مهندس كيميائي عاطل

وعليكم السلام ,
هذي بعض الإعلانات في موقع طاقات طالبين فيه كيميكال
طاقات-تفاصيل إعلان الوظيفة
+
طاقات-تفاصيل إعلان الوظيفة
+
طاقات-تفاصيل إعلان الوظيفة
+
طاقات-تفاصيل إعلان الوظيفة

و تأكد هل الشركة الي كنت معاها إلى الآن مسجلتك في التأمينات أو لا , لأن تقريبا سنتين بدون وظيفة فترة طويلة وشي غريب خاصة لو ما دخلت خلال هالفترة في مقابلات مع شركات ثانية .
اذا مادخلت مقابلات , نزل ال cv يمكن فيه مشكلة او شي .

&
هالاسبوعين الظاهر في فرص في الفارابي للبتروكيماويات , في اكثر من خريج كيميكال تواصلوا معاه .

هذا الحساب تنزل فيه اعلانات لكل الوظايف , حتى لو ودك تشتغل عمل جزئي او في مجال غير الهندسية بتحصل وظايف تناسبك إن شاء الله .
THE HELPER (@the_helperr) | Twitter

الله يوفقك ويرزقك الوظيفة الي تتمناها

 

- ال objective حيل قصير , فيه نماذج أفضل , المفروض يكون سطر ونص او سطرين بالكثير ونفس الوقت مايكون حشو كلام .
- في الخبرة اكتب اسم الشركة كامل , KASAB International Group .
- تحت ال field engineer اكتب الشغلات او المسؤوليات الي كنت تسويها في الشركة على شكل نقاط مختصرة : ( اذا سويت بعض الأشياء لكن ماعندك الصيغة المناسبة لشرحها , ابحث في النت وبتحصل الي تبيه ) هذا مثال على المسؤوليات :

1. Develop safety procedures to be employed by workers operating equipment or working in close proximity to on-going chemical reactions.
2. Perform laboratory studies of steps in manufacture of new product and test proposed process in small scale operation (pilot plant).

والفايدة من هذي النقاط إنها تبين إنك كنت شغال صح في الشركة و اكتسبت خبرة . طبعا حاول تخلي النقاط مختصرة و واضحة عشان توفر مساحة.

- بخصوص التعليم , رايي شل المعدل إلا لو الشركة طلبت هالشي وعادي عندها توظف احد معدله اقل من 3 .
- في التدريب , سو نفس الي سويته في الخبرة , اذكر الأشياء الي اشتغلت عليها في التدريب على شكل نقاط , مايكفي بس تذكر اسم الشركة ومدة التدريب.
- مشروع التخرج مهم , اشرحه على شكل نقاط او اذكر الأجزاء الرئيسية فيه على الأقل .
- في المهارات , خل برامج التخصص أول شي , المايكروسوفت مهمة لكنها اقل اهمية من برامج التخصص .
المهارات الثانية ما ادري شقولك , لكن احس تقدر تكبهم بصيغة أفضل
الشي الثاني حاول تدرب وتعرف وين كانت اخطائك في المقابلات , لأن سنتين مثل ماقلت لك فترة طويلة و تقول تسوي مقابلات فمعناها ممكن المشكلة عندك في المقابلات

حاول تلقى جواب مقنع لسؤال ليش ماتوظفت خلال هذي الفترة لأن اكيد بيسألونك اياه .
https://www.stkfupm.com/forum/threads/ايش-جواب-سؤال-ليش-ماتوظفت-الى-الان.134788/

 

انا الله مثلك مهندس كيميائي متخرج من امريكا من سنة و ثلاث شهور والي الان عاطل.. الله يفرجها علي خير

 

حبيبي قدم هنا ، وبالتوفيق ان شاء الله

تعلن شركة كبرى بالرياض
عن شاغر وظيفي رجال ونساء من الجنسية السعودية
1- تخصص (هندسة كيميائية او الكترو كيميائية) علما انه التخصص يختلف تماما عن تخصص كيمياء او كيمياء تطبيقية
2- تخصص هندسة كهربائية

يرجى إرسال السيرة الذاتية على البريد الإلكتروني التالي:

[email protected]