من شار ماخاب .. مشورة بالمسار الوظيفي .

التطور في نفس المجال أكيد انه افضل للشخص انه ينمو ويفهم أكثر ولكن فرصة الإلمام بالمجالات الاخرى ولو بالشيء البسيط ايضا تعتبر شيء يميزيك لزيادة مخزونك المعلوماتي بالمجالات الأخرى , لابد من التضحيات زي ما يقولون سواء من الناحية المادية او العملية زي ما سويت انك ابتعدت شوي عن مجالك بالفترة الماضية وانا متأكد ان الشيء هذا نما عندك المهارات القيادية واشياء كثيرة وكون لك شبكة معارف شخصية ممكن ماراح تلقاها بمكان أخر , نجي لوضعك الحالي من رأي المتواضع وممكن أصيب وومكن أخطئ وانت حكم نفسك بالاول والاخير , اشوف انك تتوكل على الله وتاخذ الخطوة نحو مجالك حتى لو فيه عوائق تغاضى وغمض عيونك وامش , البدايات دايم صعبة والمستقبل قدامك بإذن الله وكل هالتحديات الي تواجهها بالبداية بإذن الله انك ماراح تندم عليها مستقبلا والأمثلة كثيرة على أشخاص في عالمنا بدأو من مكان غير مكانهم وكيف أصبحوا الان! الله يوفقك يارب ويكتب لك الي فيه الخيرة : )

< الكلام هذا قاعد أكتبه لك ولي بنفس الوقت بحكم إني حاليا شغال في مكان غير مكاني وبعيد عن مجالي ولكن كلها في سبيل الاشياء الي ذكرتها فوق

فالنا وفالك التوفيق يارب

 

السعيد من كان رزقه عند بيته
طبعا الكل يتمنى أن يكون قرب أهله ...انا أشوف إذا كان التطور في مجالك الوظيفي الحالي موجود وأيضا النمو المناسب للراتب والزيادة والمميزات فالبقاء أفضل خصوصا أن هناك تقدير لمجهودك

تغيير بيئة العمل الشركة والموقع سلاح ذو حدين إما تروح لمكان أفضل أو أسوء أو جيد فلابد يكون عندك شي مميز مثلا (راتب افضل او مميزات أخرى ك تملك منزل او غيره او للخبرة لكن خبرة بنفس الراتب او مميزات اقل ويصاحبها غربة عن الأهل فاحس بكون اختيار صعب وربما تخسر الاثنين وتكون غير متاح
ولابد تحسبه من جميع النواحي (السكن التنقل الأكل )

في حال حصلت لك فرصة في شركة بعيدة حاول تتواصل مع احد موظفيها ليعطيك ولو جزء بسيط عن وضع وبيئة اعمل

والله يوفق لك ويكتب لك إلي فيه الصلاح

 

انت بدأت براتب 7000 و الان وصل 12000 خلال سنتين اليس هذا تطور ايجابي في مسارك الوظيفي؟ و مع تطوير نفسك و الاجتهاد معهم اكيد راح يكون فيه زيادات و ترقيات
اما بالنسبة للعمل في مجال بعيد عن التخصص فاعتقد فيه نماذج كثيرة و نجحت .. انا شخصيا لما عملت مقابلة في ارامكو لمهندس اجهزه كان تخصص اللي قابلني هندسة ميكانيكية.
لا اعتقد ان هذي مشكلة كبيرة ابدا و خذ ببالك ان المطلوب عند الشركات هو الخبرة.

طبعا ما اقول هالكلام حتى اقنعك تظل في وظيفتك الحالية و لكن حتى انبهك على الاشياء الايجابية فيها لا اكثر و القرار الاخير يرجع لك و في حال فكرت في الانتقال لوظيفة اخرى احسبها من جميع النواحي و ليس فقط مجال العمل، يعني مثلا ان يكون فيه زيادة معقولة في الراتب تستاهل الغربة و البعد عن الاهل

الله يوفقك

 

اكيد ان اكثر واحد يقدر يقيم الوضع هو أنت.. لأن كل واحد له أولوياته..

لكن إذا تشوف تقدير من الشركة؛ وتلقى دعم في الدورات والتطوير؛ ومرتاح مادياً.. لا تستعجل بالخروج بس احرص أنك تكوّن علاقات ممتازة مع الموردين لكم؛ ومع العملاء عندكم حتى يكون عندك فرصة بديلة لو احتجتها.. بالنسبة لي في آخر وظيفة طلب مني أربعة عملاء السيرة الذاتية وتيسرت مع واحد منهم وانتقلت له.. وأحد العملاء قال لو ما ناسبك المكان الجديد تواصل معنا ومكانك موجود..

في اي انتقال؛ احرص أنك تقيس جميع المعطيات.. من بيئة عمل، مسار وظيفي، قدرة على تكوين علاقات، تطوير، راتب، قرب الأهل، او حتى مميزات إضافية مثل نوع التأمين.. كلها تأثر في القرار بناء على أولويات كل شخص..

 

في وظيفتك جمعت بين علمين (علم الهندسة المكيانيكية والكهربائية) واعتقد قليل من يكون عنده هذه الميزة القوية. علم الاجهزة لا غنى عنه ويزداد الطلب عليه بين فترة للأخرى. ولكن عليك الأخذ بالمعايير التي تساعدك على إدارة مسارك