نظام الدخول إلى العمائر .. قرارات ارتجالية أم نظام دقيق ؟!!

والله هزلت من جد

يعني بالله ليه القرار هذا من 11 -1 أو من 12-1 (حسب الروايات المختلفة ) ما يقدر الطالب يدخل سيارته داخل السكن ؟؟؟؟
إش صار يعني لو دخلها في هذا الوقت ؟؟؟

سؤال يحتاج إجابة من مسؤولي الأمن ..

ثانيا : أتفق معاك على إن بعضهم يتخذ قرارت ارتجالية ، أول أيام الصيانة عند البوابة كنت أشوف بعض الطلاب يكلموا رجل الأمن ويدخلهم ويوم جيت مع التاكسي معي أغراض أبغى أدخل طلع لي واحد قال لي ممنوع ، طيب فيه سيارة دخلت قبل شوي ، على طول جا رجل أمن ثاني وقام يرفع صوته هذا النظام ومدري إيش ما فيه دخول روح قبل لا أعطي صاحب التكسي المسكين مخالفة بسببك عشانك موقفه في مكان غلط ، والله لو أني صاحي السيارة لا أدخل وغصبا عنه ويصير اللي يصير - تمنيت إني كنت صاحب السيارة في ذاك الوقت ، إش البلاهة هذي تدخل سيارة قدامك ويجيك واحد ويقل لك ممنوع ويجي الثاني يرفع صوته ومسوي فيها ..

أتمنى نلقى تفاعل مع إدارة الأمن ..

 

أصلا البوابة دي ما أدري ايش فايدتها!

محوطة عماير و عماير لا

الله يذكر ايام المنفى بخير

 

انا من زمان وانا افكر في سبب لهذا الشي..
فطلعت بأسباب لكن ما اقتنعت فيها 100%

لو نقول من 12 لى 1 ممنوع...

ممكن يكون فترة بريك لهم؟؟ <<مع انها مستبعدة لموظفين الامن لان ماعندهم بريكات


طيب لو قلنا من 12 ممنوع.. ليش بعضهم يمنعو من الساعه 11 ونص او قبل.... هل بسبب الصلاة؟؟؟
<< يعني عذر لهم.. والله ممكن

طيب خلينا نقول ان موظفين البوابة غير الموظفين حقين الامن الباقين اللي دوامهم شفتات.. هل يعتبرو مختلفين؟
<<مع اني اشوفهم زي بعض


ننتظر الجواب...

والله يعين الموظف اللي ماسك يوزر الامن والسلامة..
كل شوية ونحنا نطلب منه توضيح ولايلومنا..
لاننا نعاني من اشياء كتير في الجامعه ونبغى تفسيرات منطقية لما نعانيه
وزي مايقولو
((اذا عرف السبب بطل العجب))

والله يعطيهم العافية مقدما

 

طيب انا شايف انها قرارات ارتجاليه وبس لانه قبل اسبوعين شحنت سيارتي من جده للشرقيه ومن جد كانت السياره مليانه اغراض وانا اقصد انها فل وكان من بينها دولاب
المهم دخلت عند البوابه كان تعاملو كويس وقلتله من سابق خبرتي مسموح بس ربع ساعه قالي بعدها على طول مخالفه قلته والله ما اقدر الاغراض كثير قلتله تكفى قالي خلاص خد الوقت اللي يعجبك
وهذا يدل على طيبة الناس اللي هناك وفيه كثير مواقف حصلتلي من ناحيه تهديدات من بعض الطلاب وبالعكس الامن ما قصر ما راح دور عليهم ولا شي مع انو ارقام اللوح موجوده بس ما اقول اللهم استعان

 

انا مريت بنفس الحالة .. وطلع لي واحد قال ان السبب .. بعض الطلاب يستغل هالفترة ويدخل

عشان يروح المطعم ويوقف سيارته قدام المطعم .. !!

مو لهالدرجة يستخف بي ويتعلل بالمطعم .. شكله يحسبني اوريا ​

 

كونه يدخل واحد شفته أنت ويجي يرفض يدخلك هذي قمة قلة الأدب ..

 

السبب كما فهمت أنه وقت فترة الغداء بمطعم الجامعة ، وما يبغوا الطلاب يستغلوها بالذهاب لمواقف المطعم الداخلية !

مع ذلك اللي يسووه غير سليم ، خصوصًا تهجّم أحدهم علي قبل سنتين يوم كنت عامل عملية ومضطر أشيل شنطتي

قالولي لو معوّق وعلى كرسي ما دخلناه !

 

و الله كلام عين الصواب يا ابوو عزوز .. ياليت الامن يوضح هذا الشي ... في اقرب وقت

 

مشكلة يبيلها حل عاااااااااجل

 

ابوعزوووز ياليت تحسن الظن بالموظف بخصوص خويك اللي شفته داخل بالسيارة ..

يمكن انه ماخش من البوابة .. يمكن داخل من الترددي على قولتهم " اقصد مدخل الباصات اللي من عند المطعم ..


وعلى طاري الترددي يمدحونه يوم الربوع

 

والله الحل معهم بسيط واحد يوقف سيبارته عند البوابة ولا يحركها ......

 

بغض النظر عما حصل


ومن واقع عملي معهم لأكثر من ثلاثة فصول دراسيه


نمنع الدخول للسكن من الساعة 12 أو قبلها بعشر دقائق ........ كي لا يتبقى أحدهم بعد 12 ........فقط ...... وهي الساعة الوحيدة المحظورة في اليوم


الغريب أن مدة المكوث تقلصت من ساعة كامله إلى 15 دقيقة دونما أي إعلان عن المبررات أوحتى إعلان للإعلام فقط !

 

سين جواب:

انت مب تقول انك طلقت الأكسنت؟

وشلون رجعت لها؟

هل هو طلاق رجعي ؟ أم لأ؟

 

^^^^^^^^^^^^^^^

 

شباب نبغى جديه في الكلام
وما نبغى نفتح نقرا الردود على ردود تافهه وترى ركن القهوه موجود


وترى ما اقصدك يا مهندس صناعي

 

ماهي على خبرك يا صاحبي ..
بحكم سكني جنب هالطريق أقولك راحت عليكم

الأمن الحين قفط الحركة هذي وصاروا يحطون سيارتين أمن يوم الاربعاء الظهر عند هالطريق واي موتر من قريب ولا من بعيد يصكونه بمخالفة ..
انتبهوا .. قفطوكم ..

 

شوكرن <<< مع اني ما طلعت من الموضوع

 

بيان من كوكي :

جاني مهندس صناعي ويقول انك تقصدني ومسوي مشكله معي
الله يخليكم يا شباب انا ما اقصده انا اقصد واحد قبله



اما من ناحيه الموضوع ترى اكثر من مره حاولت ادخل من الزقاق ما قدرت فيه امن