مقابلة شخصية في ارامكو

ياليت تذكر القسم الي راح يسوون معاك المقابلة عشان يفيدونك الشباب

 

الله يوفقك وييسر لك
بغيت اسألك هل تقديمك كان ع الموقع القديم او الجديد
وموفق في المقابله

 

فين الرابط

 

يعطيك العافية
http://www.saudiaramco.com/ar/home/careers/saudi-applicants/job-application.html

 

انا سويت معاهم 3 مقابلات

مقابله فصفصوني اسأله بالتخصص واشياء معقده والله ارتبكت نسيت دراستي 6 اشخاص ويسألوني بشي درسته قبل 3 سنين
مقابلة سريعه اخذت 3 دقايق شكله كانو اوردي يبون احد معين
مقابلة كانت حلوه يعني سألوني بالسيفي ومشروع التخرج وللغتي ودراستي وهيه الي اخيرا انقبلت فيها

مختصر الكلام تدرب على الأسأله العامه الي هي عرف عن نفسك وطموحك وكذا
وراجع المفاهيم الأساسية بتخصصك

وتوكل على الله

 

المشكلة بعض الأسئلة بالنسبة لهم عادية لأنهم يمارسوها عمليا أما انت كفرش قد يكون في أشياء ما تدرسها ولكن تمارسها عمليا! فهذا من ناحية التعمق في التخصص..اما الاشياء العامة مثلا يفترض تكون عارفها مثلا انا العام سويت مقابلة مع ارامكو فسألوني عن ال4Ps تبع الماركتنج هنا بديهي اكون عارفها انا واي خريج تسويق واللي هي: Product, Price, Promotion, Place

ولكن سؤالي فيما يخص مسألة ال gap الا في السي كفرش قرادويت كيف تجاوب عليها اذا سألوك ليش ما اشتغلت للان او ايش سويت في هذه الفترة من-الى...؟

 

الفترة التوظيف الي تخرجت فيها صعبة مرة والوظائف شحيحة، والله سويت الي علي قدمت على عشرات الشركات ولا جاني منهم اي رد وتقريباً جميع الشركات تبغى خبرة عملية.. طيب من فين اجيب خبرة عملية وتقريباً كل الشركات تبغى خبرة .. هكذا بيكون ردي لهم

 

يعطيك العوافي يا ابو سعد

 

الله يعافيك ويوفقك وان شاء الله تلقى الوظيفه الي تتمناها قريب من أهلك

 

السلام عليكم ياشباب

عندي استفسار من بعض شباب تعليقاتهم كيف احضر حق قسمي يعني اركز على كلاسات او تعاريف او مفاهيم لانهم التخصص كبير ومعلومات كثير
اذا ممكن ياشباب تفيدوني ؟؟

 

وعليكم السلام , اكيد صعبة تراجع كل شي
لكن لما تعرف الديبارتمنت الي تسوي معاه المقابلة ابحث عن طبيعة عمل القسم و الأشياء الي يركزون عليها وعلى أساس هالشي بتعرف على شنو تركز .

طبعا ً لاتهمل الأشياء الثانية : مثل عرف عن نفسك , وهل عادي عندك تشتغل في الفيلد , وخلك مستعد تشرح السينير بروجكت وانك تطلع و ترسم diagram معين
وعن التدريب والأشياء الي اشتغلت فيها .
هذا رابط من خريج ميكانيكال بيفيدك في الاستعداد للمقابلات
Eng. Abdulaziz.zh on Twitter

&
هذي تجارب الأعضاء في المقابلات مع ارامكو

 

الناس اللي تسوي مقابلات يبغون واحد فاهم مو حافظ والارزاق بيد الله

هذي نصيحتي لاي واحد على كراسي الدراسة حاول تفهم واخلص النية والقريدات تجي لاحقا و ما راح تلقى نتايجها الا لما تتخرج وبتلقى اثرها في المقابلات والوظيفة اللي تنقبل فيها

هالفترة هي نتاج سنين والله يوفقك ان شاء الله وتلقى اللي تطمح له

راجع المفاهيم الاساسية اللي درستها وتوكل على الله واستعد للاسئلة الاعتيادية اللي تسال في الغالب

عرف بنفسك .....الخ


تحياتي ومحبتي

 

بالخير ،،

فيه اشياء اساسيه بالتخصص مثلاً:

قسم الثيرمو والهيت ترانسفير :

لازم تكون ملم بكل من قوانين الثيرمو فهماً وتعبيراً (الانتروبي وشو باختصار ،، وكذلك الانثالبي ،، كفاءة من القانون الاول ومن القانون الثاني والفرق بينهم،، سايكل التبريد ووظيفة كل جهاز و حالة الفريون بعد كل جهاز " بعد الكومبرسر مثلا سوبرهيتد وبعد الكوندنسر ليكود"سائل" "......... ،، و الانجن وانواعه )
لازم تكون ملم بطرق انتقال الحراره فهماً وتعبيراً واستحضر امثله واضحه ،،

قسم الموائع " الفلويد" :

لازم تكون ملم بمعادله برنولي وانواع البمب وكيف تحددها ،، الرنولد نمبر Re .....

قسم الماتيريال :

السترس والسترين ،، والرسمه او العلاقه حقتهم " السلوب وش يعبر عنه ؟؟ وين نقطه الكسر ؟؟ وين اعلى اجهاد ممكن تتطبيقه بدون تشوه ؟؟ ووين اعلى اجهاد يمكن تطبيقه الى ما قبل الكسر ؟؟

Fatigue تذكره ووشي فكرته ومتى يصير .


،، يبي يسألونك عن مشروعك وممكن ترسم وممكن يناقشونك عن مشروعك فحاول تكون مستحضر اجوبه مرتبه ..


نصيحه استعن بالله اولاً ،،ثانيا اي شي تحس انك فاهمه وتقول اذا سألوني ابي اعبر بوقتها انننتبه تراك احتمال تجيب العيد ،، فنصيحتي اي مصطلح علمي خل ببالك تعبير مناسب واقصد من كلمه مناسب انه يكون مجمل واكاديمي واحترافي ،، لانك ما تدري وش يبي يصير عليك وقت المحاضره وقت ما تنسئل هالسؤال ممكن تكون متوتر وتتلخبط ولا شي عاد هم يدورون الزله عشان يشككونك بكلامك هههههههههه ،، لذلك خلك بالسيف سايد خل التعبير وقت ما تنسى الشي .


وبالتوفيق ،، ولا تفوتك تجارب الشباب ..

 

ربي يجزاك خير ويوفقك مشكووووور اسف على الرد نتآخر