ملفــآت لـ موآد الهندسة الكهربآئيّــــة .. ][ موضوع للتفآعل ][

EE#390 ترم 133​

http://www.4shared.com/zip/oYqBHJjUce/EE390.html

 

بعد مافتح منتدى الجامعة من جديد ولله الحمد من قبل ومن بعد راح ابدى برفع ماتم تجميعه على مدى مرحلة دراستي بقسم الهندسة الكهربائية وراح ابدا بكورس EE 380 :

كورس EE 380 يعتبر مقدمة في انظمة التحكم الحديثة. و يعتبر كورس EE 213 وكورس EE 207 هي الاساس لكورس انظمة التحكم الحديثة.
بهذا الكورس راح تدرس انواع انظمة التحكم مثل feedforward و feedback . وايضاً طرق ايجاد نموذج التصرّف (transfer function) لنظام التحكم وكذلك راح تدرس نوعين من الاختصارات لتجد نموذج التصرّف العام لاي نظام تحكم. وراح تدرس كيفية ايجاد النوذج الرياضياتي لاي نظام حقيقي. وبعدين راح تدرس استقرار انظمة التحكم الخطّية عن طريق ادوات تحليل لهذه الانظمة. واخيراً راح تتعلم كيف تصمم نظام تحكم لجهاز او محطة بحيث توصل للمطلوب منك
تقييمي لهذا الكورس:
المادة اعتبر صعوبتها ٣ من ٥ وهي تشمل الكثير من مفاهيم كورس EE 213 وكورس EE 207.
شغل اللاب نوعاً ما سيء خصوصاً انه غير مفهوم في بعض النقاط وتطلع من بعض اللابات مو فاهم شي اصلاً.

تقييمي لمدرّس المادة:
اخذت المادة مع الاستاذ الفاضل أحمد مسعود والمادة كانت معاه سهله نوعاً ما خصوصاً ان الاستاذ يشرحها لك بالعربي 3> وبعض مرات بالانجليزي وهو متعاون معنا بمواعيد الكويزات والواجبات ويعتبر من افضل مدرسين القسم ولكن انتبه تتاخر على الكلاس

ملفات جيدة راح تساعدك كثير بهذا الكورس بإذن الله على الرابط تحت:
- هنا -

 

كورس EE 311 هو مقدمة في التصميم الهندسي الكهربائي ويعتبر الاساس لكورس مشروع التخرج او الsenior project. وبهذا الكورس راح تدرس عدد من الاشياء التي تفيدك كمهندس كهربائي مقدم على سوق العمل.

بالنسبة للجزء النظري راح تدرس بهذا الكورس كيفية عمل تصميم ما ومعرفة المشاكل المتعلقة بهذا التصميم وحلها. وايضاً راح تتعلم كيف تعرف مايحتاجه المستخدم او الشخص اللي يطلب منك تصمم شيء له بحيث تعمل عدة حسابات وجداول وتوصل للمطلوب منك وتبدا تعمل التصميم من منظور هندسي. بالاضافة الى انك تكتسب مهارات مطلوبة في سوق العمل مثل العمل في الفريق وقيادة الفريق وادارة الاجتماعات والقدرة على عمل القاء شفهي presentation وبالاضافة الى كتابة التقارير التقنية وادارة المشاريع والتخطيط للاهداف. وبالتأكيد راح تكتسب مهارات العصف الذهني وتوليد الافكار.
اما بالنسبة للجزء العملي بهذا الكورس راح يكون فيه ثلاث مشاريع:
١- الاول راح يكون تصميم بسيط لدينمو يتشغل على بطارية، DC Motor.
٢- الثاني راح يكون اي جهاز قابل للتحرك لمسافة معينة مثل تصميم سيارة لعبة او سفينة.
٣- الثالث غالباً راح يكون تصميم الكتروني وهو تصميم جهاز يحول كهرباء AC الى DC.
تقييمي للكورس:
الكورس سهل وممتع وصعوبته تقريباً ١.٦ من ٥ ولكن يعيبه قلّة ساعاته الاسبوعية مقارنة بالشغل اللي راح تبذله على الكورس. وبعد فيه مشكلة ثانيه هي وجود اشخاص ما يشتغلون معاك بمجموعتك free riders. وبالاضافة الى تداخل وقت تسليم المشروع مع اختباراتك الشهرية والكويزات.
تقييمي لمدرس الكورس:

اخذت هذا الكورس مع الدكتور وليد الحامي وهو كان متساهل معنا بالتصحيح بكل شي تقريباً وهو قمة بالاخلاق والاحترام ولكن لا تتاخر عنده
بالاسفل فيه ملفات شامله للكورس ان شاء الله راح تفيدك وتعينك:
- هنا -

 

كورس EE 360 هو كورس اساسيات الآلات الكهربائية ويعتبر مقدمة واساس في تخصص الطاقة الكهربائية وتوليدها ونقلها وهو مشابه لكورس EE 306 في قسم الهندسة الميكانيكية ومن متطلباته EE 213 لطلاب الكهرباء و EE 204 لطلاب الميكانيكية.

هذا الكورس راح يغطي كل من هذه المواضيع:
١- Three Phase Circuits
٢- Introduction to Machinery Principles, magnetic Circuits
٣- Transformers
٤- DC Machines, motors and generators
٥- Synchronous Machines
٦- Three-Phase Induction Motor
٧- Transmission Line
تقييمي للكورس:
الكورس بشكل عام متوسط ما هو صعب ولا سهل ويمتاز بطول المنهج وكثرة المعادلات فيه ويحتاج للحفظ بعض مرات وعدا عن ذلك يوجد فيه تكرار من سيركت ١ وسيركت ٢ بحيث تحتاج بعض مرات قوانين منهم لتحليل الدوائر مثل KVL و KCL. وبعد اعتبر هذا الكورس مهم للطلاب اللي يبون يتخصصون بمجال الطاقة بمواد المستوى الرابع. انصحك بهذا الكورس بالكتاب وحل الامثلة اللي فيه واقصد بالكتاب حق Chapman واذا امداك تفتح كتاب Sen وتطلع على اللي فيه يكون افضل.

بالرابط بالاسفل تلقى ملفات تساعدك باذن الله على هذا الكورس:
- هنا -

 

كورس EE 370 يعتبر مقدّمة في تخصص الاتصالات حيث انه يركز على النظريات والادوات التحليلية الاساسية في نظم الاتصالات ويعتبر كورسي EE207 و EE203 هي المتطلبات الاساسية لهذا الكورس.
بهذا الكورس راح تدرس من جديد متسلسلات وتحويلات فورير ومن ثم طرق نقل الموجات في انظمة الاتصالات. وبعدين راح تدرس انواع من حاملات الموجات مثل AM و FM و PM وفي الجزء الاخير من هذا الكورس راح تدخل في موضوع الاتصالات الرقمية والنظريات الاساسية فيها. تقييمي للكورس: يعتبر الكورس هذا من اكثر الكورسات اللي تقدر تشوف تطبيقاته في الحياة مثل الراديو والتلفون والتلفزيون. وتعتبر صعوبته ٢.٧ من ٥ والصعوبة اللي فيه هي بالجزء الاخير واللي راح يكون عن الاتصالات الرقمية حيث تكثر النظريات في هذا الجزء، اما في البداية هو مجرد مراجعه لل EE207. بالاسفل رابط لملفات جيدة تساعدك باذن الله على تحصيل درجات عاليه بهذا الكورس:
- هنا -

 

كورس EE390 ينقسم الى قسمين يغطي القسم الاول موضوع المعالجات الدقيقه من عائلة 8088/8086 ويغطي الموضوع الثاني المتحكمات الدقيقه من عائلة 8051. ويعتبر كورس الدوائر الرقمية EE200 هو المتطلب لهذا الكورس. راح يغطي الكورس هذا بشكل كبير لغة البرمجه Assembly حيث راح تتعلم الاساسيات فيها مثل كيف تسوي العمليات الحسابيه بهذه اللغه وكيف تتحكم بمدخلات ومخرجات المتحكمات أو المعالجات. تقييمي للكورس: اعتبر هذا الكورس متوسط الصعوبة ولا يعتمد بشكل كبير على كورس EE200 ولكن يعيبه حاجتين، الاولى هي توزيع الدرجات النهائيه لهذا الكورس والحاجه الثانيه هي محتوى بعض اللابات لا يتوافق مع الحاجات التي تدرسها بالمحاضره. بالاسفل رابط لملفات هذا الكورس:
- هنا -

 

كورس EE315 هو كورس الاحتماليات والمتغيرات العشوائية وهو يعتبر جزء من تخصص الاتصالات والاشارات الكهربائية ويعتبر كورس EE207 هو المتطلب لأخذ هذا الكورس.
بهذا الكورس راح تبدا بالاحتماليات وداخلها راح تتعلم ماهية المجموعات والعمليات على المجموعات و مسلّمات الاحتماليات .. إلخ. بالجزء الثاني راح تتعلم فكرة المتغيرات العشوائية واشهر انواع المتغيرات العشوائية مثل قاوشان أو بويسون .. إلخ. بالجزء الثالث راح تتعلم كيف تجري العمليات المختلفة على متغير عشوائي واحد. بالجزء الرابع راح تتوسع الفكرة لأكثر من متغير عشوائي واحد. وبالجزء الخامس تتعلم إجراء بعض العمليات على أكثر من متغير عشوائي واحد. وبالجزء السادس راح تتعلم العمليات العشوائية والفكرة التي تحتويها. وبالجزء الاخير واللي راح يكون مرتبط بانظمة الاتصالات كثير مثل ال Power Spectral Density وتجاوب نظام خطي لمدخل عشوائي. تقييمي للكورس: الكورس غريب نوعاً ما لوجود الكثير من قوانين الماث (تكاملات واشتقاقات) بدل قوانين الكهرباء المعتادة! وهو متوسط من ناحية الصعوبة ويحتاج إلى وقت عشان تفهمه صح وانصح بالاضافة الى الكتاب نوتات كل من الدكتور المقيبل والدكتور عز الدين. ملفات مفيدة جداً للكورس هذا تلقاها هنا:
- هنا -