نصائح بخصوص التدرب على الأسئلة قبل الاختبار ،،،

السلام عليكم

لأني حسيت إن في شباب تدربهم على الأسئلة ( وخصوصا الماث ) مو ذاك الزود ،،

وبما أني شايب، بقولكم طريقتي الشخصية اللي كنت أسويها يوم كنت صغير :

المتطلبات : اختبار اختيار من متعدد ( زي الماث ) + أولد اكزام + أوراق تحل فيها + أي شي تغطي فيه ورق الأسئلة ( لو على لابتوب أو أيباد ما تحتاج الشي هذا )

نبدأ بالشرح :

خل نقول في أولد اكزامين، واحد نسميه اختبار 1 ،، والثاني اختبار 2 ،، حلو ؟

1 - تجي تحل أولد اكزام ( نسميه اختبار 1 ) بدون ما تشوف الاختيارات ( تغطيها بالشي اللي عندك بحيث يظهر السؤال فقط )

و2 - تكتب الإجابات في أوراق الحل عندك، وتمشي بدون ما تشيك عليها، بعدين 3 - تراجع وتشوف الأسئلة اللي أخطيت فيها ( حتى لو في طريقة الحل بس )

بالنسبة للأسئلة الغلط 4 - تشوف الحل حقها بس بدون ما تعيد حلها !! ،، و 5 - تترك الاختبار 1 على جمب

حلو

الحين تنتقل للاختبار 2 ، وتسوي نفس الطريقة ، تسجل أرقام الأسئلة الغلط على ورقة، بعدين تشوف الحلول للأجوبة الغلط بدون ما تعيد حلها !!، ثم تترك الاختبار 2

ترجع تعيد اختبار 1 من السؤال الأول إلى الأخير - وليس فقط الأسئلة الغلط - ، ثم تكتب أرقام الاجابات الغلط مرة أخرى لو وجدت، و 6 - تحط اكس كبيرة على السؤال اللي اخطيت فيه في اكثر من لفة

...... وهكذا ،، 7 - حتى تحل الأولد اكزام كله من أوله لآخره بشكل صحيح في جلسة واحدة

وآخر شي تسويه إنك 8 - قبل ما تخش الميجر تحل الأسئلة اللي عليها اكس كبيرة

وفالك الفل مارك



وش فائدة الطريقة هذي ؟

في أشياء يسووها الشباب بدون ما يدركونها، تسهل عليهم الوصول إلى الحل، غش ذاتي يعني

من هذه العادات السيئة :

1 - حل الأسئلة مقسمة على السكاشن

كونك تعرف السؤال ينتمي لأي سكشن لحاله يخليك تعرف الجواب بشكل سريع !!

وهذا الشي مو موجود في الاختبار الحقيقي

2 -معرفة الاختيارات قبل الحل

هذي تخليك تعرف شكل الجواب، وهو شي المفروض تسويه فقط بالاختبار الحقيقي، لأنك لو سويتها في البيت رح تسهل على نفسك كثير، والتدريب لازم يكون أصعب من الاختبار، لأن التدرب متفوق بالراحة النفسية والوقت المفتوح

3 - تصحيح الأخطاء مباشرة بالنظر للحل

هذا غلط فظيع جدا إياك تسويه، لازم تحاول تحل بنفسك، لو ما قدرت، تشوف الحل كامل، ثم تترك السؤال وترجع تحله بعد ما تنسى الحل حقه


هذه الطريقة مو بس في الماث، أكثر مادة تحتاج فيها شي زي كذا هي الفزيكيس 101، عاد هذي لما تكبرون وتعدون الماث إن شاء الله