مشورتكم في العرض الوظيفي

لو مكانك راح أختار ارامكو ، حلو تبدأ براتب عالي وتكون نفسك لو سنتين ، ويمكن يعجبك نوع الشغل وتستمر فيه هذا غير المميزات من بيئة ونادي وبدلات وغيرها

دام الفرق المالي كبير نصيحة روح أرامكو ، لما تجي تداوم براتب أقل راح تتحسف وترى مو دايما الكلام اللي تسمعه في المقابلة صحيح (ممكن التطور اللي مقبلين عليه بسيط وممكن تلاقيهم يوظفون مدراء جدد ، المستقبل دائما متغير وما انصحك تتأمل في شي مو مضمون)

كل التوفيق لك

 

اعطيك فكرة بسيطة عن هندسة الحفر. اغلب الشركات البترولية يفضلوا المهندس الميكانيكي على مهندس البترول في هندسة الحفر. صحيح انك ما درسته في الجامعة لكن فيه من الهندسة الميكانيكية الكثير. ومسمى مهندس الحفر معناته راح تعمل ديزاين الحفر وتشرف على عمليات الحفر من المكتب وتروح زيارات للفيلد. لو حاب تشتغل في مجال البترول فالمسمى اللي جاك جدا ممتاز وفيه سلطة ومسؤولية وتطور وظيفي رائع.

 

اخوووي ما في مجال للمقارنة ..... و المفروض ما تقارن
غمض عينك ورح ارامكوو

نصيحتي لك : انت عند فرصة حاليا تبدأ الباث كرير حقك كويس ... غيرك من الخريجين لسا ينتظر فرصة عمل او التحق ب شركة متوسطة و الان ينتظر يحصل عنده خبرة حتى يلتحق بالشركات الكبيرة ...
انت ما شاء الله .. رب العالمين رزقك ب فرصة الكل يتمناها (العمل في ارامكو دايركت).

الله يوفقك يارب ... ويرزق الجميع

 

ارامكو افضل لك من ناحية خبرة وقوة في السيرة الذاتية وايضا التطوير واضح والمميزات واضحة
وليس شرطا ان الكلام اللي فالمقابلات يكون صحيح , ممكن يكونوا قالوا لك الكلام هذا لانك ماشاءالله متميز ويبغوك معهم

 

ما يحتاج تكتب حتى موضوع في هذي!!!!

الإ اذا يهمك المكان أكثر من الشركة.

 

ايش السبب اللي يخلي الشركات البترولية يفضلون المهندس الميكانيكي على مهندس البترول بأقسام الحفر مع ان الأخير مأخذ كورسات عن عمليات الحفر

 

انصحك تروح ارامكو ،، شركة كبيرة وراتب ممتاز وامان وظيفي. القرار راجع لك ،، بالتوفيق

 

اخوي عندي استفسار بسيط.... وصلك العرض الوظيفي قبل الاسسمنت والفحص الطبي ولا وصلك اخر شي ؟

 

العرض يوصل اخر شي وبعده بفترة بسيطة التوقيع

 

اذا ما يفرق معك المكان ما في مقارنة

أما "مقبلة ع تطور ووممكن امسك منصب مدير في المستقبل القريب" هذه قل له يكثر لك منها إذا ما في شيء مكتوب في العقد
ناس سمعت قريب هذا الكلام في شركات اخرى و لهم سنتين ما بعد يمسكون مسؤولية مهندس في الشركة و لم يصل راتبهم إلى راتب مهندس

تخيل الواقع بعد اربع سنوات و افرض اعلى زيادة جاتك و اعلى منصب هل بكون وضعك أفضل من ارامكو
مشكلة بعضنا من خريجي البترول بسرعة يصدق أنه يمكن يصير مدير في كم يوم و يتعامل بعاطفة غريبة في عدم الرغبة في العمل خارج تخصصه