مقابلة و اختبار بكتل

عليكم السلام ورحمة الله وبركاته

بصراحه ماعندي خلفيه لكن بالنسبه لأغلب الشركات تكون أسئلة اختبارها لخريجي البترول جدا سهله فتطمن وتوكل على الله

بالنسبه للمقابله اهم شي يركزون عليه الهدوء والثقة واللغة ويشوفون مدى رغبتك للعمل لديهم ، اهم شي تحضر كلام عن نفسك وجامعتك وتخصصك وتقول لهم مشروع التخرج ويكون عندك معلومات عنه

احتمال يقولون لك هل عندك مشكلة تشتغل مناطق نائية وهو مجرد اختبار لردة فعلك. خلك دائم مبين لهم رغبتك الشديدة للشغل معهم

من الاحسن تعرف معلومات عن الشركة وش شغلها الرئيسي في حال احد سألك وش تعرف عن الشركة

من الاحسن ذا ما تعرف جواب سؤال تقول ما اعرف احسن من انك تحاول تجاوب خطا او تتفلسف

طبعا ممكن يسألونك اسئله اساسيات في تخصصك فخلك مستعد

بالتوفيق لك وللجميع يارب

 

وعليكم السلام ورحمة الله وبركاته

انا كانت مقابلتي قبل الترم الصيفي باسبوع وبحاول افيدك باللي اقدر عليه

اولا: الاختبار
في البداية عطوني ورقة وقالي اكتب اللي تقدر عليه عن نفسك...طبعا مافيه وقت محدد
بعدها عطوني الاختبار وكان مكون من ثلاث اجزاء:
الجزء الاول لسيننق وبالنسبة لي كان سهل ...اما الجزء الثاني كان ريدينق و كان صعب نوعا ما
اما الجء الثالث والاخير فكان اسئلة في اساسيات التخصص طبعا انا هندسة كهربائية فاغلب الاسئلة
كانت عن الرزسترز و الموترز وغالبيتها كان قمه في البساطة..مع شوية مراجعة للاساسيات تمشي بالراحة
بالنسبة للوقت فالسيننق والريدنق كان لهم وقت محدد..اما اسئلة التخصص كانت وقتها تقريبا مفتوح>>بس عاد لا تفلها واجد

ثانيا: المقابلة
كانت المقابلة بحضور رئيس الHR امريكي و مهندسين هنود..كلهم زي العسل وجو المقابلة حلو وودي الى ابعد حد
الامريكي راح يسألك الاسئلة المعتادة مثل هل قد واجهتك مشكلة وكيف حليتها...والمهندسين كانت اسئلتهم في التخصص وكانت بسيطه جدا..طبعا سألوني كم سؤال وكانوا يدرون اني ما اعرف الجواب علشان يشوفون رد الفعل لا غير.

طبعا الشركة ما فيها مناطق نائية...شغلها هو الهئية الملكية نفسها...هم اللي ماسكينها
طبعا بيكون لك جميع مميزات موظفين الهئية مثل التأمين الطبي في مستشفيات الهئية
وغيرها..راح يسوي لكم الHR برزنتيشن يشرح شغل الشركة بالتفاصيل

هذا اللي قدرت عليه واعذرنا عالقصور ونا خوك....بالتوفيق

 

اهلا و سهلا و الله يوفقك.
راجع الثيرموداينمك و اسس التكييف. لان طبيعة عمل الشركه غالبا في هالمجال. اذا اخذت كورس الايركونديشننق ما عندك مشكله في هالجانب.
بحاول اني افيدك في بعض الاسئلة ان شاء الله.

بالتوفيق.