقعية يعني مستحيل اخلص ماتيريال ميجر 1 و 2 في 5 ايام .
    وهالأهداف او الاشياء حاول تسويهم على حسب وقتك ، مثلا اليوم الأثنين وعندك هومورك تسليمه الأسبوع الجاي يوم الأحد وفيه 5 اسئلة ،
    من اليوم اقرأ كل الأسئلة على السريع واشوف ايهم الأسهل و احله او على الأقل احدد المعطيات او اكتب القانون الي اتوقع استخدمه او حتى جملة وكل ماحصلت وقت هالأسبوع احاول في جزء منه , إلى يوم الخميس الي غالبا يكون عندك وقت طويل وابتدي في الحل الأسئلة الباقية واراجع حلولي للأسئلة الي بديت فيها . وغالبا من تجربة بتحصل نفسك فهمت الأسئلة وحليت اغلبها اصلا قبل الخميس ، وبكذا بيكون عندك تقريبا 3 ايام يمديك فيها تحل الهومورك وترتبه ولو فيه شي مب واضح تتواصل مع الشباب الي معاك .
    طبعا سو نفس الشي مع بقية الكورسات ، حتى في الكويزات ، بس تسمع ان فيه كويز مثلا الاسبوع الجاي ، شوف الماتيريال وقسمه على الأيام وخل عندك يومين قبله فاضين بحيث لو صار شي او اتاخرت في المذاكرة بيكون عندك وقت للتعويض وماتكون تحت ضغط .


    ونصيحة سواء في الجامعة او في اي مكان ، كون علاقات مع الي معاك بتفيدك هالعلاقات كثير حتى بعد التخرج
    خاصة لما تكونوا مجموعة هالشي بيساعدك كثير وبيخليك تتعود على ضغط الجامعة و الدراسة ونفس الوقت لما تكون ضمن مجموعة انتو جالسين تساعدون بعض بشكل غير مباشر ، لأن لما واحد فيكم فاهم درس معين ويشرحه لكم او ينبهكم على نقطة معينة ف، في الواقع هو جالس يعطيكم من الساعات الي قضاها في المذاكرة فيعني ساعات للمذاكرة والدراسة بتقل
    والفائدة مب بس في الدراسة لكن بتلاحظ تاثير وفايدة هالشي بعد اكثر من سمستر وبتشوف السمستر الي كنت فيه مع مجموعة مجتهدة او على نفس مستواك بشرط يكونون حريصين على الدراسة مب شرط يكونوا دوافير .

    وشوف في النهاية الكل يمر بالضغط ، فحاول تعود نفسك وتتحكم في اعصابك ، صحيح الدراسة مهمة لكن ما يعني اني اغلط على غيري
    او اني اعتبر انها نهاية الدنيا ، صحيح الدرجات السيئ تحطم لكن بدل ما تصرخ و تفرغ هالشي في غيرك ، حاول تغير جو او تتواصل مع صديق تعرفه صح ومتعاون ويقدر يفيدك .
    وترا الفرحة الي تشوفها في حفل الخريجين مب بس لأن الشباب حصلوا على الشهادة ، هذه الفرحة لأن كثير منهم يمكن مر بنفسك حالتك ويمكن اصعب وكان قريب من انه يطلع من الجامعة لكن صبر وعرف كيف يتعامل مع الوضع .


    واذا محتاج مساعدة او شي ، قسم الإرشاد الأكاديمي أو التوجيه ( ناسي اسمه ) موجود في مبنى 68 الدور الأول اعتقد يقدمون استشارات للطلاب ، من الموجودين فيه د.هشام خوجلي


    اسف على الإطالة

    الله يوفقك
     
    • x 2 إعجاب إعجاب
  3. Practice

    Practice مشرف سابق

    انضم:
    ‏28 أكتوبر 2012
    المشاركات:
    1,275
    التخصص:
    Finance
    الجامعة:
    KFUPM
    سنة التخرج:
    2017
    الوظيفة:
    ISE Student
    الإقامة:
    Currently : Dhahran
    التقييمات:
    +981 / 5 / -61
    اللي أشوفه انه مشكلتك نفسية فقط

    4 ساعات يوميا فوق اللي يحتاجه اي شخص افرج ، أصلا ما تحتاج تذاكر يوميا لو تخليها يوم ويوم احسن

    لا تضغط على نفسك بزيادة لأن احيانا النتائج عكسية ، لما تذاكر كثير مصيرك تطفش واتوقع هذا اللي صاير معاك عشان كذا تطول في الحل لأن مالك نفس

    خلي عندك خطط يومية غير المذاكرة ، اما من لما تصحى لين تنام وبالك مع المذاكرة ذا غلط

    كتابتك مع الدكتور في الكلاس راح تختصر عليك وقت المذاكرة ، واحيانا بتلاحظ انه كل اللي تحتاجه تحل بعض المسائل وخلاص

    كل التوفيق لك
     
    • x 1 إعجاب إعجاب
  4. Rafojah

    Rafojah عضو

    انضم:
    ‏7 سبتمبر 2018
    المشاركات:
    102
    التخصص:
    هندسة
    الجامعة:
    KFUPM
    سنة التخرج:
    2018
    الجنس:
    ذكر
    التقييمات:
    +15 / 4 / -1
    الشباب اللي فوق قالوا تقريبا كل اللي تحتاجة حتى تجتاز ماتمر فيه وانا عن نفسي اشوف باقي شيئ واحد وهو قرأة سورة البقرة سواء مقسمة على عدة ايام او يوم واحد المهم انك تقرأها وتحافظ على صلاتك بالمسجد في وقتها واكيد بإذن الله راح تروح هذي المرحلة وتتغير الا الأفضل
     
    • x 2 إعجاب إعجاب
  5. koRaBeKa

    koRaBeKa عضو

    انضم:
    ‏11 نوفمبر 2007
    المشاركات:
    2,801
    التخصص:
    EE
    الجامعة:
    KFUPM
    سنة التخرج:
    2011
    الإقامة:
    ما زلت في قلبها
    التقييمات:
    +7 / 1 / -0
    رد عظيم وجميل جدآ ...
    جذبني ردك فسجلت دخول لأدعو لك ولصاحب الموضوع بالتوفيق في الدنيا والآخرة ..
    وإلى صاحب المشكلة .. لو اتبعت الإرشادات الموجودة في رد الأخ فأيقن بأنك ستخرج من هذه الجامعة حاملا شهادتك مع مرتبة شرف بإذن الله ..
     
  6. فينسمكوك

    انضم:
    ‏12 يوليو 2018
    المشاركات:
    40
    التخصص:
    هندسة كيميائية
    الجامعة:
    kfupm
    سنة التخرج:
    2022
    الجنس:
    ذكر
    الوظيفة:
    في معالجة المياه ان شاء الله
    التقييمات:
    +4 / 0 / -1
    ٤ ساعات بدون جوال افضل من ١٢ ساعة بجوال
     
    • x 1 إعجاب إعجاب
جاري تحميل الصفحة...
مواضيع شبيهة - مشكلتي مع المذاكره
  1. ĦęмŐŐ
    الردود:
    36
    المشاهدات:
    3,570
  2. IMC Engineer
    الردود:
    2
    المشاهدات:
    1,117
  3. IMC Engineer
    الردود:
    12
    المشاهدات:
    3,819
  4. عبدالعزيز عبدالله
    الردود:
    1
    المشاهدات:
    2,454
  5. فاطمه
    الردود:
    8
    المشاهدات:
    1,632
  6. سعيد بن مانع
    الردود:
    4
    المشاهدات:
    1,644
  7. NafasWhy
    الردود:
    2
    المشاهدات:
    1,795
  8. Che_2014
    الردود:
    8
    المشاهدات:
    2,330
  9. م ع ا ذ
    الردود:
    5
    المشاهدات:
    1,227
  10. سامي1097
    الردود:
    4
    المشاهدات:
    1,299

مشاركة هذه الصفحة