نصايحكم لا عدمناكم ..

وعليكم السلام

اتوقع واكاد اجزم ان سبب التسويف والاهمال الي انت فيه الان ناتج عن انك كنت ضاغط نفسك من بداية السمستر وناسي ان لنفسك عليك حق ، اذكر بالاوريا كنت اكل الكتاب اكل وما اشيل وجهي من الكتاب وفي النهاية درجاتي زي وجهي ، ونصحني واحد الله يجزاه خير وقالي ( لنفسك عليك حق ) ومن يومها ولله الحمد ودرجاتي من احسن لاحسن وما يمر علي يوم الا وانا مستعد للدراسة


الشاهد من الكلام ذا كله ان ترا الشغلة مو كلها دراسة وبس عادي اطلع وفلها وانبسط بس وقت الجد جد ولا تهلك نفسك زيادة عن اللزوم لانك منت الة

اتمنى اكون افدتك

 

أوافقك تماما , واحب ازيد و اقول من بعد ما تقرأ ردي اجلس و فكر باللي فاتك و ايش الاشياء اللي اثرت عليك . ثم امسك ورقة و قلم و حط الفترة المتبقية عالفاينلات على شكل جدول او فترات ووزع مهامك و الاشياء اللي بتنجزها قبل نهاية الترم و تابع معها اول بأول مع الأخذ بعين الاعتبار استدراك ما فاتك سواء من الجانب الأكاديمي أو غيره

الله يوفقنا وياك لكل خير

 

ومين ما يعاني من التسويف !

لكن من أفضل الطرق اللي مرت علي , اني احط خطة بداية اليوم , باخلص كذا وكذا بعد الظهر وكذا وكذا بعد العصر والمغرب كذا

وأحط بين كل حاجتين نص ساعة راحة , واحط وقت للخرجة ولتغيير الجو ,,


هذي الطريقة مفيدة جدا , كمان لما تجي تذاكر او تنجز الشيء اللي حاطه لنفسك وجا ببالك تفتح الجوال او تلتهي باليوتيوب او اي شيء ذكّر نفسك انك حاط وقت للعب والتسلية بعد نص ساعة او ساعة , وهذا يشجعك انك تترك السناب والانستقرام والواتس وغيرها الين النص ساعة هذي اللي حاطها

وفق الله الجميع

 

هذي مشكلة كثير يعاني منها. وتصير مشكلة اذا صارت على ايام الفاينلات او المياجر.
لأن الوقت مهم في هذي الأيام.

أفضل شيء انك تسوي جدول بالاشياء الي تسويها الايام الجاية الى الفاينلات.

ايضا لما تذاكر ابتعد عن اللاب توب او الجوال.