أفضل المشاركات: مشورتكم ارامكو smp

التجربة خير برهان، جيب ١٠٠ موظف smp وان لقيت ٣ مقتنعين فيها وما يدورون شي اخر بشكل مستمر افلق راسي.

الsmp قتل طموح وتكسير مجاديف وما هي مكان لشخص يبحث عن تطوير وخلق قيمة لنفسه بالسوق. أنت فكر بالمنطق هل أرامكو بتستثمر بشخص جايبينه عن طريق vendor مثل الحوطي وطقته؟ لو كذا كان جابته دايركت وأصلا يكفيك انه يوظف الفريش بمسمى مهندس مساعد ١.

أنا جربت الsmp بقسم ادارة المشاريع اللي يعتبر أحد أقوى أقسام ارامكو وشغلتك أقرب ما تكون لمعقب أكثر من مهندس وفيه عدة ميتنقات ممنوع عليك "نظاما" تحضرها لأن كرتك أصفر واللي مسموح نظاما بيزلبونك فيها. ومثلا بأحد البكجات اللي تم تسليمها بمشروع توسعة سكن الظهران قبل فترة سار فيه احتفال وحضر الSr.Vp ومدير المشروع وأعضاء الفريق الموظفين بشكل رسمي أما الsmp اللي اشتغلوا حتى يوم جمعه يطردونهم مع الباب ممنوع الدخول(يمكن شايفينهم وحوش وخايفين عالبنات اللي داخل).

واذا المنجر يبي يهجد القسم مثلا بالحضور او جا منجر جديد أو أحد ترقى لا بد يفرض هيبته بأنه يخلي من الsmp مضرب مثل تشوفه يلف بالمكاتب يدور هم متاخرين ربع ساعه ولا(التدقيق والميمو والخصميات عالsmp فقط)، الحين طايحين بحركة يفرضون عليك تخلص كورسات اونلاين عشان KPI القسم يرتفع ويقول لك يا تخلصها بهالشهر كحد أقصى ولا ما نسوي approve عالراتب حقك عشان يروحون عند اللي فوق يقولون شوفوا كيف يخلصون كورسات ويتعلمون واذا سجلت بكورس in class مش اونلاين يردون عليك Sorry your not Aramco.

هذي نبذة قليلة عن smp وبخصوص الترسيم اقول لك معنا بترولي له ٨ سنوات ما ترسم وفيه واحد يوم جته بعد ٧ سنوات قالوا بننزلك من قريد١٢ smp لقريد ١١ دايركت وينقص من الراتب الاساسي ٧ الاف ريال. ما أقول لك ما في ترسيم لكن نسبة من راسي بقول تحت ٥% وما تجي الا بعد سنين لو استثمرتها بشركة أخرى كان دخلت ارامكو من الباب الكبير وعلى قريد ١٢.

زبدة الكلام، أرامكو ما تندخل الا بكرت أخضر.

انا اعتبر الsmp مبادرة وطنية من ارامكو لتوظيف العاطلين لين يفرجها ربي عليهم ويلقون شي أفضل أما لو داخل على اساس career path محترم فبتكون صدمة لك، بالتوفيق.

 

اسمحلي ارد عليك واقولك انه ال smp ماهو زي ماذكرته وتراك ظلمته كثير ، انا اشوف ان هالنضام جميل جدا وفيه ميزات ماتلقاها حتى بالدايركت هو فيه بعض العيوب مثل انه العقد سنوي والكورسات اقل ولكن فيه ايجابيات اكثر مثل اي وضيفة لها ايجابيات وسلبيات ، مسالة الكورسات صحيح ماهو زي الدايركت اشوفها عادية وماتاثر في ادائك كموضف او تقلل من فرصك في التطوير والترقيات ، كله يعتمد على ادارتك ورئيسك انا ماعرف وضع ادارة المشاريع الي اعتقد انك تقصدها بكلامك ولكن ادارتي الي اعمل فيها عن طريق ال smp مالاحضت فيها زي الي وصفته بالعكس الكل يشتغل مع بعض ونحضر الميتنق مع الكل smp ودايركت وحصلت لي فرص كثيرة اكون مسؤول مباشر عن موضفين دايركت لكني اعتذرت للن شخصيتي ماتساعد اكون قيادي او مسؤول عن اشخاص، ال smp جميل وانصح فيه بقوة واتمنى التوفيق للجميع

 

انا GIS ب inspection department
بالنسبة للمقارنه مافي اي وجه مقارنه اكيد بين الدايركت وبين smp ابد. والكل يعرف هالشي وخالصين منه اصلن ارامكو دايركت تعتبر وظيفة حلم
ولا حتى وظايف ب هيئات حكوميه او شركات حكوميه تتقارن مع ارامكو . يعني لو بنحسبها هي 4-5 شركات الموجوده اللي تجبرك تفكر بين الدايركت ارامكو وبين هالشركات .
انا بالقسم وانا gis يعني مو حتى smp فيه اهتمام من المانجر فينا ويسهلون اشياء ويعطوننا كل اللي نحتاجه ويوقف سبورت معنا يعني تخيل لدرجة
يعطوني كورسات ودورات الفايلز حقتها واتعلم عليه ويتابع الموضوع معاي و اذ احتجت شي من الشركة رفعو السماعه وكلمو ويسوون اللي احتاجه
سواء دعم من السوبراندنت او من اليونت سوبرفايزر . حتى يونت تابع للpipe line طلبونا نجي عندهم فترة عشان يعلموني ع برنامج يعتبر جزء من pdp
واشتغلت عليه .
انت خبرتك سنه ونص وانا خبرتي سنه ونص مع انك smp وانا gis الا شف فرق الخبره والتعامل بين الاقسام فالمشكلة من بعض الاشخاص مو من النظام نفسه
يارجل توصل ان السوبراندنت يقول لي اذ احتجت تفهم شي وتبي شي ولا احد علمك علمني انا ماراح اناقشه ولا اراح انبهه ع طول ب اطلعه من القسم
لان القسم واجد الاجانب ولا يبي احد يخبي عني شي او مايتعاون معاي . كان ب امكانه يقول مالي شغل فيه هذا كونتراكتر او مو دايركت ولا راح افكر فيه
لكن شف الدعم اللي يجيني فمابالك لو صرت smp . و هذا من غير السيفتي ميتنق حقت القسم ومشاركته لنا بكل شي حتى اني صرت اقدم التكتنل برزنتيشن و بعد الميتنق يجي ويعطي تنبيهات ع شغلات معينه .

وبرضو عندي بالمكتب زملاء من pmt وكل اسبوع يحضرون اجتماعات وعندهم البروجكت مانجر سعودي وتحت يوناني و موصي الشباب اذ صار شي او قصرو معهم ب شي يكلمونه و صارت ووقف معهم ضد اليوناني.

بالنسبة للنقل حتى الدايركت يتنقل ، رئيس القسم يقول خلال 20 سنه غيرت بيتي 20 مره وصرت اجي ل عائلتي بالاخير مثل الضيف قبل يستقر
القسم الهندسي ب ارامكو واللي غالبا مرتبط بالمشاريع لازم يتنقل ويروح ويجي عكس الاوبريشن اللي غالبا مستقرين بمكانهم

الاجازة يجبرونك ع اسبوعين عند نهاية عقدك . ويتبقى عندك اسبوعين + اجازات الاعياد و البعض يدفع له serveance pay 5500 وتريفل تايم 10000 عند نهايه العقد * قريتها بعقد واحد من الشباب هنا

بالنسبة للرواتب .. القسم عندنا فيه باكستاني من 2003 smp راتبه 32 الف و فيه فلبيني من 2007 راتبه 29 الف ( بناء ع كلام الكريك حق القسم لانه المطلع عالرواتب والتايم شيت ) وهم جنسيات اجنبيه .
اللي يستلم هالرواتب بقسم زين ويداوم ويمارس عمل هندسي او اداري صدقيني ماراح يفكر واجد بالترسيم ولا يبحث عنه
ونادرا تسمع هالرواتب بشركات القطاع الخاص المتوسطه حتى فمابالك بالصغيره ؟
هنا بالمنتدى شباب متوظفين بشركات وياخذون رواتب بسيطه لا تذكر رغبة بالخبرة و تحصل الشركة ماتعطيه اي اهتمام يعني كانه جايي سعوده فلو تقارنها ب smp تعرف معنى فرق السماء عن الارض

انا مااقول ال smp جنه الدنيا لكن والله انها افضل بالخبرة من كثير شركات .

سويت مقابلات في شركة حكومية وانصدم قال كيف ارامكو وتبي تجي عندنا . اسم الشركة يجرب ناس كثير تحترمك وتحترم الخبرة اللي تملكها .

عموما ال smp واي وظيفة ولو كانت دايركت يحكمها اداءك ورئيسك واللي حولك . انت ذكرت تجربتك وانا ذكرت اللي عندي + اللي اشوفه بعيني واللي اسمعه من زملاء ب اقسام ثانيه . وبالتوفيق

 

بحكم عملي قريب من ال SMP والدايركت احب اقول ان كلام سراب صحيح وهذا اللي شفته من خلال عملي بحدود سنه ونص
الاحترام موجود ولا فيه اي تمييز بين الموظفين بالعكس الكل يخدم الثاني والروساء مايميزون اذ انت دايركت او مقاول . الناجح يثبت نفسه
وال smp ك خبرة وكمردود مادي افضل بكثير من شركات ثانيه . لان سالفة التطوير والتدريب تعتمد عليك وعلى تخصصك .

واعرف ناس ع 14 سنه و 23 سنه smp وجتهم فرص يتحولون الى دايركت بس رافضين بحكم انهم راغبين بالاستقرار بالقسم ولا يبي يدخل بمتاهه انه ممكن ينقل مكان ثاني . وماشاء الله راتب و خبرة ويستشيرونه بكثير اشياء

ف زبدة كلامي اذ الواحد جته هالفرصه لا يفوتها خصوصا اذ عاطل او موظف قطاع خاص

 

كلامك ١٠٠٪؜ صحيح وأوصخ وظيفة تتوظف فيها هي الSMP اذا عاطل شوفلك لو شركة مقاولات لأنك بارامكو بتتعامل كانك فلبيني لا والفلبيني افضل منك بعد والله قهر. هندي يكون معاه جواز كندي يدعس عليك ولا تفتح افمك.ولاتفكر بالترسيم جايبينك عامل من الأخير فعلاً ارامكو اصبحت شركة وصخه بنضام الSMP