مهندس ولكن بعدين تصير مهندس !

السلام عليكم ورحمة الله وبركاته ،



راح ابدأ بشركات الحفر اولاً :

كثير الاحظ من المهندسين لما يقدمون على شركات الحفر تجيهم مقابلات على( Field Specialist )
علمًا بأن المفروض المهندس يبدأ كـ Field Engineer. فلا يجيك واحد ويقول لك انا ما اقدر اوظف خريج ماعنده خبره عشان يكون Field Engineer لازم تكسب خبره وتتدرج !

ماراح اخوض بالبزوشين هذا ، ولكن المضحك ان لما كمهندس تقدم ولما تروح تسوي مقابله يقول لك انت راح تبدأ Electrican طيب وشهادتي ؟ ودراستي ؟ يقول لك لا بعد ٤ سنوات بس تثبت نفسك تصير مهندس ان شاء الله. انا ما اعيب الكهربائيين ابدًا هذا جهدهم وهذا الي وصلو له ، ولكن معليش انا درست ٥ سنوات عشان اكون مهندس مش عشان اكون Technician. عل الاقل التكنيشن درس معهد واخذ دبلوم وتوظف على شهادته، بينما ماتجيني انا الي درست هندسة وتقول لي لا والله كبدايه لازم ترضى وتبدأ من الصفر عشان تكون مهندس ! كثير ناس ترضى بحكم ان الوضع بالوظايف صار جدًا صعب واحب اقول للناس هذي الي تقبل بالوظايف الي ادنى من مؤهلاتهم الله يوفقكم بس بالنسبه لي ، انا مادرست عشان اقبل بأقل من مؤهلي، ف ماطلبت لا زياده ولا طلبت اقل المهندس يبغا ياخذ حقه فقط. اكيد كثير مننا مر بالتجربه هذي. عطونا اراءكم اذا توافقوني على كلامي. وشكرًا.

 

كلام جميل يامهندس محمد ، خل انك تكون سبيشيلست وبعدها تكون مهندس انت وجهدك واكيد الي بيجتهد راح يحصل بإذن الله ، وارامكو شي والشركات الثانيه شيء مختلف ، انا اتكلم من انك تبدأ فني كهربائي ونت مهندس كهربائي ! يعني تجلس تضيع مسيرتك المهنية مدة ٥ سنوات او ٤ على امل انهم يخلونك مهندس ! مايدخل العقل بصراحه انا مش مستعد اجلس ٤ سنوات عشان اصير مهندس ، ونا فعليًا مهندس ! ولا سمح الله ماكملت ال ٤ سنوات ، خبرتي هذي وش راح تفيدني كـ فني ؟ مين راح يقبلني كمهندس ؟ راح اكون انا والفريش واحد ، فهمت علي.


الخلاصه ان فيه حالات برأيي تستوجب الرفض ! الشركات جالسه تلعب وتوهمنا بأن لا لازم تتدرج عشان تكون مهندس هي مش رتب عسكريه ياصاحبي هذا مؤهلي انا مهندس مش فني ، بس السبشيليت للأمانه ماعندي الفكره الكامله بس الي اعرف وقريت من الشباب انه مايعتبر engineer. الله يوفق الجميع.

 

هذا الي اعرفه ارامكو تجيهم جاهز وخالص. ووظايفهم اغلبها اذا مهندس يقبلونك كمهندس هذا والله اعلم.

 

م

مهندس مساعد كلامك جميل ، من ناحية خبره ، ولكن الكلام كله انك ماتهضم حقي وتعطيني راتب دبلوم او دبلوم صناعي انا مؤهلي مو دبلوم عشان تحطني فني وتقول لي انت فني الحين وبعدين تصير مهندس هذا المقصد ، عطني مسمى مهندس براتب المهندس وماعندي مشكله افر على كل الاقسام واتعلم واتدرب واشتغل لهم مضبوط، اما انا مهندس وتبغاني بمسمى فني وتبغاني ابدع بشغلي ؟ هذي بحد ذاته مايدخل العقل.

 

هذي النقطة الي اتكلم فيها مهندس محمد انك تعطيني حقي وظفني مهندس وخلني مع الفنيين اذا تبغاني على قولتك اتعلم واخذ خبره وماعندي مشكله مستعد ابدع واتعلم والي يبونه تم ، بس تعطيني راتب الفني + مسمى الفني لا ما اقبل فيه وخصوصًا مؤهلي bachelor ولو اجلس عاطل لين ربي يفرجها، اشوف انها ابسط حقوقي. ماهي سالفة اني اتشرط ، لا ابدًا انا بس عطني حقي كمهندس وابشر بالي يبدع في عمله. ومن ناحية السبيشلست الوضع مختلف زي ماقلت. الله يسعدك


الله يكتب الخير للجميع

 

انا ماجاني عرض ولكن راح يجي قريب بإذن الله قال لي فني كهربائي والاساسي ٥ الاف ريال ورق بحري offshore و ١٢ ساعه دوام ولازم تثبت نفسك ٥ سنوات عشان تصير مهندس ! كيف عشان اصير مهندس ! هههههههه مو انا ياحبيبي مادرست ٥ سنوات الا عشان اصير مهندس وتبغاني اشتغل ٥ سنوات عشان اصير مهندس ! انا مؤهلي مهندس وليس فني ، زي مثلاً واحد خريج محاسبة هل راح يقبل يشتغل كاشير ؟ احيان صح الظروف تحدك ولكن (منطقيًا) ماتدخل العقل، بالنسبه لي المسمى جدًا مهم لأني بناءً على المسمى راح اتدرج عليه، على سبيل المثال اشتغلت فني ٤ سنوات والله ما اراد انهم يعطوني مسمى مهندس وطلعت من الوظيفه ، مين راح يوظفني على خبرتي ؟ اذا بيوظفونك راح يوظفك كـ فني وليس مهندس، انا النقطة الي ابغا اوضحها يامهندسين ، ان المسمى جدًا جدًا جدًا مهم لأنك بناءً عليه راح تتدرج وتترقى ، ف غير منطقي ابدًا اني اشتغل فني وابغا اتدرج كمهندس ماتدخل العقل ! كل شخص له مؤهله وبناءً عليه يتم وضعه على المؤهل.

 

ال

الشغل ابدًا مو عيب ولكن الواحد يحتاج الإنصاف بس ، كل الي يحتاجه المهندس هو الإنصاف ، كلنا طبعًا مادرسنا وتغربنا عن اهلنا وسهرنا الليل الا عشان نوصل للشي الي حنا تعبنا عشانه ، اما اني اتعب واجتهد واخرتها تحطني بأقل من مؤهلي بمراحل ! يعني بكالوريوس وتحطني دبلوم ، هذا غير مقبول وينافي العقل !

 

يامهندس فيه شركات تقدر وتعطيك على جهدك وتعبك

Work hard, pays off