من قاع السلبية.

بسم الله الرحمن الرحيم.
السلام عليكم حبيت أبدأ يومياتي و خواطري في هذا الموضوع أنا أنقبلت مبكر أغلب الاشخاص الي كاتبين هنا يكونوا خريجين أو ناس في سنوات بعد الاوريا .
أنا رح أكتب هنا بإذن الله عن حياتي للخمس سنين القادمة أو الست الله أعلم سواء واصلت في البترول أو لا لكن أنا أسأل الله المواصلة و التفوق
عموما من الاحد رح أبدأ اذاكر و استعد لاجتياز التحضيري من برنامج prep-skip إن شاء الله كتبته صح .
صراحة أنا في بيئة جدا محطمة
أنا انسان لا افضفض فرح تكون هنا فضفضتي و هنا أطلع كل الضغط لأن كثر الضغط يولد إنفجار و أبغى أفرغ هنا فرح تشوف عصبية ممكن أو ضعف أو أي شي ما يعجبك فلا تحكم علي لأن كل الي هنا تفريغ و هنا كلامي مع نفسي من أيام الثانوي كنت أكتب في الملاحظات بدون حفظ لكن أرغب في حفظ فضفضتي و الكتابة عموما تريحني نفسيا.
طبعا قلت في البداية أني في بيئة محطمة.
أنا يوم كنت جالس في أول ثانوي في مدرسة متدنية المستوى تأسيس تعبان خصوصا الرياضيات.
كان الطالب الي يجيب نسبة 70+ في القدرات معد يختبر مره ثانية بحكم أن درجته أفضل شي و كل الي حولنا ممن يكبرنا سنا يرون هذا الشيء و يعتقدون أن درجة80 معجزة علينا و هي لطلاب الرياض!!!!! أو الأجانب!!؟؟؟؟
الأغلب عدا الاشخاص المحفزين. و هم أبي, رجل البوفية كما أسميه(الله يوفقه ما أعرفه رح أذكر قصته بعدين), ابن عمي الغالي.
لكل منهم قصة تحفيز لن أنساها .
البوفية:
رح يتكرر واجد ذا المكان هو بختصار بوفية كنت أجلس فيها و أنا في ثالث متوسط إلى أول ثانوي و هي على طريق العودة من المدرسة و هي بوفية الحي كامل ما فيه غيرها فكنت أروح لها واجد.
هذه مقدمة بسيطة لذكرياتي التي تكتب طازجة من العقل للوحة المفاتيح.
رح أكتب عن الثلاث مواقف التحفيزية و التحطيمية الي اخر واحد منهم صار قبل كم ساعة
أي شخص يقرأ الان مهما كان الكلام الي يجيك لا تفكر فيه حفز نفسك بنفسك
أنا لست انسان كامل فالكمال لله وحده سبحانه. الحمد لله من يوم وصلت لأول ثانوي حافظت على ورد يومي من القرآن حفظت بنفسي بعض الايات من دون المدرسة وكلام أحد و حافظت على الوتر و صلاة الفجر جماعة و ذا متأكد أنه من أسباب التيسير لي مع أني مقصر كثير و أمتلك عادات سيئة و لست مستقيما خاليا الذنوب للأسف الحمدلله على نعمه التي لا أعدها ولا أحصيها لولا رحمته سبحانه لما وصلت لما أنا عليه الان.
الإنجازات القادمة أكبر و الصعوبات أكبر و أنا سأتطور لست وحيدا ما دامت أسأل ربي التوفيق.

 

بسم الله الرحمن الرحيم
في أول ثانوي كنت جالس مع أخي و أصحابه في "البوفية" يوم نزول درجة القدرات و هم في صف ثالث ثانوي و نزلت الدرجات كانت تتراوح من 50-75.
وجه أحدهم سؤالا لي كنت أنا الاصغر و الطالب الوحيد الذي لم يختبر القدرات .
كم تتوقع تجيب في القدرات؟
بحكم نسبتي المرتفعة في الثانوي(المدرسة دف و سهله حال مدارسنا للأسف) رديت بكل ثقة من95 و فوق.
تحول الوضع لضحك " أحنا ما جبناها أنت تجيبها", "محد جابها من قبل هههههه متحمس الورع","ي رجال ب يمسح فيك البلاط".
الي صدمني حقيقة وقوف أخي معهم . لكن قال لي ولد عمي لن أنساه الله يوفقه: "تقدر بس لازم تذاكر ما عليك فيهم".
كلماته البسيطة في وضعه و هو صاحب أسواء درجة و أكثر شخص متحطم شيء عظيم رد جميل الذي لن أنساه.
في عطلة الصيف لأول ثانوي اشتريت كتاب قدرات 1 كتبت على الغلاف "رح أجيب 95" بدأت أتأسس من فهد التميمي و خلصت كتاب قدرات واحد دخلت أول إختبار ورقي جبت 87 للأمانة ما كان الهدف لكن فرحت فرح و شكرت الله و سجدت سجود شكر.
بعد هذه الفرصة اشتريت كتاب المعاصر5بلس و هدفك 3 للفظي و لكن مع الاسف أصابني الغرور و لم أعد لذلك الشخص المجتهد في القدرات الذي يعمل ليحقق طموحه.
في يوم الجمعة اكتشفت أن يوم غد هو يوم اختبار القدرات لم أنجز شيء جديد لم أختم الكتاب بدأت بمراجعة التأسيس و حاولت محاولات يائسة للختم لكن التفريط و التسويف يليه الندم دائما دخلت الإختبار أنا مصاب ب الغرور مع الأسف ضنا مني أن درجة90 سهلة.
جبت 85 نزول درجتين كان ثقيل جدا كان صفعة على الوجه سجدت شكرا و واصلت لنهاية العام الدراسي ثاني ثانوي.
في منتصف شهر شوال أحدد إختبارا للقدرات المحوسب بتاريخ 4/12/1440 و ابدأ بالاستعداد الجاد تعلمت ماذا يفعل الغرور و التفريط و لله الحمد راجعت التأسيس أنهيت كتاب المعاصر أنهيت الأساسيات فقط من كتاب هدفك كنت أتابع قناة "10دقائق قدرات" على اليوتيوب و أنهيت التجميع و النماذج التكميلية .
دخلت الإختبار خرجت كلي فرحا متأكد أن ربي وفقني و حققت حلمي.
17/12/1440
لم أنم أعلم أن الليلة بعد الساعة 12 ليلا تأتي درجتي التي أنتظرها .
حصلت على 98 سجود شكر حققت أعلى من هدفي الحمد لله.
تعلمت من هذه القصة:

1. الكلمة الطيبة و تحفيز الناس عمل تأجر عليه أقل شيء يدعي لك الشخص الي نفعته.
2. الشكر على كل شيء صراحة كان تفكيري عندما قلت الحمد لله على درجة 85 كان حياء من الله مع الحزن عليها الحمد لله ربي يسر لي الشكر.
3. الغرور و التفريط = فشل

بنسبة ل " رجل البوفية " قابلته مرة في البوفية لا أعلم من هو عرف بنفسه و قال لي:
حدد لك هدف و أمشي له رح تحققه أنتبه لأصحابك ترا لهم دور في حياتك و مصيرك واضح أنك جدا ممتاز و إنسان تتعب على نفسك بس لازم يكون لك هدف عشان ما تكون ضايع.
شخص غريب لا أعرفه و لم أقابله يوما قال لي هذه الجملة قبل 3 سنوات كانت سببا في إجتهادي بعد توفيق الله .
الله يوفقه وين ما كان و يرحمه

 

أيوه بداية البرنامج التأهيلي لحذف الاوريا قريييييييب
مدري كيف رح يكون هل رح يكون ممتاز أو لا بس صراحة الجامعة أعطتنا سحبه اسطورية
12/5 أكدت الرغبة تخيلوا تحققوا من المستندات و حطوا لي رقم جامعي ولا أعطوني رسالة شي
بس يله عندنا لقاء تعريفي الأربعاء ذا
على الأقل أول دفعة ترسل لنا الجامعة على الوتساب
يله أعتبر نفسي بري فرشمان مصطلح جديد
الهدف حذف الأوريا و إذا ما حذفتها أخففها .
مشكلتي الوحيدة حاليا اللغة مستواي مساوي ل02 أما الماث سهل جدا
يله بس كذا حبيت أكتب بعدين أرجع و أشوف هل صرت فرشمان ولا أوريا 04-03 و أحذف الماث 02 بعدين

بسم الله توكلنا على الله

 

مع بداية البرنامج.
أنا ضايع.
أدرس سلف ستدي جتني في إيميل كان صادم لتوقعات.
تقسمنا لمجموعات البعض عندهم دكتور البعض لا.
مع الأسف أنا من المجموعة الي ما عندها دكتور.
ما أعرف من فين أبدأ أو كيف .
إختبار تحديد المستوى كان تافه بس مع الاسف لقلة المصطلحات عندي في الرياضيات كان من بين الأسئلة معادلة من الدرجة الثانية حليتها كان حلولها 9 و 1-.
ما كان يبي الحلول يبي عددها يعني الجواب 2
و شوف الأسئلة الي كنت أعرف أحلها لكن راحت بسبب المصطلحات و كلها نفس السؤال الي فوق.
الحمد لله.
بجرب كل مصادر المذاكرة سلايدات مقاطع الكورس أون لاين أكاديمية خان المشكلة فيها أني أشوف فيها أشياء أعرفها.
فعليا أني أقعد أفر فيها فأنا قاعد أضيع وقت ما أدري ليه أحس أن فيه مشكلة في التنظيم أو المشكلة مني لكن يله بحاول صراحة ما أدري هل بقدر أحذف الأوريا أو لا لكن بحاول.
1-0 ل kfupm

 

بعد أسبوعين.
الحمد لله الان غيرنا الخطة 40 يوم بشتغل فيها عشان أحذف الاوريا الأن الصورة وضحت بفضل الله ثم الشرقاوي.
أول كانت مقاطع الشرح موجودة و حلوه و نفهم عليها نروح الاولد إكزام نحلها بس ما ندري حلنا صح ولا لا مو محدد شي و بعضها محلول و بعضها لا و نروح ل الرستيشن ولا شي محلول و اسئلة صعبة تقهر ياخي تكون شفت الشرح و ركزت معها و تعبت لمن تنزل الرستيشن ما تحل أخذنا سلايدات مقبل تشوف أسئلة الرستيشن و الاولد محلوله صحيح انها مختلفة شوي عن الي عندنا لكن ما تعرف كيف جاء الحل.
جا المد أمس للمادتين 001 و 002 طبعا درجاتها و الترم ذا ما يخش في السجل الأكاديمي بس الدرجات ما كانت تسواي الوقت الي حطيته على المادة.
في الليل أرسلت الاسئلة لطلاب في سنه متقدمة ابيهم بس يعلمونا الحل الصحيح و قالوا أبشر و أشكرهم.
صحيت اليوم الفجر أرسلت لدكتور أحمد مقبل (الي نزل لنا تمارين في خان لمادة 002)و الشرقاوي (كان يرسل لنا إيميلات عن المواعيد و للماث خصوصا).
و رد في نفس اليوم الساعة 9 و نزل لنا حلول الاكزام و وجهنا لطريقة الدراسة أشكره صراحه شي رهيب أنه تجاوب بسرعة.
بنسبة للإنجليزي سلف ستدي لكن خطة جدا ممتازة.
و الان نقول
1-1 DRAW

 

صراحة.
طلاب الجامعة ما قصروا معي.
اعتذر لكل طالب كثرت عليه الاسئلة و كل طالب سألته سؤال المفترض ما اسأله اعتذر اذا سألتك سؤال و كان جارح ما ادري صراحة اعتذر اذا كنت اجيك و افتح موضوع جانبي .
بس صراحة.
لما كنت اشوف الشباب الي معي بدفعة ذا اخوه في البترول و ذا ولد عمه و ذا ولد جاره و الي ابوه و الي عمه و الخ.....
لهم معارف حسيت للأمانه بأني جاي في المكان الغلط شوية .
و لكن كنتم لي إخوة و تحملتموني.
حتى بعض الأشياء الي كتبتها هنا قد اختلف معها بعد مدة.
B0HATE-H2SEAE-ALEMTE

 

math001-22/7/2020
math002-10/8/2020

 

بعد فاينل 001
لم نختم الكورس الباقي 2.6-3.6
الدرجة 22/36
رح أترك جانب الرسمية أتكلم عن موقف حصل لي مع مجموعة skip-prep أنا المنشئ لها أتشرف بكل من فيها المجموعه فيها نتعرف على بعض سوالف و أحاول أشجع الي معي و أساعدهم و لكن اليوم بعد الفاينل سألت في القروب زي ما سألت بعد المد.
كيف الدرجات شباب؟
ولله ما اختبرنا.
كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا أصلا من زمان موقف مذاكرة من بعد المد- والله ذي عطلتي ياخي و أنا اصلا ما أبغى أحذف.
أنا في الثانوي راقد و تبغاني أحذف سنه في الجامعة؟خلني أمشي زي الطيبين
تتراوح الأعذار.
و يقال لي بصوت واحد: كل الي قبلنا يقولون أهم حاجه الإنجليزي و هو لازم تبمرمشه عشان ترتاح في الأوريا و كلهم استفادوا من الأوريا أنهم عرفوا كيف يذاكروا.
محاولات بائسة برد مني منفعل : محد قبلنا ولا خريج من يوم بدأت الجامعة جته فرصة يبرمش أوريا كامله أحنا أول ناس و عشان أحنا أول ناس أنتم خايفين بس و الدليل أنكم ما تشتغلون و بس تقولون ذا برنامج للي مستواه قوي و طالع من ثانوية صاحية مع أن البرنامج يقول لك العلامة ذي + جمع و بالإنجليزي كذا و ناتج المجموع اسمه كذا كمان الدكتور يتكلم انجليزي رح تتطور انجليزيتك و اخر حاجه تقول بس ابغا ابرمش انجليزي طبيعي أنك تسأل واحد هل الاوريا كانت مفيدة ب يقول لك نعم لأن ذي بدايته في الجامعة أنت بدايتك سكب برب ليش ما تستغلها.
لكن لا حياة لمن تنادي.
هل أصل إلى قمة الجبل؟
أعرف شخص واحد يكافح اتمنى أن نصل للقمة سويا أو يصل أحدنا.

 

تحديث للخطة الشخصية skip-prep

حسب التاريخ غدا تكون نهاية math001 لكن الأسبوع الرابع من الإنجليزي كان مختلف اسبوع ثقيل يحتاج لتركيز أكبر يتكلم عن كيفية كتابة الجمل.
قادر ولله الحمد على إنهاء 001 غدا و لكن اللغة تحتاج وقت أكبر حاليا .
23/7/2020 math 001
12/8/202 math 002
مستوى اللغة:
متذبذب بين(03-02) حسب نتيجة إختبار تجريبي
40/68

 

بعد ترم "skip prep".
في نهاية الاسبوع القادم رح يكون فيه موضوع في منتدى السنه التحضيرية يشرح الترم و البرنامج كاملا.
عمواما رح أذكر الأشياء الي استفدتها من ذا الترم و أحب أذكر شي الترم ذا كان فيه اختبارات لكن مو محسوب الترم اكاديميا ولا عليه تحضير يعني اذا اخذتها بجدية رح تستفيد.
نبدأ:
1- الاعتماد على النفس في الدراسة و التأقلم مع الدراسة الذاتية.
2- تنظيم الوقت.(الأهل كانوا متعاونين في الموضوع و اتفقنا و صار فيه تنظيم و لكن مرات يخرب الامور ليست مثالية 100%)
3- في هذا الترم كلمت طلاب من سنوات متقدمة احتكيت فيهم احتكاك بسيط اضافوا لي اشياء على المستوى الشخصي.
4- طلعنا ببعض الاخطاء و مرح نكررها
بعض اخطائي:
1- ما توجهت لدكتور على طول
2-اهملت جانب اللغة الانجليزية كنت داعس في الماث لاني مفتول العضلات فيه (بعد ما عرفت الطريقة ولله الحمد) و الي نبهني لها زميلي قال لي كيف الانجليزي السلف ستدي؟.
يعني كنت اعطيه وقت لكن مو الوقت الكافي و كنت معلق (تبعا لإختبارات تحديد المستوى على الانترنت) في 02 و اصلا لو دخلت ذا اللفل مرح يمديني اتخطى الماث.
اخر 20 يوم ركزت على الانجليزي ختمت ماث 001 و ما درست 002 ابدا ولا جيته لان الانجليزي دمار.
الحمد لله من اول عندي مستوى ممتاز في الاستماع و الريدنق لاني كنت اقرأ كتب "oxford" ركزت على الكتابة و القرامر بشكل أساسي.
عموما في اختبار تحديد المستوى اسوأ الاحتمالات 02 المتوسط 03 افضلها 04 لا اعتقد أن فيه مجال ابرمش.
اللغة ممارسة.
3- الهروب من المذاكرة وتساب تلقرام يوتيوب اقعد ارتب الغرفة اخذ فره على السيارة ذي الاشياء ما كنت اسويها بس مدري ليه صرت اسويها و خصوصا ادمنت الوتساب.
عندي رقمين من أول استخدمت وتساب بزنس و خليته للجامعة و صرت اخشه قليل و رقمي الثاني وتساب عادي في نفس الجوال للاقارب.
التلقرام نضمت المجلدات بقية الامور تعاملنا معها .
صرت أخذ استراحات بسيطة في المذاكرة 5دقايق كل 50 دقيقة اول مره اجلس 50 دقيقة اذاكرها كامله.
4- الوقت كان حوسه مذاكرة كل الوقت فعليا بدون فائدة و اغلبها على الجوال
في الختام:
الحمد لله أولا
ذا الترم طلعت منه كسبان على جميع النواحي
في أقل الاحتمالات 02 و مرح اتخطى الماث لكني فاهم ماث 001 و رح يكون بنسبة لي مراجعه ولله الحمد
المتوسط و افضلها 03-04 و ماث002 يكون هنا ترم اوريا بس و خلاص (pyp اختياري يصير)
لمن اقرأ موضوعي احس ان بدايته كانت درامية .
يله عاد تحملونا الان بعد ذا المقال بنام لا تخاف ما استخدم المنتدى للهروب من المذاكرة.

 

أكثر كلمة سمعتها من الخريجين (مو حديثي التخرج)
لو رجع بنا الزمن ركزنا على الفائدة.
ركزت على القريد أكثر من الفائدة.
قسم ماث الاوريا حط اليكس عشان تتدرب و تحل المسائل.
تضحك ع نفسك و تخلي فوتو ماث يشتغل
صح رح ياخذ منك وقت و كثييير بس الماث ع كثر ما تحل مسائل ع كثر ما تحصل خصوصا الدراسه عن بعد فيه فجوه في التعليم و اليكس حطوه لسد الفجوه صح بعض المسائل تقول اوف ايزي
و احيانا تغلط بالكيبورد و يلقمك سؤال زياده
لكن احسن من انك تضحك على نفسك..
أول شهر في أول ترم رسمي كان رهيب الحمد لله.
توفيق الله فوق كل شي الحمدلله الحمدلله.
تخلصت من هوس البرمشه هو هوس يكون موجود عند كل مستجد .
بعدين رح اتكلم عنه الاسبوع فيه اختبارات يحبها قلبك

 

عزائي للبتروليين 201

 

SSO=Penalty
معاناة مرح تعرفها الا اذا درست انجليزي الاوريا في 201