مقابلتي مع الهيئة السعودية للتخصصات الصحية بجدة

السلام عليكم
مساكم الله بالخير ياعيال
امس سويت المقابله الصباح
قبلها قريت شويتين عن الهيئة ونفس الشي مع مشروع التخرج قبل ادخل المقابله
توكلت واستخرت الله ودخلت... كان رجل كبير بالسن ومع بنت ماسكه اوراق السيفيات وقالي تفضل
تخيلو قلت اسمي والجامعه الي تخرجت منها واعوذ بالله مدري وش صار نسيت كل شي حرفيا بلعت لساني لدرجه انه جلس يطالعني واطالعه ونفس الشي مع البنت بسم الله لحقت ع نفسي وقلت تخصصي اداره اعمال ومن قوة اللخمه قلتلهم ورجعت من امريكا قبل سنه وشهرين مدري اشدخل بس الله يقطع العدو
قال طيب ياابراهيم انت كنت شغال بالكهرباء وش منصبك رديت تكنشن المهم ف المقابله من الاخر صراحه ماحاولت اظهر توتر وارتباك جلست كذا جلسه وحده وجلست اجاوب المقابله كانت من ساعه 8 ونص الا خمس وطلعت ساعه ٩ سئلوني عن الراتب المتوقع وش بتضيف لنا وهدفك ع المدى الطويل والقصير وش اشركه الي كنت موظف فيها بامريكا وش عملك فيها ليش تشوف مفروض نوظفك وليش مارجعت لشركه الكهرباء وسئلو متزوج او لا

المهم انا سخصيا احس عطبت ابو المقابله اقيم نفسي٤/١٠ مدري ليش ماكانت اجوبتي بروفشنال ومهنيه بس الله يستر
سئلني كمان حاب تستفسر او شي قلت لا الله يعطيك العافيه
احس زدت الطين بلتين
رجعت الصباح اليوم دخلت عند الموظف للي دخلني المقابله بحكم هو الي اتصل علي قلت له فيه كذا سوال ماحظرني امس قال هل وش قالولك بالمقابله قلت ابد ماسئلوك عن المباشره قلت لا قال عموما لسى مافرزنا نتايج المقبولين من المقابله انتظر انا بتصل عليك ومشيت

الله ييسر الي فيه الخير طبعا انا دخلت المقابله واجوبتي كانت ارتجاليه نوعا ما

اتقبل نصائحكم وارائكم