معيدة بالجامعة أو مهندسة بأرامكو ؟

وعليكم السلام ورحمة الله وبركاته

أكيد كراتب وكخبرة أرامكو أفضل
بس السؤال هنا هل عندك قابلية للتنقل ؟ هل راح تتأقلمين تعيشين بهالمناطق ( م أدري أنتِ من سكان الشرقية أو لا ) ؟ موضوع التنقل إلى الأبد وإلا فترة بسيطة ؟
هل عندك مشكلة تشتغلين وقت طويل ؟
بالنسبة لي لو أنتِ رجل كان قلت لك أرامكو والسبب خبرتها أفضل وماليًا أفضل ولك القدرة بعد كم سنة تنتقل إلى شركة ثانية إذا م أعجبك موضوع التنقل
بس ك أنثى م أدري عن الفرص المتوفرة لك بالمستقبل هل سهل تحصلين وظيفة فيها استقرار بنفس تخصصك وبالمنطقة اللي تعيشين فيها ؟
والسؤال الثاني هل أنتِ قادرة على تحمل الضغط والتنقل ؟
بالنسبة لي أشوف الأفضل لك ك أنثى الإعادة, أكثر استقرار وأريح لك وخاصة إنك حابة شغلة الإعادة
وبالنسبة للأفضلية المالية كل شخص يطمع بالراتب الأعلى بس بالنهاية إن ربي كتب لك وتزوجتي م راح تكونين المسؤولة عن نفقة البيت
عكس الرجل راح يكون المسؤول الأول ومطالب إنه يوفر مبلغ وقدره.
وعلشان أكون أكثر صراحة معك م عندي خلفية بطبيعة عملك ب أرامكو وموضوع التنقل ممكن غيري يفيدك بشكل أكبر.
صعب أحد يحدد عنك لأن كل شخص وله قدراته فيه شخص قادر على تحمل الضغط وشخص لا فيه شخض عنده طموحه
وهدف معين يبي يوصل له ( سواء منصب معين مع أرامكو أو دكتورة بالجامعة مثلاً ) وشخص لا.

وعلشان الخص لك كلامي , تفضيلي للإعادة سببين
أقل وقت دوام وأكثر استقرار والسبب الرئيسي لإعتراضي على أرامكو موضوع التنقل أحس راح يكون متعب لك.
وما عليك من كلامي لأنه بالنهاية رأي شخصي وممكن غيري يخالفني
بس حاولي تسألين نفسك هالأسئلة واستخيري والله يوفقك ويكتب لك م فيه الخير.

 

جميل وصحيح كلامك بالنسبة للابتعاث, م اختلف معك المدة طويلة وموب بسيطة
بس هل لازم ابتعاث ؟ أعرف وحدة من قرايبي كملت الماستر بنفس الجامعة اللي هي فيها معيدة
م أدري هل نظام الجامعة سمح لها وإلا واسطة وإلا أيش ب الضبط بس ممكن
تستفسرين من الجامعة اللي مقدمة عليها هل فيه مجال تكملين الماستر بنفس الجامعة أو ب أي جامعة بالسعودية
إلا إذا رغبتك ب الإبتعاث ف هذا شيء ثاني وأرجع و أقول لك استخيري والله يكتب لك م فيه الخير.

 

أعرف من ترك أرامكو للإعاده في الجامعه لانه يحب البحث العلمي وكانت تضحيته ماليه كبيره

العقل يقول أرامكو لكن المشكله اللي في أرامكو هي أنها بتاخذ كل وقتك و فيها مجهود مضاعف مقارنه بالإعاده
عموما كل الخيارين ممتازين و بالتوفيق

 

اشوف الاعادة افضل لعدة اسباب:
1/ وقتك لك ولعيالك ان شاءالله
2/ الاستقرار شئ مهم جدا جدا جدا على المدى القريب و البعيد. اغتراب برا السعودية و لا اغتراب داخلها. انا كنت اشتغل في ارامكو و فصلت و طلعت بعثة و رجعت و الحمدلله انا اشتغل في جامعة الامير سلطان بالرياض
3/ الكفه المالية تروح لارامكو مافيها مجال لكن اذا ان شاءالله تزوجتي و جاك عيال هل انتي مستعدة للتضحية بابنائك و بيتك من اجل دوام طويل في الشركة
4/ السؤال المهم جدا جدا هل انتي تحبين التدريس و تحبين تعليم الاجيال لان الاعادة حب و رغبة بالتعليم
5/ استخيري استخيري استخيري لاني انا قبلت في ارامكو و لكن للاسف مكان التعيين كان رأس الخير و رفضت العرض لاني عشت وعرفت كيف التنقل جدا سئ لي ولأسرتي

 

النظام تغير بالنسبة للبنات و صار الابتعاث اختياري و تقدر تكمل في اي جامعة في السعودية

 

اَي دائرة ؟

 

أنقل لكي تجربه ولد عمي تخرج من البترول و اشتغل في مصنع الخرسانيه تبع ارامكو و الوضع هناك دماار و الرجال مايتحمل يشوف الخطا يبي كل شي يصير صح واذا كان هناك خطاء لبد انه يتصحح غير كذا ما عنده طبعا دخل في مشاكل مع ادارته و النتيجه قرر انه يفصل ويكمل ماجستير و دكتوراه لأن هذي البيئه الوحيده الي يقول للطالب انت صح و انت خطأ فا اذا كنتي من هذه النوعيه ا انصحك بالتعليم النقطه الأخرى اذا عندك اطفال سيكون تنقلك صعب بالمستقبل إلا اذا ارامكوا بيحطونك في الظهران

 

السلام عليكم
انا من وجهة نضري انصحك تروحين ارامكو للسبب التالي:
انا حاليا موضف في ارامكو وسبحان الله الاسبوع هذا كان عندنا اجتماع وكان فيه قسم مسؤول عن تطوير المراه في ارامكو وبرا ارامكو لان نسبة الموضفين النساء حاليا ٨٪‏ ويبغون يزيدونها الى ٢٠ ٪‏ وغير كذا يبغون يعطون مسؤوليات اكثر للمرأه في ارامكو وطبعا هذا مصاحبه لنضرة ٢٠٣٠
فكونك تنضمين لارامكو الفتره هذي راح تكون فتره مثالية لك من حيث التطوير والمستقبل المهني والصعود في المراتب وسلم العمل
وفي الاخير استخيري وتوكلي على الله

 

اذا انتي تبين وظيفه مريحه ويكون فيها ورك لايف بالنس اختاري الجامعه.
واذا تبحثين عن وظيفه راح تطورك وتاخذ من حياتك شوي اختاري ارامكو

انا بنت ولو كنت مكانك اخترت ارامكو والله يباركلك في الثنتين

 

والله يا طويلة العمر يعتمد على وضعك الاجتماعي بشكل كبير وطموحك المستقبلي .. يعني اسألي نفسك سؤال: فين أبغى أكون بعد 15 سنة ؟؟
إذا تتمنين تكونين عالمة ومرجع في مجال ما (إدارة أو هندسة أو طب الخ ...) فالجامعة أفضل لك .. وإذا كنتي تبغين راتب عالي جدا فأرامكو أفضل (مع العلم ان رواتب دكاترة الجامعات مش بطالة) .. إذا تبغين تحملين دراستك فالجامعة أفضل بكثير.

ومن الناحية الاجتماعية: إذا كنتي متزوجة وعندك عيال فالجامعة أفضل لك بكثيييييييير من أرامكو لأن الدوام في الجامعة أقل بكثير من أرامكو + إجازات الجامعة أكثر بكثير من أرامكو.

أدري أن أرامكو مغرية من الناحية المادية .. لكن للراحة النفسية والإجتماعية والعلمية الجامعة أفضل.

اختاري اللي يناسبك.

بالتوفيق

 

م أدري شنو صار مع صاحبة الموضوع

نصيحتي لك فكري أولاً و أخيراً بالبيت و العائلة و ما يناسبهما و بعد ذلك بمراحل انظري للأمور الأخرى ( المادية و التطوير ..... إلخ ) .

ما أخفيك سر مب كل رجال يتحمل بُعد أهله لأوقات طويلة خارج البيت و بعيداً عن الأبناء ، و حتى لو وافق مبدئياً مع مرور الوقت راح يتذمر .

رأيي إقبلي بالإعادة لدى الجامعة فالراتب لا بأس به ، و راح تُكملين دراستك ، و راح يكون عندتس وقت أطول للبيت و العائلة .