أنا درست هندسه وحولت إدارة وتخرجت ولله الحمد حقيقة دراسة الهندسة افادتني كثير , وتخصصات الإدارة قويّة جدا ورواتبها اعلى وخياراتها أكثر. تخرجت MIS ولله الحمد ولو رجعت الجامعة كان درست MIS + marketing يعني ( Double major) تخصص التسويق قوي جدا , ومطلوب جدا , وممتع جدا , ورواتبه عاليه وفي كل مكان (للشخص الفاهم طبعا ) وإذا كان خريج التسويق قوي , وفاهم , وعنده خبرة ممتازة في استخدام الكمبيوتر للتحليل (يعرف شوي قواعد بيانات + ممتاز في الإكسل + ممتاز في برنامج SPSS ) فممكن انه راتبه يوصل حدود 18 في أقل من 3 سنوات من تخرجه , ولو اشتغل في شركة قوية واكتسب خبرة مثل P&G فممكن انه في اقل من 4 سنوات يكون راتبه في سوق العمل يتعدى 20 ألف بالراحة. تخصص المالية Finance مهم جدا , وقوي ووظائفه في البنوك ممتازة , وممكن الشخص يكمل بعد التخصص بحصوله على شهادات معينه ضمن لاتخصص أعتقد اسمها CFA ويصير مطلوب حتى خارج المملكة (عدد الأشخاص الموجودين في المملكة واللي عندهم هذي الشهادة جدا محدود بحيث إنهم ممكن ينعدون على الأصابع من ندرتهم ) , وعموما أتوقع أن خريج Finance فاهم واشتغل مضبوما على نفسه وطور إمكانياته ممكن أنه يطير في عالم البنوك من ناحية المنصب ومن ناحية الراتب لأن البلد فيها عجز كبير جدا في موظفي البنوك السعوديين المؤهلين , وفيه دراسات تؤكد أنه في أقل من 4 سنوات رواتب موظفي البنوك السعوديين سوف تتضاعف لارتفاع الطلب عليهم وقلة عدد المؤهلين منهم , تسألوني عن الرواتب , ممكن اقول والله أعلم انه خريج المالية المتوسط الكفاءة ممكن يحصل على راتب لا يقل عن 12 الف شهريا من اول مربوط , وممكن يوصل الراتب لحدود ال18 في حدود 3 سنوات وممكن يطير بعدها إلى أرقام اكبر بكثير إذا أثبت نجاحه . تخصص MIS هو تخصصي , وحقيقة عليه طلب ممتاز ولكنه للاسف من التخصصات الغير مفهومة في بلدنا بالإضافة إلى العدد الكبير للخريجين. خريج MIS ممكن يشتغل في الوظائف التالية : مبرمج محلل نظم مسؤول شبكات تسويق تطوير مواقع إلكترونية اي وظيفة تتعلق بالتجارة الإلكترونية البنوك تطلب MIS بكثرة وممكن يشتغلون في وظائف بعيدة عن تخصصاتهم بكل سهولة لأن خلفيتهم المتعلقة بالأعمال قوية ومماثلة للتخصصات الأخرى تقريبا. خريج MIS إذا اشتغل marketing يبدع , الله اعلم ايش السبب بس اتوقع ان تفكيره تحليلي وقراراته أدق يميز خريج MIS انه (بتاع كلو) يعني ممكن يشغل اي وظيف وينجح فيها بشوية تدريب , وهذا الشي تحبه الشركات وتحرص عليه. تخصص المحاسبة ممتاز للي يحب المحاسبة , بس لازم المحاسب يطور نفسه بعد التخرج باستمرار وياليت جماعة المحاسبة يسولفون لنا شوي. أختم كلامي بقصة حقيقية صارت لي وهي انه كان لي زميل ما شاء الله مرتبة شرف في الهندسة الكهربائية , وكنت معاه في الهندسة. انا قررت اغير تخصصي وهو كمّل , وكان دايما يعلّق على قراري , ويلمح لي انه قرار خاطئ. تخرج زميلي وتوظف في ارامكو وطلع ماجستير , ورجع من امريكا وأنا توني متخرج. بعد سنة , صار منصبي وراتبي أعلى منه بفارق 3 آلاف ريال سعودي , وعملي جدا ممتع , ومطلوب في كل المدن السعودية وحتى في خارج المملكة, وأذكر بكل وضوح هاذيك اللحظة اللي قال لي فيها : يا ليتني درست إدارة , والله السوق لكم , والطلب كله عليكم , ووظائفكم ما شاء الله ممتعه ومتنوعة. الهندسة ممتازة للي يحبها , اما اللي يحب العمل في مجال ال business فانصحه بالإدارة أو بتخصص هندسة النظم لانه جدا مطلوب في مجال البزنس , وكثير من خريجي هندسة النظم صارو مدراء كبار في الشركات وحتى البنوك. القرار النهائي لك والله يوفقك لما يعلم الخير فيه.
سلام عليكم تشكر وتسلم يا طلاب بلا حدود أعجبتني قصتك جدا ، و انا كمان ليا قصة تانيه تؤيد قصتك بس انا لسه في بداية القصة وهيا لم تكمل بعد انا الأن طالب فرشمن يعني لسه في البدايه مني عارف شي عن التخصصات لا هندسة لا إدارة و لا أعرف شي عن النظم ، في الواقع انا كنت حاط قدامي تخصص هندسة ميكانيكية من بداية سنة الأورية الى يوم الأربعاء الي قبل إسبوع الدراسة الفعي 9 / 9 / 2006 م ، الي حصل انو الوالد الله يحفظو ا كان ينصحني في دخول قسم الإدارة وخاصة المحاسبة أو المالية لمدة 3 أسابيع الى اني جلست أفكر كتير مرررره مررره كتير في مستقبلي وين حيكون ؟ كيف حيكون ؟ مع مين حيكون ؟ وفكرت في الراتب وسويت بعض البحوث عن التخصصوصات الإدارية و أستخرت ربي وفعلا وجدت انو لازم أغير التخصوص فورا وشعرت براحه نفسية بعد الإستخارة فسافرت فورا اليوم التالي للإستخارة الى الدمام أقصد الجامعة علشان أغير التخصوص و الحمد لله انا دحين أحس اني فعلت الصواب ولكن عندي مشكله واحده اني محتار بين المحاسبة والتسويق والمالية انا الأن مرتاح في سنة الفرشمن لأني في قسم الإدارة وبدي أنصح كل طالب أورية يفكر ويبحث في موضوع التخصوص ولا ينسى يستخير الله ويدعي ربنا كتير وكمان الصلاة الصلاة الصلاة على العموم الموضوع كان جدا جميل ويعطيك العافية يا طلاب بلا حدود سلامي لكم
سلام عليكم حبيت أسالك ياطلاب بلا حدود بالنسبه لتخصص إدارة الأعمال أو زي مايقولوا ( إدارة صناعيه) كيف سوقه بره ماشي ؟؟
بسم الله موضوع جميل صراحة الله يعطيك العافية أخوي طلاب بلا حدود مع إني تخصصي كهربة وسنة رابعة إلا إني استفدت من الموضوع طبعا زي ما ذكرت أخوي أهم شي إن وظيفتك تكون ممتعة ومرتاحة وراتب معقول مع إن ما شاء الله رواتب طلاب الإدارة عالية لكن يبقى الميول ومجال العمل هو العامل الرئيسي في اختيار التخصص شاكر لك أخوي
سوق الوظايف زايد هاليومين على الـ Mis اللي لا يزال في هذا التخصص لا يحوّل .. اذا همّه الوظيفة. اما سوق التسويق لا زال للسنة الثالثة عى التوالي في انتعاش. المحاسبة و الإدارة المالية لك عليها هاليومين..
في الحقيقة أنا كتبت هذا الموضوع كرد في إحدى المواضيع وأشكر زميلي المشرف الذي حوله الى موضوع رغم أنني لم أكتشف ذلك الا اليوم. أعدكم بموضوع ذو تفاصيل أدق بإذن الله .
يعطيك العافية اخوي بس المشكلة ان الطالب يفكر إن الهندسة والادارة مثل القسم الطبيعي والقسم الشرعي في الثانوية وهذا يجعل الطالب يخالف ارادته ويتبع هوى الناس
مشكـور أخــوي على هالموضوع .. أووريا قــاط عندكــم <+======<< موضوعكـ جـداً رائع وأنا حبيت كلية الإدارة .. وأشووف إنها أفضل من الهنـدسة بالنسبة لي .. بس المشكـلة نظـرت الناس لها والأهـل .. يقولون لو كنت تبي الإدارة أدرس بأي جامعة ثانيـة لإنهم وعلى حسب كلامهم إن جامعة البترول قوية في الهنـدسة وأما الكليات الثانية فهي بمستوى الجامعات الثانيـة ؟؟؟؟؟؟؟؟ فهـل هذا الكـلام صحيح ؟؟ من ناحـية أبي أسئلكـم الحين وش قصة الدبل ميجـر ؟؟ يعني أقدر أدرس تخصصين مع بعض ؟؟ وأطلـع بشهادة وحدهـ ؟؟ ومشكـور مرهـ ثانية على هالتخصص لا أحـد يقول لي خلص الأوريا وتعال ههههههههههههه بإنتظـار ردودكـم ..
يا شباب سمعت من كبار الموظفين ان اكثر تخصص مطلوب في السعوديه هو المحاسبه والجرايد اعتقد هي الدليل ومره في حوار مع مدير وزارة التعليم العالي يقول اكثر تخصص مطلوب في سوق العمل هو المحاسبه والحاسب ومشكور اخوي على الموضوع