مفيد جداً : نقاش حول الوظائف للخريجين

الموضوع في 'ساحة الخريجين' بواسطة eXplicit, بتاريخ ‏1 مايو 2007.

  1. eXplicit

    eXplicit عضو

    انضم:
    ‏29 ديسمبر 2004
    المشاركات:
    467
    الإقامة:
    بعد الأذان
    الصفحة الرئيسية:
    التقييمات:
    +0 / 0 / -0
    هذه مجموعة مراسلات مع اخوي ***** على الخاص قبل ما يكون فيه منتدى خريجين وحبيت انشرها لعل أحد يستفيد منها ان شاء الله .. وأشكر إدارة المنتدى على إنشاء هذا المنتدى

    كانت هذه المناقشة قبل شهرين ونصف تقريباً

    الرسالة الأصلية:

    أرسل أصلا بواسطة eXplicit
    السلام عليكم
    كيفك اخوي ******* ، ان شاء الله تمام
    ودي اسألك عن التوظيف وسهولة الحصول على وظيفة لأني خريج سوفتوير وودي أستفسر عن بعض الأشياء ، فانت سبقتنا في البحث ومعرفة مداخل ومخارج التوظيف ..

    وش الشركات اللي ممكن الواحد يقدم عليها (غير البنوك والشركات الكبيرة ، أقصد أرامكو وسابك وملحقاتها ؟)
    يعني انا سمعت عن فيوتشر وير وسعودي اي دي آي لكن مشكلتهم رواتبهم لك عليها وعندهم ضغط عمل هائل وبدون امتيازات إضافية ..

    الصراحة قدمت على شركات عن طريق النت وردت علي شركة سوفتوير بجدة لكن رواتبها رايحة فيها (حول 6.000 ريال) وانا بأكون من أوائل موظفيها لأنها ناشئة وأنا أبحث عن ناس استفيد منهم في العمل من ناحية الخبرة ..

    أتمنى تتحفني بخبرتك في المجال

    بالانتضار
    مع السلامة


    الرد الأول:

    وعليكم السلام

    بصراحه انت طحت على الجرح اللي انا قاعد اسأله ولا أحد جاوب عليه

    سؤالي هل اروح لشركه كبيره وانا موظف صغير واكبر فيها؟ او اروح لشركه صغيره وانا موظف صغير واكبر معاها؟


    الحين على حسب،، الشركه الصغيره يمكن تقعد طول حياتها صغيره واصحابها مايبغون يكبرون ويمكن تفشل ويمكن تنجح وتصير شركه كبيره ولكن وين راح توصل؟ هنا السؤال،، وش راح تكون؟ كم الراتب بعد 20 سنه؟ وش المميزات؟ ايش الفايده من الشركات الصغيره؟


    على حسب اعتقادي ان الشركات الصغيره راح تكرفك كرف الحمير لأنها تبغى تطلع الفلوس اللي دخلت فيها السوق من ظهر الموظفين باسرع وقت ممكن. راح يكون في ضغط، العمل راح يكون 6 ايام، الاجازه تاخذها بالقوه، الراتب راح يوصل متأخر احياناً، والخ والخ

    هذا الكلام انا بنيته من يوم ماتخرجت وللأسف اني شفت صاحبي قاعد يصير عليه نفس اللي انا كنت افكر فيه واللي كتبته لك اعلاه.


    السؤال المهم، هل راح تكتسب خبره مع الشركه الصغيره؟ ماعتقد هذا الكلام صحيح لأن الصغير راح يبدا صغير والمشاريع صغيره. شويه مواقع على شويه تقارير وخلاص،، وما اشوف اي فائده تذكر. حتى ولو صرت Project Leader فاللي تحتك راح يكون 2 او 3 فقط. يعني ماراح تحس بقوة المنصب او امكانيته مع هذا العدد.

    ولا تنسى انك قلت ان الراتب قليل جداً ومايستاهل التعب

    وهذا مثال على فيوتشر وير،، صاحبي يشتغل هناك والان كمل سنه معاهم ولاعطوه اي بونص مثل ماقالوا ولاعطوه البدلات حقته اللى بنهايه السنه ويكرف 6 ايام بالاسبوع وكلها ASP.NET وما منها اي فائده تذكر


    طيب نجي للشركات الكبيره مثل ارامك وسابك والبنوك.
    بيئة عمل مكتمله، مشاريع ضخمه، راتب ممتاز، بدلات ممتازه، علاوات من هنا وهناك. الاجازه محسوبه بالدقايق. وبالمقابل صعب انك تفرض نفسك على بيئة العمل لأن فيه فوق 100 موظف معاك

    انا اشتغلت مقاول بارامكو اول ماتخرجت عشان ماقعد عاطل علماً اني ساكن عند اهلي بالظهران وماعندي اي مانع اني اريح راسي كم شهر الى ماتجي الوظيفه المناسبه. وللأسف ماستفدت شئ اللا شئ واحد منهم وهي كيفية الاخذ والرد على الموظفين بشكل انك ماحد يمسك عليك شئ وبعدين جاتني سابك ورحت لسابك

    طبعاً مثل ماقلت، انا نكره الان واحاول افرض نفسي.. لكن مثل ماقلت صعب ولازم الواحد يتعب، بيئه العمل جيده ولكن يحتاج لها شويه تنظيم لأنهم قاعدين يعيدون ترتيب هيكلة الشركه فالدعوه شبه مخبوصه. الشئ الوحيد اللي اعانيه هو السكن الان، مافي سكن وبالانتظار.


    اهم نقطه هي الاستقرار وبعدين الراحه بالعمل.. انا بصراحه تعبت من سالفه اني كل يوم رايح جاي من على الخط وازعجب موظفين السكن على موضوعي!!


    اذا بتروح لشركه فلازم اول شئ تعرفه هو السكن وكيف وليه ومتى وكل هذي الأمور لازم تخلصها قبل ماتداوم بالشركه. خاصة مثل الجبيل او ينبع او اي منطقه بعدين عن اهلك.


    اذا الشخص ماستقر وسكن وارتاح، فصدقني انك تدخل الدوام وتطلع وتفكيرك بالسكن فقط!! وبعدها تجي الراحه بالعمل وبعدين تبدا تنتج وتكون موظف ناجح.


    وأي سؤال انا حاضر وبالتوفيق،


    على فكره، ترى الراتب الأساسي مهم جداً، كل ماكان عالي كل ماكان احسن للمستقبل. بصراحه راتب 6 الاف ريال مايسوى بقرش ولا تقدر تعيش فيه. لا تنسى وراك سكن وبعدين زواج وسياره!! مادري متى تقدر تجمع فلوسك!! حتى ولو الاهل يقدرون يساعدون بالبدايه. بعد 5 او 6 سنوات راح تحس باهميه الراتب، عندك زوجه لازم ترضيها وعيال لازم تحطهم بعيونك. فمسأله الراتب مهمه جداً جداً جداً



    ردي عليه :

    الله يجزاك خير والله ماخيبت ظني فيك

    كلام مرتب جداً ومترابط ومتسلسل ، الله يعطيك العافية

    انا فعلاً محتار ومشوش بشكل كبير ومحتار لدرجة اني في اليوم اغير رأيي مية مرة - تقريباً - ..

    حاولت اسوي فيها منظم وجبت ورقة وقلم وسويت جداول ودراسات جدوى على المدى القصير والطويل (راتب ، ترقيات ، مميزات ، ... ) بحكم كلام الزملاء الخريجين لكن كان الوضع دائماً لصالح الشركات الكبيرة والبنوك وهذا اللي ما أبيه ، لأسباب كثيرة منها انك راح تكون نقطة في بحر وما راح تحس ويحسون بأهميتك إلا بعد فترة طويلة جداً من الكرف

    اليوم كلمت شخص على اساس أصير مدرس بالكلية التقنية بجدة أو الدمام تخصص حاسب وتقنية معلومات لأني أميل للتدريس أكثر وودي أكمل ماستر ودكتوراه مستقبلاً ولكن اللي مخليني اتردد انها حكومية وراتبها ضعيف جداً (يعني 7000 بالكثير) وبدون مميزات ..

    المشكلة ان البني آدم طماع ، يعني يبي فلوس ومميزات وخبرة وكل شي مرة وحدة ، وهذا مستحيل إلا بتدخل عوامل كثيرة ما عندي أي واحد منها

    والله ودي النقاش يكون على العام في المنتدى لأن فيه كلام مهم ويمكن فيه ناس تستفيد منه ، وش رايك ؟

    يعطيك العافية وما قصرت

    مع السلامة


    رده الأخير :


    اللي يعجبك، تقدر تحطه بالمنتدى والناس راح يشاركون @3@

    انتهى النقاش ..

    وانا اشكر اخوي ****** على نصائحه الثمينة اللي فعلاً كان لها تأثير في إني حتى الآن ما توظفت @18@

    لا والله الصراحة انه فادني في اني قررت البحث في الأقسام التقنية الناشئة في الشركات الكبرى لأنها الأكثر جدوى في نظري من ناحية الخبرة والمادة (مثلاً البنوك الناشئة كالبلاد مثلاً ، هيئة سوق المال ، هيئة الاستثمار ، وغيرها) ..

    طبعاً النقاش مفتوج للجميع

    مع السلامة
     
  2. م.عاصم القحطاني

    م.عاصم القحطاني خلوها سابقًا

    انضم:
    ‏16 يونيو 2003
    المشاركات:
    1,709
    التخصص:
    coe
    الجامعة:
    Kfupm
    سنة التخرج:
    2006
    الوظيفة:
    وش رأيك يعني ؟
    الإقامة:
    في قلبها الحنون
    الصفحة الرئيسية:
    التقييمات:
    +4 / 0 / -0
    الشكر لك بعد الله على هذا الحرص على اخوانك ..

    وترى الأمور سهله .. بس يبي الواحد يدور .. وإلا الوظايف بالهبل ..
     
  3. عشق^الطفوله

    انضم:
    ‏31 يناير 2007
    المشاركات:
    147
    التقييمات:
    +0 / 0 / -0
    تسلم الايادي على هالموضوع الي يشغل بال كل طالب قرب من التخرج

    طيب ياشباب كيف المعدل يعني الي معدله مثلا 2.1 ولا 2.2 يلقى بسهوله

    وهل اذا كان عنده شهادات قويه تنفعه بشكل كبير ولا يناظرون المعدل اول
    ا
     
  4. eXplicit

    eXplicit عضو

    انضم:
    ‏29 ديسمبر 2004
    المشاركات:
    467
    الإقامة:
    بعد الأذان
    الصفحة الرئيسية:
    التقييمات:
    +0 / 0 / -0
    اخوي خلوها ، والله ولله الحمد بس موضوع النقاش كان مثل ما فصّل فيه اخوي ****** هو فكرة الخريج فور تخرجه حيث سيجد نفسه مشتت إذا لم يكن هناك ترتيب واتفاق مع شركة فيبدأ الدوران والانتظار الممل ..
    الوظائف ولله الحمد متوفرة وولكنها متركزة في مناطق محددة في الغالب ونادرة في مناطق أخرى وهذا كان سبب انتضاري ( وجدت 3 عروض ومميزاتها طيبة ولكنها بعيدة عن الماما ورفضتها :) ) ..

    خيو عشق الطفولة ، الوظائف والله أرزاق من عند الله ، روميتي تخرج mis ومعدله 2.2 ومعه ICDL ووقع العقد قبل التخرج وهو الآن يستلم راتب عالي وبدون واسطة ولا شي ..

    انا أجزم بإذن الله بأن جميع الطلاب فور التخرج يجدون وظائف لو قدموا بعض التنازلات ( مثل مدينة العمل ، الراتب الابتدائي ، مسمى الوظيفة ، .... )

    فيه شخص MIS اعرفه وعزيز علي جداً توظف بأول راتب 4000 ريال في شركة جنب بيته مدة 3 شهور ويداوم من البيت وبعدها جاه عرض بـ 8000 من شركة أخرى وكلم مديره في الشركة ووافق على رفع راتبه من 4000 إلى 8000 ريال لأنه وجد فيه انسان يستاهل ، زميلي اختار الشركة الكبرى واختياره كان منطقي كمستقبل ..

    كل الكلام اللي فوق مواقف ذكرتها لخريجين اعرفهم وغيرهها كثير بس هذي المواقف لزملائي من نفس تخصصك :)

    ونصيحة بسيطة ، تواصل مع الطلاب الخريجين اللي تعرفهم وخذ نصايحهم لأنها توفر عليك المرور بنفس الدوامة اللي يمكن يكونون مروا فيها

    الموضوع مفتوح لأي نقاش عن التوظيف

    مع السلامة
     
  5. عشق^الطفوله

    انضم:
    ‏31 يناير 2007
    المشاركات:
    147
    التقييمات:
    +0 / 0 / -0
    الله يجزاك خير

    طيب ماقلتلنا تجربتك انت
     
  6. م.عاصم القحطاني

    م.عاصم القحطاني خلوها سابقًا

    انضم:
    ‏16 يونيو 2003
    المشاركات:
    1,709
    التخصص:
    coe
    الجامعة:
    Kfupm
    سنة التخرج:
    2006
    الوظيفة:
    وش رأيك يعني ؟
    الإقامة:
    في قلبها الحنون
    الصفحة الرئيسية:
    التقييمات:
    +4 / 0 / -0
  7. eXplicit

    eXplicit عضو

    انضم:
    ‏29 ديسمبر 2004
    المشاركات:
    467
    الإقامة:
    بعد الأذان
    الصفحة الرئيسية:
    التقييمات:
    +0 / 0 / -0
    انا تجربتي ما راح تكون مقياس ، لأن في اشياء استجدت بعد التخرج وهي عندي أهم من الوظيفة والأمور المادية جيدة من فضل الله ..

    كان عندي شرطين في التوظيف وما اتنازل عن أي واحد منها :

    1. أن تكون الوظيفة في جدة
    2. راتب جيد يوازي راتب خريج من البترول في تخصصي (يعني 9000+ ريال)

    حصلت عروض شفهية من الزملاء في شركات أخرى كنت اشتغلت معهم في السابق أيام السمر تريننج ولكنها تتركز في الرياض و الشرقية وبس.

    بالنسبة للشركات الكبيرة فهي إما في الرياض أو الشرقية ، مثلاً أرامكو مهندسي البرمجيات وظيفتهم في الظهران وأمل النقل لجدة أقل من صفر في المية.

    وبخصوص سابك كلموني للمقابلة أول ما تخرجت وكانت الفرصة الوظيفية في الجبيل واعتذرت منهم وقلت لو في جدة أو على الأقل ينبع ممكن وكلموني بعدها بحوالي اسبوعين وطلبوا مقابلة مرة ثانية واعتذرت مرة ثانية.

    ما قدمت على أي بنك بالرغم من ان القبول في بنوك (سامبا، ساب، الراجحي، البلاد، الرياض، العربي، الهولندي) سهل تقريباً وفور تخرجي عرضوا في الإعلانات حاجتهم الماسة لموظفين وما ارسلت لهم السيرة لأني عارف بأن الوظيفة ما راح تكون بجدة لأن أقسام التقنية في هذي البنوك في الرياض.

    كان الأمل عندي في التوظيف ينحصر تقريباً في بنك الأهلي من البنوك وكذلك يونيليفر وبروكتر آند قامبل في الشركات المحترمة لأن مقراتها الرئيسية في جدة ومهندسي البرمجيات في الغالب يعملون في المكاتب التقنية وفي الغالب في المقر الرئيسي أو في نفس مدينة المقر الرئيسي.

    تخصص هندسة البرمجيات (وكل التخصصات التقنية تقريباً) مشكلته أن أغلب الوظائف المحترمة فيه تتركز في الرياض والشرقية وغير ذلك قليل ويمكن تجد وظيفه في مكان آخر ولكن الراتب لن يتجاوز 7000+ في المجموع على أحسن تقدير ولا يوجد تطوير أو على الأقل أمان وظيفي للمستقبل ،،، الخ.


    هذا باختصار وبدون ترتيب :)

    مع السلامة
     
  8. eXplicit

    eXplicit عضو

    انضم:
    ‏29 ديسمبر 2004
    المشاركات:
    467
    الإقامة:
    بعد الأذان
    الصفحة الرئيسية:
    التقييمات:
    +0 / 0 / -0
    والله ما دريت انه نشر الردود لأني انقطعت فترة عن المنتدى @67@

    الله يجزاه خير ويجزاك خير على التنبيه @18@

    مع السلامة
     
جاري تحميل الصفحة...
مواضيع شبيهة - مفيد جداً نقاش حول الوظائف للخريجين
  1. عازف الاحزان
    الردود:
    1
    المشاهدات:
    1,601
  2. abu-rdwan
    الردود:
    6
    المشاهدات:
    1,288
  3. السنايدي
    الردود:
    10
    المشاهدات:
    1,535
  4. Sergio Aguero
    الردود:
    11
    المشاهدات:
    1,598
  5. الفتى الذي اتسع
    الردود:
    8
    المشاهدات:
    854
  6. كوكسال
    الردود:
    4
    المشاهدات:
    18,224
  7. IMC Engineer
    الردود:
    0
    المشاهدات:
    984
  8. واحد.
    الردود:
    27
    المشاهدات:
    8,655
  9. Abd21
    الردود:
    2
    المشاهدات:
    5,743
  10. Only Smile
    الردود:
    3
    المشاهدات:
    1,511

مشاركة هذه الصفحة