هل أتخصص فيزياء؟

إذا إنك مرتاح في التخصص و هو رغبتك الأكيدة و متأكد إنك بتتحسن لو بتكمل فكمل ترا عادك في الفريشمان فيه إمكانية ترفع معدلك إن شاء الله و الله يوفقك

 

لا لا تكمل، بعيدا عن المثالية هذا التخصص محدود المجالات جدا في السعودية، واذا كان معدلك نازل فنهايتك مدرس في ثانوية مو اكثر.

 

إذا كنت تسأل عن الفيزياء كتخصص، فـ فيزكس101 و102 ما هم مقياس

إذا كنت تحب التخصص فكمل فيه، لأن الوضع في مواد ال200 وفوق غير، الدكاترة بشكل عام متعاونين أكثر هناك ...

لدرجة إني شفت واحد في تويتر من طلاب العلوم ينصح بأن ناخذ PHYS201 (اللي هو ال15 شابتر الباقية من كتاب فيزكس101 و102 ..) كمادة اختيارية!

أنا الآن آخذ PHYS215 والوضع مرة مختلف عن فيزكس 101 و102 .. ب180 درجة، وأعرف ناس أخذوا PHYS203 وPHYS211، على الرغم من صعوبة المادتين إلا إنهم لاحظوا فرق بين فيزكس الفريشمان والفيزكس في مواد التخصص

ما أقول إن التخصص بيكون سهل .. أبدًا، بس الوضع ما بيكون بصعوبة فيزكس101 و102 .. الأسئلة في الغالب تكون معقولة (ما أقول سهلة ولا صعبة) يعني لو مذاكر راح تمشي أمورك..

هنا أتكلم من ناحية دراسية ..

لو نجي من ناحية سوق العمل، إذا كان لك رغبة في التدريس، أو إنك تكمل أكاديمي في الجامعة، أو تشتغل كباحث في أحد مراكز البحث، فكمل في تخصصك ..

يعني لازم تكمل ماجستير ودكتوراه .. غير كذا، ما أنصحك إنك تكمل فيه، إذا تبي خيار بديل، شف لك تخصص ثاني يعتمد على الفيزياء بشكل كبير ... الهندسة الميكانيكية على سبيل المثال ..

بالتوفيق

 

الجامعة نادرا تقبل معيد معدله تحت 3.5/4.0

 

أخذت بعد فيزياء الفريشمان PHYS211 و PHYS212 وأقدر أقول بكل ثقة إن تحصيل القريد بالفريشمان أسهل بمراااحل. كورسات الفيزياء بالمراحل المتقدمة ماياخذها إلا ناس تخصصهم فيزياء وحابين التخصص وعندهم استعداد يبذلون كل جهد فيه (إضافة إلى إن بعضهم موهوبين من الله وما تقدر تنافسهم حتى مع بذل الجهد). التنافس شديد وبالنهاية الفرص تضيق للي معدله موب عالي. الجهد اللي تحتاجه عشان تجيب معدل فوق 3 بتخصص فيزياء يمكنك تجيب معدل قرابة 3.5 بتخصص هندسي لإن التنافس موب شديد والطلاب كثيرومستوياتهم متفاوتة مقارنة بتخصص الفيزياء.

تقدر تاخذ كم مادة فيزياء كمقرر اختياري عشان تشوف نفسك فيه بدون ما تحول تخصصك، هالخيار مخاطرته موب كبيرة ويعطيك وقت أطول عشان تحسم قرارك.