نطالب بإقالة إدارة الصيانة والتشغيل !

وادارة الامن والسلامه اللي تستمع في وضع المخالفه تلو المخالفه وماعنده مشكله لو رص
لك عشره فواتير على قزاز السياره .. حسبنا الله ونعم الوكيل .

 

نطالب بأقالة ادارة الامن والسلامة
ياناس مافيه مواقف وين يبون الواحد يوقف

ما اقول الا الله لايبارك لهم في سرقتهم

 

الجامعه كلها فشل في فشل
حبكت على ذي؟

 

اللهم انت الله لا اله الا انت ... اذا كان انقطاع الماء حادثة غير مقصودة ... فهذا قضاؤك و قدرك ... اما ان كان الانقطاع بسبب الاهمال من اي ادارة بالجامعة فاللهم اجعل ما اصابنا في مثل هذا اليوم في اهليهم ... و لا توفقهم ابد الابدين ..

و الحمد لله على كل حال .

 

المشكلة إدارة الصيانة يتوقعون إننا نبالغ و إننا نتشرط على الفاضي,,

و الله لو هي إدارة زي العالم و الناس كان فيه صيانة دورية لدوارة المياه أكرمكم الله

كان سوو صيانة دورية لأنابيب المياه من الخزان إلى سكن الطلاب, أقل شي يمنعون التهريب,,

لكن حسبنا الله ونعم الوكيل,,

و كل ماكلمتهم أبي مدير الصيانة يصرفون,,

أبي رقم الطلب برضه يصرفون,,

أبي اسم الموظف برضه يصرفووون

ياناس قولوا مانبي نشتغل وبسسس

و الله أجيب سباك من برا أصرف لي و أصرف للعمارة كلها,,

 

تم التصويــــــــــــــــت

واتمنى ان لا تمر هذه الحادثة مرور الكرام

 

كآآآن الله في عونكم

قديمآ كنت آكتب وآستصرخ .. ولم يتغير شي !

وآ صيآنتآه

الله يكون في عونكم يارب ...

 

إدارة الصيانة تحتاج الى صيانة​

وعلى نكبات إدارة الصيانة..............................نلتقي​

 

حسبنا الله ونعم الوكيل



:: عزووز ::

 

ياخي بأي حق وانت مانت ملم بكل جوانب الامور بهالشأن انك تطالب "يعني وكأنه بيتنفذ يعني خخخخخخ" بإقالة ولا عدم أهلية أحد معين ... طيب الله يهديكم الله اذا ما تثقوا في هذا فثقوابالي وكله علينا في أمور الصيانة وغيرها (الدكتور خالد السطان) وانه ما وضع هناك الا انه ما أحد اجدر منه بهالعمل حتى الان... .
يا جماعة الخير هذي يسموها ...الارض"الدنيا" ....الجنة فوووووووووووووق... انشاء الله نتقابل وياكم هناك...يعني اذا كنت تتوقع كل شي بيمشي على هواك او كما يفترض بالتمام ما صرت عايش في دنيا او جامعة كانوا سموها جنة....يعني انفقعت ماسورة وصارت تشرشر موية لقيناموضوع "ليش الصيانة ما تقوم بعملها"واحد حكته راسه تلقاه كتب موضع "وآخرتها مع الموية المالحة"...واحد حاط لي خاتم ولا شي شي ونسيه في الحمام...ولا ذيك الجزيمة الايطالي الي تتليمع بجلد أصلي برا وتنسرق يقوم يكتبلك"وش فايدة أمن الجامعة ذي" ... سلامات ياخوي وين حنا بمدينة أفلاطون الفاضلة....يا خي في واقع وفي خيال ...اختار وين تبي تعيش ... تعيش واقعك تسعد بيه.. تعيش خيالك بتصير ناقم على الواقع <<<ووالله زي ما أشوف كثير من الشباب.. .

 

ما شاء الله الحين صار لي أمثال لا ومنظرين بعد هههههههه...يالله الله يستر خلينا نشوف الباقي...

الحمد لله ما اختلفنا بهذي...

ياسلام عليك حتى الآن...

ياخي اقرأ الرد مرة ثانية اذا ما فهمت "ولا أنا ما ادري" ولكن اذا تقول وبكل فخر واعتزاز وراسك مرفوع>>>

طيب كل الي انا قلته اذا انك تثق فيه اذا ثق بأنه نفسه الدكتور أو "قائد البترول"خالد السلطان ما أختارلنا الا الاحسن والاجدر و ما جاب واحد ما يدري عن عملة شي وجعله مسئول عن شي مهم زي كذا...

هذي مرررة مالها داعي...

ما شاء الله..."اذا اطالب بطرد...وفلان لا يعلم اي شي....هناك فساد وفشل(طبعا بدون أي أدلة والمشكلة مو عارف قوة الكلام الي يقوله)...وغير كفوؤين(وانا والله حاسس حتى انك ما قد تكلمت معه ولا عرفت شكله حتى واتهمته)"<<<لا لا ما شاء الله نعم الاخلاق.

بس يا شاعر...خخخخ.. لا بس يحصل أنا اتفق معاك في هذه...

طيب وش قلنا حنا مافي كل شي بيرفكت مو كل شي يمشي على هواك...وفي نهاية الامر كل شي يتصلح هذا اهم شي...

طيب روح واصنعلنا مادة احسن في صنع المواصير مستحيل تصدئ ولا تنكسر لا ودايما نظيف كمان ما يحتاج احد ينظفه يكون احسن ممكن تستخدمها الجامعة .... تسوي في امتنا خير.

طيب خلينا نشوف كيف يسروا على الطالب...امة محمد كله غليت بس كل مستلزمات الطالب الي يحتاجها مازالت نفس السعر "مطعم الجامعة ...وغيرة" انا جيت الجامعة قبل اربع سنوات واذكر كأنك دخلت ديرة ما كأنك دخلت جامعة...من ذاك الوقت الى الحين خلينا نشوف "فتحت العماير الجديدة المرحلة الاولى قبل ثلاث سنوات وبدأو المرحلة الثانية وأنهوها اذا ما أنا مخطئ قبل سنة ونص او سنة ..والحين في المرحلة الثالثة...خط الحزام كان كله حفر ومطبات ووسعوه وزفلتوه من جديد....مبنى الاوريا الجديد فتح "من افخم المباني في الجامعة" ...فتحوا مبنى 59 للكهرباء ووخففوا الازدحام في الجبل...وفروا باصات كثيرة ونظيفة يوم أذكر مافي غير ثلاث أو اربع باصات هم دايما الي نشوفهم...الطلاب اشتكو من المواقف في الجبل ففتحوا لهم مواقف كبيرة ووافية جدا في الجبل "ارض كبيرة جدا سفلتت وخططت ومن أحلى ما يكون"...امتلكت الجامعة في خلال هذي الفترة لقب احد افضل اربعمئة جامعة في العالم... ومن اول الكتب مجانية....سكن "بالمستوى هذا ما بتلقى ارخص منه في المملكة"..............كيف من سيء لأسوء وكل الي أشوفه ما صنع الا تسير للطالب.
وعشان خريجين التسعينات يعني كلامهم صحيح ...ما ادري ممكن معاهم حق زي ما قلت لك لما جينا الجامعة قبل اربع سنوات غير عن الحين...انت جالس تعاصر هالتيسير كله عكسهم فما تقدر تأخذ بآرائهم الحين عن الجامعة دون ما يشوفوها من جديد...

جالسه تصرف عليك...راجعتلك كلها في النهاية...

 

أأيدك يا ابو شموخ

 

كنت ابغى اشارك من قبل لكن كنت ابتأكد من ادرة الشؤون الفنية ايش يتبع لها من ادارات خدماتيه بالجامعة

ومن خلال نافذة فلاش بالجريدة الجامعية

وجدت ان ادارة الشؤون الفنية يندرج تحتها الادرات التالية

1- الصيانة

2- المشاريع

3- الاسكان والخدمات المكتبية

4- مركز المجتمع والمراكز الرياضية

5- الامن والسلامة

6- مطابع الجامعة

7- تقنيات التعليم

ويقوم الدكتور سامي خياط بالاشراف على ادارة الشؤون الفنية

وبصراحة بعد النظر في هذه الادرات وجدت انها من افشل الادرات بالجامعة كل الخدمات اللي

يشتكي منها الطالب تندرج تحت هذه الادراة .. فهل يكون الحل البحث عن مدرب جديد..؟ قد يكون !!