مشورتكم في تخصص الماجستير:PETROLEUM AND GAS ENGINEERING,PROJECT MANAGEMENT, ENGINEERING MANAGEMENT

وعليكم السلام، فرق كبير بين التخصصات الثلاثه اللي ذكرتها. الأول تحديدا يختلف عن الثاني والثالث.

أعتقد مهم جدا انك تحدد رغبتك قبل ما تحدد التخصص اللي تكمل فيه. عموما بلخصلك الفرق بين الثلاثه تخصصات حسب ما أعلم:

1- تخصص هندسة البترول والغاز: يعتبر تخصص تقني بحت. بمعنى مجالاته الوظيفيه محدده وغالبا توظيفك حيكون في شركات البترول مثل ارامكو وسابك وشلمبرجير وهاليبرتون وغيرهم...

2- تخصص الاداره الهندسيه: التخصص، كما هو موضح من اسمه، يجمع ما بين Technical & Management Skills ويشمل جزئيا اداره المشاريع. بشكل عام يعتبر النسخه الهندسيه من ال MBA. التخصص يعتبر جديد نوعا من على الشركات السعوديه ولكن لا يعني بالضروره انه ما رح يفيدك. حصولك على هذا التخصص يفتلحك ابواب العمل في مجالات التقنيه والاداريه وحتى في اداره المشاريع. توظيفك حيشمل شركات تخصص البترول بالاضافه الى شركات اخرى.

3- تخصص ادارة المشاريع: على غرار التخصص الثاني، اسم التخصص يشرح نفسه وهو خاص بادارة المشاريع تحديدا. مثل الاداره الهندسيه يفتحلك العمل في شركات كثير بالاضافه الى شركات المشاريع الخاصه اللي تنفذ مشاريع حكوميه وخاصه.

بالنسبة لحظوظك في التوظيف في شركات البترول، صعب جدا الحكم كون الموضوع يعتمد على السوق واحتياجاته والوظائف المتوفره حاليا. ولكن بشكل عام أعتقد انه التخصصات الثلاثه متكافأه من ناحية الحصول على وظيفه مع ترجيح التخصص الأول.

اذا حبيت يكون عندك فكره اكبر عن التخصصات، أنصحك تدخل مواقع جامعات تدرس هذه التخصصات وتشوف المنهج الدراسي لعلك تميل إلى واحد منهم أكثر من الآخر.

بالتوفيق

 

الله يعافيك في الخدمه. إذا كان هدفك الرئيسي مثل ما تفضلت إنك ترفع فرص قبولك في شركات البترول فبلا شك إنه البكالريوس في الهندسه + خبره عمل يعطيك فرص للحصول على وظيفه أكثر بكثير من ماجستير بدون خبره بغض النظر عن تخصص الماجستير. السبب إنه بشكل عام أغلب شركات البترول تبحث عن مهندسين بدرجة البكالريوس بنسبة أعلى من الماجستير (سواء خبره أو بدون) لأنهم يحتاجو شباب في عمل الميدان سواءا كان في أقسام التشغيل أو الصيانه أو حتى الاعتماديه. تقدر تتأكد من هذه المعلومه بكل بساطه. أدخل مثلا على موقع صداره وابحث في قسم الوظائف. شوف ايش الوظائف المتاحه حاليا وشروط التقديم

 

هذا رابط قروب الواتس اب الخاص بالتخصص Master of Engineering Management