مشكلتي مع ماث 001

وعليكم السلام
لا تشيل هم , هذي فائدة الكويزات : تبين مستواك والاخطاء عندك . إنك تأخذ درجة سيئة في الكويز ولا انك تنخدع بدرجاتك في الكويزات والكلاس تست وفي الميجر تجيب درجة سيئة .
حاول تعرف وين كانت أخطائك : اذا في اشياء بسيطة مثل الإشارات والجمع أو غيرها من الأخطاء البسيطة فمعناها ماتدربت كفاية . أما اذا الأخطاء في فهم السؤال فأعرف ان طريقتك في المذاكرة خطأ او ناقصك تسوي شي معين مثلا تحل الريساتيشن والأولداقزام المرتب على حسب الشباتر .
ونصيحة لا تذاكر الماث بالنظر لأن هذا الخطأ الأغلب يسونه , يحسون انهم فاهمين لما يطالعون حل المسائل لكن يواجهون مشكلة في الكويزات والمياجر لأن الحل مب موجود .
اذا جيت تذاكر خل ورقة وقلم في يدك وحل وشيك حلك تالي , لاتطالع الحل على طول .
حاول تعرف من الدكتور يجيب كويزاته , بعضهم من اسئلة الكتاب او الاولداقزام , فأنت تدرب على هالنوع من الأسئلة بعد ماتفهم الدرس صح .

مريت بنفس مشكلتك وغيرت طريقتي في المذاكرة بعد الكويز الثالث
درجاتي في الكويزات كذا :
8 - 12 - 7 - 18 - 19 - 18 - 20 - 20
وطلعت ب A
وتحسن مستواي والحمدلله الدكتور حذف اسوء 3 كويزات وتقريبا ً 58 في الكلاس ورك من 60 , لأنه لاحظ في تحسن واضح في المستوى وهالشي سواه مع اكثر من شخص فلا تتحطم وتفكر انك سيئ ترا الأغلب يمر بنفس هالمشكلة ولا تفكر الوقت متأخر عشان تعوض , عندك وقت بس شد حيلك وصحح أخطائك



Math 001 - Google Drive
هالرابط ممكن يفيدك فيه ملفات كثيرة

الله يوفقك وشد حيلك و فالك الـ A+

 

اول كويز ماث جبت 4 من 20 ، ترى عادي لانك مو متعود على نظام المذاكرة بالجامعة

غير نفسك وبتمشي امورك