أفضل المشاركات: موضوع شامل عن التدريب الخارجي ~

3 - طريقة البحث عن فرص تدريب خارج السعودية .

نصيحتي إذا كانت الفرصة عن طريقك فحاول تبدأ بالإجرائات مبكر حتى لو قبل سمستر مافي مشكلة لأن الإجرائات سواء في دولة التدريب أو الجامعة تأخذ وقت وعشان ماتنضغط فأبتدي مبكر وخلص الاجرائات على الراحة .

- هذي قائمة بالشركات الي سبق و تدرب فيها طلاب الجامعة برا السعودية ( link )
طريقة البحث والتقديم :
- الأفضل لما تتواصل مع شركة إنك تذكر تفاصيل التدريب الي تبحث عنها لأن برامج التدريب كثيرة وتختلف فحاول تعطيهم فكرة بسيطة عن التدريب الي تبحث عنه مثلا تبين لهم إن التدريب الصيفي ( مدته 8 أسابيع ) وطبيعة التدريب .

- لو كان التقديم بالإيميل حاول ترفق : 1- خطاب من إدارة التدريب إنك مرشح للتدريب ( مثال ). 2 - CV . - نسخة من الـ Transcript وحاول تبين للشركة إن ايملك ماهو عشوائي أو راسله لأكثر من شركة .

- أفضل طريقة للبحث عن تدريب سواء برا السعودية أو في السعودية هو عن طريق مواقع التوظيف مثل linked in بحيث تفعل خيارات التنبيه في الموقع عشان ينبهك لو فيه نتيجة جديدة في صفحة البحث عن بعض الكلمات مثلا : Internship - Training - CO OP
وهذي هي الطريقة وفيه أكثر من موقع يقدم نفس الخدمة مثلا indeed , GulfTalent




4 - السلبيات و الإيجابيات .

بالنسبة لي أشوف التدريب الخارجي أو برنامج الاكشينج فرصة إنك تكتشف وتجرب أشياء جديدة متعلقة بتخصصك أو أمور ثانية وبشكل عام تأهلك تكون معتمد على نفسك أكثر وتستفيد من البيئة المختلفة الي راح تشتغل فيها خاصة إذا كانت الشركة عالمية : ثقافات مختلفة - أنظمة مختلفة تعامل مختلف وأشياء كثيرة وفي نفس الوقت ممكن تعتبر التدريب تغيير للجو وتبعتد عن جو الدراسة . بشكل عام أنصحكم تجربون التدريب الخارجي وانا على شبه يقين إن هذي التجربة راح تغيركم للأفضل وتكتسبون خبرات جديدة وتعطي فرصة تشوف بعض الأمور بشكل مختلف ونفس الوقت هي فرصة إنكم تتركون صورة جميلة عن جامعتنا بشكل خاص وعن السعودية بشكل عام ... واخر شي اعتقد ان يكون تدريب برا السعودية شيئ ملفت للنظر في الـ CV وممكن يفيدك كثير .


نصائح عامة :
- إذا الفرصة عن طريقك حاول تتأكد إن الشركة تتكفل بالسكن وتعطي راتب يكفيك + لاتعتمد على مكافأة الجامعة للتدريب الخارجي .
- قبل لاتطلع للتدريب حاول تقرأ عن عادات البلد الي بتروح له عشان لا تتعرض لمواقف محرجة .. لأن بعض الأشياء نعتبرها عادية لكن تعتبر عدم احترام عند بعض الدول والعكس صحيح .
- حاول تستفيد قد ماتقدر من هذي الفترة ولا تخجل من إنك تسئل في أبسط الأشياء المتعلقة بتخصصك وبين للشركة إنك مهتم لأن بعض الشركات عنده إنطباع عن السعودين إنهم مب راعين شغل والواقع هو العكس .. ( كان معي موظف سعودي في اليابان والله يا انه يشتغل أفضل من اليابانين )

5- التدريب الخارجي لغير السعوديين : هذا رد فيه بعض المعلومات من اخونا Nemo الله يجزاه خير

6 - تجارب الطلاب في التدريب الخارجي .
- Indonesian Aerospace PT Dirgantara
- الكوأب خارج المملكة (have a look)
- الكوأب خارج المملكة (have a look)
- التدريب في شركة jgc اليابانية
- التدريب في شركة jgc اليابانية
- تجربتي في التدريب الخارجي - اليابان

في النهاية أتمنى الطلاب الي تدربوا خارج السعودية يشاركونا تجاربهم ولو أخطأت في شيئ أو عندهم معلومات إضافية ياليت يذكرونها واكون شاكر لكم .

وفي هذا الموضوع جواب لبعض الأسئلة المتعلقة بالتدريب برا السعودية :
كل ماتحتاج معرفته عن كواب والتدريب الصيفي ~

والي عنده اي سؤال أنا حاضر​

 

السلام عليكم ورحمة الله وبركاته :

في الجامعة فيه فرص كثيرة تقدر تستغلها في تطوير نفسك سواء في المجالات المتعلقة بتخصصك او المهارات الشخصية ونفس الوقت راح تفيدك في مستقبلك من ناحية الوظيفة والخبرة الي راح تكتسبها ومن هذي الفرص :
- برنامج التبادل الطلابي Exchange
- التدريب الخارجي .

هذا الموضوع عن التدريب الخارجي راح يشمل :
1 - مقدمة عن التدريب الخارجي .
2 - شروط التدريب الخارجي & الاجرائات & النماذج المطلوب تسليمها .
3 - طريقة البحث عن فرص تدريب خارج السعودية & قائمة بالشركات .
4 - السلبيات و الإيجابيات + نصائح عامة .
5 - تجارب الطلاب في التدريب الخارجي .


1 - مقدمة عن التدريب الخارجي :

التدريب الخارجي في الجامعة قسمين :

# الأول : تنسيق بين الجامعة وبعض الشركات .
وهذا القسم يكون منحصر على الطلاب أصحاب المعدلات عالية غالبا ( 3 وفوق ) وأحيانا يكون 2.75 ( على حسب عدد الطلاب المرشحين وشروط الشركة ) . الاجرائات بشكل عام طويلة سواء كانت فرصة التدريب عن طريق الجامعة أو عن طريق الطالب لكن الاجرائات راح تكون أسهل لو كانت الفرصة عن طريق الجامعة .

# الثاني : فرصة التدريب عن طريق الطالب .
في هذا القسم فيه مرونة أكبر من ناحية المعدل لكن هذا الشيئ يعتمد على القسم وموافقته على فرصة التدريب لكن الأغلب متعاونين وممكن يكون معدلك 2.5 او اقل بشوي وتطلع تدرب برا لكن في الأول والأخير موافقة القسم وإدارة التدريب هي الأهم لكن السنوات الماضية فيه أكثر من طالب معدلاتهم أقل من الـ 3 و تدربوا برا .


2 - شروط التدريب الخارجي & الاجرائات .

إذا كانت الفرصة عن طريق الجامعة ماراح تحتاج تعبي أي فورم لأن غالبا الفيزا وبقية الأوراق راح توصل لإدارة التدريب .. اللهم تسلم تعهد التدريب لإدارة التدريب قبل ماتطلع للتدريب وتستلم خطاب التوجيه لكن مايمنع إنك تتأكد من الشركة بخصوص الفيزا .

هذي هي الاجرائات وخطوات التقديم ( لو الفرصة كانت عن طريق الطالب ) :
(( الكلام بالأحمر هو إضافة مني وتوضيح لبعض الشروط + رابط التحميل للنماذج ))

سواء كانت الفرصة عن طريقك أو طريق الجامعة لازم تتابع إجرائات أمر الإركاب :
إجرائات إصدار أمر الإركاب (ممكن يأخذ شهر كامل ولو ما تابعت بنفسك ممكن يبدأ التدريب و الأمر ما صدر والوضع عادي عندهم ) :
- بعد ما يوصل اسمك لإدارة التدريب من الشركة راح تبتدي الإدارة بإصدار أمر الإركاب وراح يمر أمر الإركاب على :
شؤون الطلاب > مدير الجامعة > قسم الميزانية > صندوق الطلاب > مكتب سفريات الفرسان في مبنى 9 .
ما راح اذكر الاجرائات بالضبط لأن الوضع كان سيئ ومافيه تنسيق فما كان فيه خطوات معينة لكن بإختصار تابعوا الأوراق مع سكرتير إدارة التدريب إدوارد وحالوا تطلعون التذاكر قبل إسبوعين على الأقل من التدريب ... :
هذي اماكن الإدارات المسؤولة عن أمر الإركاب والمكافأة :

- إدارة التدريب : مبنى 68 - 108
- عميد شؤون الطلاب : مبنى 68 - 163
- قسم الميزانية : مبنى 21 - الدور السابع .
- مكتب الفرسان للسفريات : مبنى 9 الدور الأرضي .
- صندوق الطلاب : مبنى 68 الدور الأرضي .

إذا بقى اسبوع على الرحلة وما صدر أمر الإركاب ارفع معروض لمدير الجامعة وإن شاء الله راح تنحل الأمور .
و بخصوص المكافأة : بعد نهاية التدريب تراجع إدارة التدريب ومعك الجواز ثم يعطيك الموظف خطاب موافقة العميد & مدير الجامعة على صرف المكافأة وتسلمها صندوق الطالب مع رقم الايبان لحسابك واسم البنك وبعد فترة المفروض تتحول لك المكافأة .