مهندسين البترول ابيكم بكلمة راس

وعليكم السلام
مع الأسف الشديد أرامكو تفضل الأجانب على السعوديين ذوي الخبرة، و هذا الكلام على كل التخصصات و ليس فقط هندسة البترول
انضمامك لارامكو وانت خريج جديد (3 سنوات خبرة او اقل) اسهل بكثير من انضمامك لها بخبرة بحكم المنافسة الشديدة مع الأجانب

و الدليل على كلامي هو موقع ارامكو نفسه!!
يعني الوظائف اللي تطرحها ارامكو على موقعها هي خاصة للأجانب فقط، فالأجنبي عنده فكرة عن الشواغر المتاحة و على اي قسم و في اي مكان
بينما طريقة التقديم تختلف بالنسبة للسعودي فهو يقدم عن طريق رفع السيرة الذاتية فقط و لا يعلم على اي منصب و تحت اي قسم و هل يوجد شاغر أصلاً!

نفس الكلام ينطبق على سابك ايضاً

نصيحتي انك لا تعلق امال كبيرة على ارامكو حاليا ، فيه شركات لها مميزات منافسة ايضاً مثل شلمبرجير او بيكرهيوز
و بما انك مهندس بترول فعندك الفرصة انك تطلع من الفيلد الى العمل المكتبي مثل هندسة الحفر او هندسة الابار ...الخ

بالتوفيق

 

نصيحة أخي الغالي لاتعتمد على ارامكو اعتبرها بديل فقط .. لأن ارامكو نظامهم غريب .. ارامكو يومهم بسنة

لي ١١ شهر مقدم على ارامكو من يوم تخرجت من مايو 2020 والى الان لاحس ولا خبر .

فيه كثير شركات ممتازة: مثل سبكيم، هاليبيرتون، شلمبرجير، الرقوق الخ . لاتحصر نفسك على ارامكو فقط .

فترة تدريبي في معمل ارامكو لاحظت ان اغلبهم داخل الفيلد Chemical engineer و mechanical engineer و electrical engineer يعني ماقد شفت بتروليوم ابد .. لأن اتوقع ارامكو اغلب شغلها downstream

شف شركات ال upstream بتعطيك اولوية كبيرة بالنسبة لتخصصك .

حدث ملفك اول بأول في ارامكو + حاول تزوز مراكز التوظيف وتسأل اذا فيه طلب على تخصصك .

وفالك التوفيق ان شاء الله .

 

يا كبرها عند ربي!

 

اوصيك بتقوى الله والتنبه على ما تقول عن الله سبحانه وتعالى وان لا تتكلم الا بعلم وما يدريك هل ما قلته حق او لا ؟
عظم الكلام عن الله سبحانه وتعالى وليحذر كل منا كل سبيل قد يوقعه في أن يقول على الله ما لا يعلم والعياذ بالله.

 

الله يشفيك ويعافيك فيما ابتلاك فيه, وتتوظف وتنسى المنتدى ولاتكتب فيه مره ثانيه.

 

الله وكيلك
انا مهندس بترول خبرة ٧ سنين في احدى شركات السرفس

والله من تخرجت وحتى هذي اللحظة مادعوني حق مقابلة شخصية

ادق على مكتب التوظيف اقول لهم شيكوا البروفايل حقي يمكن فيه خطأ
لكن يقولون لي انه اوكي

طيب اقول لهم ينفع اجيكم المكتب؟ يقولون لي مانقدر نفيدك بشي فقط حدث ملفك وانتظر

واللي يغبن بزيادة
لما تروح الرق وتشوف كومبني مان اجنبي او من جنسية عربية اخرى ماعنده خبرة
والله انجلط
طيب بدل ماتوظفون اجنبي وتدربونه ليش ماتوظفون سعودي ابن البلد اولى من هالاجنبي
لو عنده خبرة اوكي ماعندي مشكلة
لكنه بدوون خبرة

ما اقول الا حسبي الله على كل ظالم
دخلنا هالتخصص وجازفنا بمستقبلنا على اساس ارامكو بتتبنى الخريجين السعوديين وتدعمهم
لكن للأسف خذلتنا وذلتنا عند اللي يسوى واللي مايسوى

ما اقول الا الحمدلله رب العالمين على كل شيء والخيرة فيما اختاره

 

اتوقع توظيف الاجنبي الخبرة يسوي تنويع بالشركة ونقل خبرات خارجية , الاجنبي الخبرة بيجيك من دولة ثانية وسستم مختلف ويحاول يضيف لك من ايجابيات عمله السابق (الدولة الثانية)
لهذا السبب يفضلون الخبرة الاجنبي على السعودي
*لكن لا تبرير لتوظيف الاجنبي دون خبرة*

 

نصيحه مني جرب برا السعوديه افضل من ناحيه الرواتب
و الله يكتب لك و لجميع كل خير

 

نظاميا ارامكو ماتوظف اي شخص غير سعودي الا لو معاه خبرة خمس سنوات واكثر