مقابلات كثيرة وكلها رفض والسبب هو ما اعتدنا سماعه

الله يعين و يسهل ..

الشق الأول:
لا تستسلم و واصل التقديم على كل الشركات ..
و اسعى لا توقف ..
إن كان لك نصيب ح يوصل الين عنددك ..
صحيح إن الأمور صعبة هاليومين و يبون خبرة لكل بوزيشن فحاول إنك تطور من نفسك ..
خذ دورات أو برامج تدريبية لو على حسابك مو لازم تكون منتهية بالتوظيف ..

الشق الثاني:
شغل علاقاتك في كل مكان ..
وضع التوظيف في السعودية مثل ما الجميع عارف يتطلب واسطات في كل شيء ..
أعرف ناس توظفت بشهر أو اثنين فقط عن طريق الواسطة و في أقوى الشركات ..
و أعرف ناس من سنين عاطلة بحكم إنه ما عندهم واسطة ..

 

و عليكم السلام و رحمة الله و بركاته

لي فترة طويله ماكتبت بالمنتدى لكن شفت موضوعك وحبيت ارد وأعلق عليك ..
أولاً و أخيراً ( الرزق بيد الله ) وانت اللي عليك تعمل بالأسباب + لا تيأس أبداً + ولا أزيد ع كلام الأخ اللي فوق
لكن بذكر لك اللي تعلمته من تجاربي لاني مريت بنفس حالتك وهي نصايح عامه انقلها لك وللكل :

أولاً (قدم ع كل شي قدامك ولا تستهين بالشركات الصغيرة)
ابحث عنها وقدم
انا من الناس اللي توظفت بشركة جداً جداً صغيرة وكان قليل جداً اللي توظفوا بهالشركة من سعوديين لان محد يدري عنها وانا كنت وقتها اول سعودي يتوظف بقسم ال Engineering بهذه الشركه، جلست فيها تقريباً سنة ونص وكان الراتب ضعيف لكن ضحيت عشان " الخبرة "
وماكانت ذيك الخبرة اللي كنت اطمح له لكنها نوعا ما في مجالي و بعدها جاني عرض افضل من شركة لكن مجالها كان بعيد عن مجالي الى حد ما وجلست فيها ٦ شهور
و بعدها انتقلت لشركة بعرض افضل بكثير ماتخيلت ابد ان ممكن اقبل فيها
وهي كانت طموحي للأمانه و احد الأسباب اللي ساعدتني في التوظيف فيها ( هي وظيفتي الأولى ) رغم انها شركة جداً صغيرة ومجالها محدود وخبرتها ماهي قويه لكن الحمدلله هي كانت السبب الرئيسي في قبولي وعرض الشركة الحالية ( دبل وزيادة ) عن الأولى ولله الحمد
فالخلاصة لا تستصغر الشركات هذه مهما كانت واعتبرها جسر عبور لك لوظائف ومستقبل أفضل

ثانياً (اهتم في موضوع تحديث بياناتك اذا كان التقديم عن طريق البروفايل والخ + وإعادة التقديم كل فترة ع الوظايف اللي تتطلب إرسال السيفي عن طريق الايميل)

خاصة الايميل لازم تقدم اكثر من مره ع الاقل كل اسبوع مره ع نفس الايميل .. السبب: صاحب الايميل يستلم مئات السيفيات + ممكن تكون فترة الإرسال ماكان عليها طلب + تعتبر كطريقة تحديث فتكون من أواخر الرسائل

ثالثاً ( استخدم جميع المصادر وكل الطرق )
سو حساب في لينكد ان و بيت دوت كوم ونكري قالف وغيرها وحدثها وقدم من خلالها وتابعها بشكل يومي
+ روح وقدم باليد وكرر العملية كل فترة للشركات اللي تستقبل السي في

رابعاً ( قدم ع الشركات البعيده عن مدينتك )
اذا انت مثلا بالشرقية .. قدم بالرياض وجده و غيرها مايمنع ومع الوقت اما تطلب نقل او تقدم ع شركات غيرها خلال تواجدك بالشركة ووقتها انت جالس تكسب خبرة

خامساً ( طور من نفسك لا تجلس فاضي و خذ دورات احترافية + ابدا في الأعمال التطوعية هذه محبوبه عند بعض الشركات )
من ضمن الأسئلة اللي جتني في وظيفتي الحالية هي اذا كان لي اعمال تطوعية وايش كانت ومن هالكلام ..

و بس هذا الكلام اللي بخاطري
وعسى الله يوفقك ويرزقك كل ما تتمنى
ولا تيأس ابداً واعتذر عن الاطالة

 

ما شاء الله تبارك الله الشباب ما قصروا
لكن نقطة مهمة أخي الكريم قبل كل شيء

عليك بالاستغفار فإنه و الله حلال العقد بإذن الله و الصلاة على الرسول عليه الصلاة و السلام

في كل لحظة تتذكر استغفر ربك

 

السؤال الي يطرح نفسه ، كيف تبغى يكون عندي خبره ونا حديث تخرج ؟ من وين اجيب لك الخبره وكل شركه عذرها ان ماعندك خبره؟ ان اشتغلت بشيء غير مجالي ماراح يفيدني بشي ! حتى الوظايف الي ماهي بمجالي تتطلب خبره عشان تشتغل فيها ! شيء محير وعليه الف علامة استفهام !

 

الله يعينك ويوفقك فعلا معاناتك انا عشتها بكامل تفاصيلها

واهنيك على صبرك وانصحك اذا تخصصك هندسي او تقني بالشهادات الاحترافية لأنها تعتبر عند معظم الشركات هي رخصة لدخولك للشركة نفسها وبدونها صعب او مستحيل تلقى وظيفة الا اذا عندك واسطة هنا كلام ثاني

الله يوفقك ويفرج همك ويكتبلك كل خير

 

روح ارامكو وخذ خبرة من عندهم وبعدها تقدر تقدم على اي شركة اخرى تبغاها لو عرفت انك جاي من ارامكو يقبلوك بكل سهولة .

الله يوفقك ويسهل أمورك ولاتستسلم .
وحاليا اغلب الشركات تطلب خبرة سواء سابك او معادن او صدارة ولا بعضهم يبون خبرة فوق 10 سنوات اقرب مثال شركة ياسرف فاتحة وظيفة وحدة وتطلب مهندس مع خبرة 15 سنة !!!

ارامكو الوحيدة حاليا تقبل فريش وعندها EXPANSION ذي فرصتك .