ندمت اني دخلت البترول

هذا الشي صحيح يا اخوي .. بس صدقني ما راح تندم على هذا الشي ... و لمن تتخرج راح تعرف وش قيمة الجامعه و تقول الحمدلله اني دخلتها ...

 

أخوي civic على حق ... وزي ما يقولون كل بداية صعبة ..اجتهد واترك عنك هالكلام

 

مافي احد في الدنيا وصل مكانه عاليه الا بعد تعب تبي ترتاح ما راح تحصل شي في الدنيا

 

اذا ما تعبت على نفسك و انت في شبابك

بتتعب ..... و انت كبير

 

اقول متى بتسحبون.............
اخوياي محتاجين غرف <<< خخخخ

امزح بس ما شاء الله الأوريات ذي السنة كثييييييييييييييييييييييييييير....

 

انا تراي كنت مثلك لكن انت اجتهد واتعب وبتحمد ربك انك دخلتها عند التخرج
وانت شف اذا تخرجت انت وينك فيه وذولي الي تعرفهم شف وينهم فيه
طالب البترول الشركات يطلبونه من السنة الثالثة
والجامعات الثانية الواحد يتخرج ومعدل فوق 4.3 وهو يروح يطاردهم
فخلك هنا افيدلك تقوي تعليمك والي ماتفهمه اسال الناس الي اكبر منك في الجامعة
وتعوذ من ابليس لاتخليه يوسوس عليك

 

أفكار راودتني في أول شهرين ليا في الجامعة و اكتشفت أنها مجرد أوهام و تخيلات مش أكثر .

 

ياعمي ادرس كلنا نقول كذا وبعدين ننجح واللي ماشد حيله يصقط في ماده ولا مادتين بعدين ينجبر على الدراسه


وبالتوفيق

 

تكفووووووووووووون لا تستعجلون

اصبروا شوي وراح يمشي حالكم بإذن الله

 

ما أزيد على كلام الإخوان شيء

لكن والله إني حسيت بنفس الشعور هذا في الأسابيع الأولى إلى درجة إني أيقنت أنه أغبى قرار اتخذته في حياتي يوم اني دخلت البترول


لكن بعد مرور الوقت صرت احمد ربي على هالنعمه

ترى والله طلاب البترول محسودين على كل شيء

ابعد عنك هالوساوس وشد حيلك وراح تدعي لي ان شاء الله !!!!!!!!​

 

شي طبيعي تحس كذا
تخيل انك تدرس 12 سنه بلغه وفي يوم وليله تدرس بلغه ثانيه !!

شي طبيعي وكل شي في بدايته يخوف ويستصعب <<< جاه شد في برطمه وهو يقولها خخخخ

بس الامور تمشي باذن لله "" اذا كنت شاد حيلك و جاي وحاط في بالك تدرس "" اما اذا جاي للجامعه على شان تلعب فــ ... الله يعينك

 

على كل حال تذكر "ما أحد غصبك على دخول جامعة البترول أقوى جامعة في الشرق الأوسط" وإنما كان با اختيارك أنت فلا بد من العزيمة والاصرار والتصميم على الجد والاجتهاد فيه،،،، وإلا أنت لست مظطر للبقاء فيها

 

يابن الحلال

لاتشيل هم دايم ماتكون البدايات صعبة

ثم تتيسر باذن الله متى ماذاكرت وشديت حيلك

 

KFUPM عشقي و الله قلتها p:


حبيبي الجامعة كدا



صحيح اول سنة صعبة


بس اول ما تعديها راح تحس بطعمهاااااااااا


سهلها


فاكر اول ما دخلت الثانوي كيف كان شعورك


ازا كانت اول سنة بتصير عائق بدل ما تسيب الجامعة تعداها

 

انا من الناس اللي اؤمن باني اضعت على الاقل 10 سنوات من عمري في التعليم على الفاضي

وان شاء الله عيالي ما راح ادرسهم الا في مدارس عالمية

لانه تعليمنا فاشل



وبالنسبه للجامعة
من جد وجد ومن زرع حصد<<<<< احد الفوائد القليلة اللي اخذناها من التعليم

 

فقط , أعطي لنفسك فرصة !

 

ما أزود على اخوي المنتظر فرصتة عط نفسك فرصة وخذ الترم الاول وربي ان الجامهة فلة ودراسة بنفس الوقت المنتظر انا وراك وراك يا stup انت كمل الريوقيلر

 

لاتستعجل ان بالبدايه زيك حيست اني متحطم وفكرت اني اكيد راح اسحب بعد اول ترم هذا بالاسبوع الاول وقلت هذا اغبى قرار اتخذته اني دخلت البترول لاكن ذحين بعد ثالث اسبوع بديت اتعود شوي شوي وانشا الله ربك ييسرها لاني عندي صعوبه شديده بفهم الانجليش فكنت احس اني لادخلت الكلاس اخرج ومافهمت ولا كلمه
وذحين احس في تحسن شوي شوي وربك يساعد انشا الله

 

ترى الحين لساتك بالسهل يعني الاوريا هي اسهل مرحله بالذات البداية لانها كلها اي بي سي والاصعب 002 راح تتعب الاوريا مع انها سهله الا ان اكبر تسرب منها
المهم في الجامعه هذه كل مرحلة راح تكون اصعب من المرحلة اللي قبلها اذا راح تحس انك راح تمشي في الجامعه ولا لا تضيع وقتك اعرف طلاب معنا من دفعه 2000 ولساتهم ما تخرجوا يعني ليهم 8 سنوات ونص اكبر تسرب راح يكون من الاوريا يمكن نص الدفعه
اهم شئ قبل ما تتخذ اي قرار لازم تفكر ان الاستمرار في الجامعه تحدي هل انت قد التحدي هذا ؟ ولا لا تضيع وقتك وجهدك هنا لانك ما ودك لما تتخرج مع ناس اصغر منك بثلاث سنوات او اربع هذا اذا قدرت تتخرج اصلا

بالنسبة للي يقول الشركات ما تبي الا طلاب البترول ترى طلاب الملك سعود يقولون نفس الشئ عن جامعتهم والحقيقة ان الشركات ما تفرق بين الطلاب وجامعه الملك سعود تهتم بالطلاب وحاطه لهم محامين مجانا واحد اصدقائي في جامعه الملك سعود ذكر لي انهم فصلوا دكتور في الجامعه لسبب انه رسب احد الطلاب ظلما

انا باقي لي سنة واتخرج ولو رجعت للزمن للخلف كنت اخترت جامعه الملك سعود ولما اتخرج منها اروح لبعثة لامريكا لاني ما شفت شئ من السمعه اللي العالم يتكلمون فيها وعلى الاقل اكون عند الاهل

اذا كانت ما عندك مشكلة تكون بعيد عن الاهل استمر لنهاية السمستر وشف درجاتك كيف بالذات في الرياضيات والفيزياء اذا كانت طيبة استمر ولا فكر في ترك الجامعه ولا تهمك قصة البترول احسن جامعه عربية انا درست في جامعه الملك سعود زائر وكان تعامل الدكاترة افضل من هنا بكثييير ومتساعدين اكثر

وترى الهندسة راح تكون صعبه في اي مكان وليس هنا فقط

وانا عندي تعليق على قصة احسن جامعه عربية السنة الماضية كانت الجامعه برى التصنيف وفي سنة وحده قفزت كل هذه المراكز من دون تغير في اعضاء التدريس ولا البرامج ولا شئ

جامعتنا تهتم بالشكليات وبالذات بالتصنيفات هذه اكثر من الاهتمام بالحاجات الاكاديمية وترى جامعه الملك سعود
قفزت في احد التصنيفات 2000 نقطة من دون ما تسوي تغير ما عدا الموقع

والتصنيفات اللي تاتي من مواقع الكترونية ليست بالضرورة تعكس مستوى الجامعه من ناحية التعليم

وفي الاخير اقولك بما انك اجتزت رام 1 ورام 2 فانت مؤهل للنجاح في الجامعه



وهذا راي الشخصي