نصائحكم بخصوص السكن في الجامعة

انا قبل فترة كنت ساكن بالجامعه .. طبعا من الدمام ..

الصراحه :
1- اذا بتستحمل تجلس بالجامعه .. وماتتخوف يجون ادارة الاسكان لك اذا سحبت ع السكن ..
2- واذا بتستحمل توقف كل يوم عند السكن .. وتركب الباص وممكن ينزلك مكان بعيد ( ابعد من المواقف لغير الساكنين ) ..

فكر في هالأمرين وشف الي يناسبك

 

قصدي ان اغلب الطلاب الي بيتهم قريب غالبا دايم يوميا يروحون ويجون بيتهم حتى لو ساكنين .. ( هذي النقطه مخالفة ) ..

 

الإشكال انك تغيب عن الغرفة لثلاثة أيام متواصلة. لو انك تروح وتجي كل يوم ما فيه أي مشكلة

 

نصيحة لك أسكن وابحث عن رومميت جيد يعينك على طاعة الله ودراستك
أجمل أيامي يوم سكنت بالجامعة ولازلت أسكن
تفرغ تام للمذاكرة - استغلال للوقت - وإذا عندك مجموعة طيبة ممكن تلتقون في اوقات معينة في الأسبوع لشرب القهوة في أحد الغرف

الجو جدا ممتاز أنصح به وبقوه

 

ما يحتاج تسكن في الجامعة اذا انت ساكن في الخبر وقريب منها الا في حالة انك تبغى تطلع قبل موعد المحاضرة بعشر دقائق وتوصلها بدري

 

جيراننا بالسكن من هل الخبر مايجون الغرفة الا ايام المياجر والفاينلات , محد درى عنك جيت غرفتكك ولا سحبت عليها .

 

كطالب من أهل الدمام و جرّب السكن في الجامعة ، أنصحك أول تمر على دورات المياه قبل ما تتخذ قرارك بالسكن

ترا ما فيه مثل البيت

الأداء الدراسي اعتقد لو الوقت ذا بتكون في المكتبة أو في الجبل راح يغنيك عن الغرفة

 

^^^^^
أتفق معك 100 ب 100

 

نصيحة جرب السكن سمستر بعدين احكم بنفسك

 

وش خسرانين
خذ سكن دامه متوفر اذا تبيه كمل اذا ما تبيه اطلع
سهله السالفه ما يبيلها شي

 

التجربة ستبين لك الكثير .. و لن تخسر شيء ..

 

اذا كانت عندك البيئة مناسبة فالبيت للمذاكرة فانصحك ما تفكر فالسكن بالجامعة , و اذا كانت غير مناسبة فحاول تخليها مناسبة و لا تسكن فالجامعة

البيت افضل بكثير من الكامبس من اغلب النواحي خصوصا لو كان بيتك فالدوحة او الدانة فانت محظوظ

هذا رأيي و لكن ما يمنع انك تجرب تسكن فالجامعة واذا ما اعجبك الوضع سلم الغرفة

 

كأحد أبناء مدينة الدمام ومرت علي نفس هذه الأفكار نصيحتي لك إذا أنت اتشوف أن المذاكرة بالجامعة أفضل وأكثر تركيزاً من البيت فحاول إنك تذاكر بالمكتبة العامة أو في أحد المباني الأكاديمية بالنسبة لأخير مفتوحة 24 ساعة وأوفر لك من إنك تدفع 600 ريال رسوم + 300 تأمين بس لو أنت بنفسك أتشوف أن الدراسة بالغرفة أحسن لك فجرب فمانت خسران شيء.

 

جرب السكن يمكن يصلح لك