مقابلة مع ارامكو قسم CSD

بسم الله الرحمن الرحيم

السلام عليكم ورحمة الله وبركاته
انا مهندس ميكيانيكي من جامعتنا العزيزة دفعة 2011 وتخرجت في 2017

يوم الخميس، وانا خارج من العمل، جاني اتصال من رقم غريب، رديت وطلعت وحدة من ارامكو تقولي عندك مقابلة في ارامكو السعودية يوم الاثنين القادم مع قسم CSD وراح نرسل لك ايميل فيه التفاصيل

وفعلا كلها 5 دقايق الا ويجيني ايميل

انا مستغرب ومرتبك في نفس الوقت
يعني انا الصراحة معدلي مو ذاك الزود وخبرتي في العمل هي سنة و 8 شهور فقط.

واللي فهمته من الايميل ان البوسيشن اللي بسوون لي مقابلة عليه هو Engineer III وقالو لي اجيب معي الملفات المطلوبة (بطاقة الاحوال + شهادة التخرج + الترانسكربت + السيفي ) بالاضافة الى شهادة خبرة. انا سألت بعض الشباب الي يشتغلون في ارامكو واللي فهمته منهم ان هم بسوون مقابلة لي على اساس اني خبرة لان هذا البوزيشن ما يعطونه للفريش. وارامكو في العادة يسوون مقابلة للي معهم 5 سنوات واكثر عشان هذا البوزيشن.عشان كذا انا مرتبك شوي لان خبرتي مثل ما قلت لكم، ما توصل الى 5 سنوات

مالكم في الطويلة، كل اللي بغيته هو:
1) نصايح وارشادات من الناس اللي سبق وعملت مقابلات في الـ CSD سواء فريش او خبرة.
2) هل يوجد تجميعات مقابلات في قسم الـ CSD؟؟
3) كم في العادة المدة بين المقابلة والرد؟
4) هل توجد مقابلات اخرى او اختبارات بعد المقابلة الاولى؟

اتمنى افادتي لاني الصراحة مرتبك ومتوتر