مقابلة مع Yokogawa

السلام عليكم

عندي مقابلة مع شركة Yokogawa هذا الأسبوع وعلى حسب الموظف بتكون المقابلة مع ال hr وقبلها بيكون اختبار تحريري
ياليت الي قد اختبر او سوى مقابلة معهم يفيدنا عن طبيعة المقابلة والاختبار

تخصصي control engineering

طريقة التقديم : يوم المهنة على ما أظن

وشكرا ً

 

@way to aim
@jarir
يعطيكم العافية ماقصرتوا

 

سويت المقابلة اليوم وكان قبلها اختبار عام :

- الإختبار مثل أسئلة القدرات لكن بالإنجليزي , بعضها حسابات بسيطة و وبعضها أسئلة على الأنجلش و grammar مثلا فيه قطعتين او قطعة قصيرة تجاوب منها على الأسئلة , بشكل عام الإختبار مقدور عليه ونفس الوقت ماتقدر تستعد له لأن أغلب الأشياء فيه عامة وسهلة
- الإختبار 50 سؤال اختياري والمدة كانت ساعة وحدة واشوفها كافية
لا تشيل هم الاختبار لأن مقدور عليه ويحتاج تركز بشكل بسيط خاصة في بعض الأسئلة الي فيها حسابات لأن يكون فيها تريكات بسيطة


المقابلة :
كانت مقابلتي مع موظف hr باكستاني وكانت هذي الأسئلة :
- تكلم عن نفسك ؟
- وش كان مشروع التخرج ؟
- كم الراتب الي تتوقعه خلال التدريب ؟ ( الي اعرفه إنه بين 6000 إلى 7000 فقلت له 6500 )
- وش تعرف عن yokogawa ?
- ليش yokogawa بالذات , قدمت على شركات ثانية ؟

بعض الشباب سو المقابلة مع موظفين ( واحد سعودي والثاني باكستاني )

بعدها شرح لي البرنامج بشكل مختصر:
أول شهر بيكون كورسات ( off job training )
بقية الأشهر بتكون on job training
طبعا بيكون فيه تقييم شهري لك والتقييم على جزئين ( الجزء الاول أدائك في الأمور التقنية والجزء الثاني نشاطك وتعاملك وانضباطك في البرنامج ) وكل موظف بيكون مسؤول عليه mentor .
في نهاية البرنامج بيكون فيه برزنتيشن تقدمه للشركة و بعدها في تقييم نهائي لأدائك وعلى أساس ادائك وال positions المتوفرة راح يتم توظيفك و كتبت هالشي بالأحمر لأن الموظف ركز على هذا الشيئ وكرره اكثر من مرة لي . فيعني ممكن تدرب معاهم لكن ما تتوظف بس في النهاية اشوفها فرصة ممتازة حتى لو لاسمح الله ما انتهت بالتوظيف .


بعد هذي المقابلة بتكون فيه مقابلة مع hr manager مشابهة للمقابلة الأولى لكن المانجر بحريني على ما اظن والمقابلة بالعربية .

و الرد بيكون خلال شهر من الآن
والبرنامج راح يبتدي 10 سبتمبر يعني تقريبا مع عيد الأضحى .

اتوقع الي مقدمين على البرنامج 30 - 40
لأن امس واليوم كان فيه 4 مجموعات اختبروا بعضهم الصباح وبعضهم العصر .
طبعا أغلب الموجودين كانوا من البترول و قدموا عن طريق يوم المهنة وكانوا :
الكتريكال + كيميكال + كنترول

ياليت بقية الشباب يشاركونا انطباعهم عن الاختبار والمقابلات واذا احد عنده معلومة اضافية عن البرنامج وطبيعته ياليت يفيدنا

بالتوفيق

 

سنة

 

اتصلوا اليوم وقالوا فيه مقابلة ، الظاهر انها تكنيكال لأنها بتكون مع قسم الهندسة .
في احد اتصلوا عليه ؟ لأني ابي اتأكد هل المقابلة لنفس برنامج التدريب او لا .

 

المقابلة كانت تقريبا 15 - 20 دقيقة مع موظف hr سعودي
و مهندس dcs علما اعتقد و manager هندي


في البداية تكلم.عن نفسك.بإختصار و اذكر تخصصك و وين تدربت .

الأسئلة كانت من ال cv ، اي شي ذكرته راح يسئلك عنه مثلا انا ذكرت بعض البرامج : labview , matlab فطلب مني اشرح المشاريع الي استخدمت فيها هذي البرامج

اكثر شي ركزوا عليه هو التدريب ، راح يسئلك شلي سويته بالضبط واذا كان تدريبك له علاقة نوعا ما بشغل الشركة راح يتعمق في الأسئلة .
بيسألك عن ال dcs وهل اشتغلت عليه في الجامعة او في التدريب .

في النهاية سألني وش تعرف عن الشركة
بشكل عام المقابلة كانت سهالات والأسئلة تعتمد على ال cv فلا تكتب شي مب فاهمه ، الشي الثاني اذا سألك لا تتفلسف وتجيب طاري اشياء انت مب متمكن منها لأنه يحجر .

في النهاية المقابلة تختلف بحسب ال cv لكن الأسئلة التكنيكال مع yokogawa بشكل عام ماراح تطلع من هذي المواضيع :
Scada
Dcs
Instruments و networks

فأذا كنت فاهم فيهم حاول تذكر هالشي في cv لأن راح يفيدك في المقابلة والهدف من المقابلة كان تحديد اذا كنت مناسب لقسم الهندسة او لا فأذا ذكرت هذي الأشياء راح تكون في صالحك واذا كانت لك رغبة بالشركة فنصيحة حاول تأخذ ccna لأنها راح تفيدك كثير و تدعم ال cv .

الي فهمته انهم بيقبلون 5 و الرد بيكون بعد اسبوعين وهذي اخر مقابلة .
وعلى كلام ال hr : للي سكنهم بعيد مثلا الرياض ، الحسا، راح يتم توفير سكن لهم لكن ما اعتقد هالشي صحيح لأن في يوم المهنة الموظف قالي ان بيكون فيه بدل سكن .

موفقين يا شباب , واذا ماعليكم امر ياليت اذا ردوا بالقبول النهائي تعلمونا لأن بعض الشباب ماشي في اجرائات التوظيف مع شركات ثانية و ويبي يعرف وضعه هل ينتظرهم او يسحب .

 

الله يسلمك ويرزقنا واياك ، احرجتني بكلامك الطيب.

 

يا شباب في احد ردوا عليه , لأنهم طلبوا مني الأحوال والجواز قبل اسبوعين وبعدها ماصار شي ؟!