مقابلتي مع شركة Saudi Arabian Ductile Iron Pipes Company Ltd. سديب (أميانتيت)

السلام عليكم ورحمة الله وبركاته

صباح الخير على الجميع

من باب حب لأخيك المسلم ماتحب لنفسك

تم التواصل معي يوم الإربعاء بتاريخ Dec-21-2022
عن طريق التليفون بخصوص المقابلة الوظيفية وبعد التأكيد أنرسل لي على الايميل موعد ومكان المقابلة وكانت بعد 5 أيام تقريبا الساعه ٨ ونص الصباح

حضرت قبل الموعد ب 10 دقايق كان الإستقبال جدا لائق بأسم الشركة من البوابة لين ماقابلت المسؤولين عنها وكانوا اربع أشخاص
General Manager
Plant Manager
Production Manager
HR

بداية المقابلة تكلم عن نفسك بالأنجليزي بديت أعرف عن نفسي وتخصصي ودخلت بخبرتي المتواضعة عبارة عن ٣ سنوات
أبرز ماسألت عنه ومادار في المقابلة

طبعا اللغة مهمة
شخصيتك
خبرتك التيكنيكال
أسلوبك
ثقتك في نفسك
كانت فيه أسألة يبون يتأكون اني حافظ او فاهم
كنا نقلب مابين الأنجليزي وعربي في نهاية المقابلة
الواضح كانوا عمليين ولما بدوا يتقبلون خبرتي بدت الممازحات كانوا مريحين بشكل عام
كان فيه تحجير بسيط ع الكلام اللي اقوله
واضح انهم ينتظرون مني اقول شي مشابه للي يصير عندهم بحكم ان خبرتي كانت على QC Engineer
وكذلك Site engineer

كنت صريح معهم تماما في موضوع خروجي من شركتي الأولى مع ذكر الأسباب وحسيت انهم تقبلوها
المقابلة خذت 35 الى 40 دقيقة


آخر المقابلة خذت جولة مع موظف على البروسس كامل خذت من عندنا نص ساعه تقريبا مع شرح مبسط ولطيف
تخللها أسئلتي له عن وضع المهندس والدوام والمميزات

الدوام للمهندس
3p.m -7a.m
التأمين الطبي A+
5 أيام عمل
الواضح وضع المهندس ممتاز
الرواتب قال انها ممتازة بالنسبة للمهندس

اللي عنده سؤال أو استفسار انا حاظر

نسأل الله القبول والتوفيق للجميع
والله يرزق الجميع اكثر مما يتوقعون