هل ارامكو افضل الشركات في السوق ؟

ماهي مميزات ارامكو اللي تخليها كذا
الرواتب
الامان الوظيفي
التطور الوظيفي في بعض الاقسام

ووش الشركات الثانية اللي تنافسها او تفوقها في المميزات ؟
كل الشركات الوطنية سابك مرافق...................

وهل راتب شركات السيرفس اللي يشتغلون في رقوق اعلى من رواتب ارامكو ؟
يب اكييييييييييد مثل شلمبرجير

 

راتب الموظف الجديد إلي يداوم في ارامكو في مكتب يوصل قريب ال 17 ألف مع البدلات
وعندك تأمين صحي، طيران مجاني على طيارات ارامكو، أرض وادخار.
ولكن من ناحية بيئة عمل فالمشهور انها سيئة، من ناحية اكل حقوق وبيروقراطية وتطفل ولكن هناك من هو مرتاح فيها.

باختصار، ماديا افضل شركة حسب اطلاعي ولكن البيئة ليست لشخص طموح.

 

ما اعني خصم الطيران، اعني طيارات ارامكوا.
نعم 17 الف مع كل البدلات.

بالنسبة للارض تعطيك قرض بدون فوائد، وبعد سنوات يخصموا منه مبلغ كبير. وممكن يعطوك بيت جاهز من عندهم.

 

بدل سكن 3 رواتب
راتب رمضان
راتب او راتبين بونص حسب التقييم والارباح

يعني اذا الأساسي 11500 ريال، يصير كامل 16 الف وكسور على فرض ان البونص راتب واحد.

 

عن نفسي ارامكو الافضل من ناحية الامان الوظيفي لكنها ليست الافضل بشكل عام. اذا كنت الشخص المحب للعمب الروتيني فأرامكو المكان الافضل لك.

الخبرة فيها تختلف بحسب القسم اللي راح تعمل فيه، بس ممكن تعمل بكل جد وبالنهاية ماتحصل التقييم اللي تبيه والسبب ماعندك معارف! الراتب يعتبر ممتاز خصوصا لو كنت بمنطقة نائية.

 

كل شركة منهم لها ميزتها، ارامكو مثلا ماراح تكون بعيد عن اهلك بالاسابيع مثل شركات السيرفس. كمهندس لو اشتغلت ب منطقة نائية راح ترجع لاهلك يوم الجمعة بعكس شركات السيرفس اللس ممكن الروتيشن عندها يكون 6 اسابيع عمل و 4 اسابيع اجازة وراح تكون بعيد اغلب الاحيان.

كتطوير شخصيا راح اعطيها لشركات السيرفس خبرتهم قوية والشركة تصرف عليك مبالغ وتطورك وهالشي صراحة ماشوفه بأرامكو وغير ذلك حتى لو ماعندك معارف بشركات السيرفس ممكن تمسك منصب لو اثبت نفسك.

زبدة الكلام راتب شخص بشركات السيرفس خلال 5 سنوات ممكن يكون ضعف راتب شخص بأرامكو وحتى المنصب والتطوير راح يكون عنده افضل من شخص بأرامكو.

أرامكو تتفوق من ناحية الامان الوظيفي والراحة.

 

حاليا ارامكو اوقفت القروض والخصم كان سابقا لمكان القرض 700, تم رفع القرض و الغاء الخصم . بس الا سمعته حاليا تم ايقاف القروض

 

أرامكو بشهادة كثير من موظفيها فقدت تميزها وبريقها.. وحالياً تفوقت كثير من الشركات الوطنية عليها
حتى المميزات المالية تعتبر شي (فارق) للموظف الحديث تخرج فقط، و بعد ما تشتغل سنوات يشكتي موظفيها من قلة العلاوات وعدم العدالة في توزيعها
بالنسبة لي .. اشوف ان أرامكو فرصة ممتازة للحديث تخرج مالياً ومهنياً لانها وباختصار اسمها في السي في هو عبارة عن Open the doors

 

مثلاً في لينكيدان يبحثون مسؤولي التوظيف عن موظفين سبق وان اشتغلوا في أرامكو
وبما اني تدربت فيها ووضعت التدريب في خانة الخبرة في صفحتي.. تأتيني زيارات بشكل اسبوعي من جهات توظيف استخدمت البحث التالي "Electrical Engineer + Saudi Aramco" وهذا فيه اشارة واضحة ان موظفين ارامكو مازالوا مطمع للآخرين.. بالتوفيق

 

إذا كنت طالب و بعد ما شفت سوق العمل فاقول لك
الأفضل بالنسبة للاغلبية من الخريجين في السنوات الاخيرة ارامكوا لانها لازالت (في الفلوس ميزات قطاع خاص و في الامان الوظيفي و قلة الضغط والكرف مثل وظائف الحكومة) و سابك نفسها
مقولة ارامكوا ما عادت زي أول مثل ابناء الاسر الثرية الي يعشون ترف و مع التغيرات الاقتصادية يقول الوضع مب مثل أول ... نعم مب مثل أول هذا لا يعني أنه صار أقل من غيره و أنه غير قارد على أن يلبي كل احتياجاته و لكن نسبينا صار أقل مردود و مع ذلك لازال يعيش في ترف ... فكنتيجة أرامكوا حتى و إن قلت كما يدعي البعض تبقى أفضل من 95% من الخيارات الموجودة في السوق إلا لمن له طموح في مجال معين

 

مقارنة ارامكو بشركات السيرفس:
ارامكوا بحسب علمي لا تتاثر الرواتب باسعار النفط
شركات السيرفس بعضها تسرح المهندسين اصحاب الرواتب العالية و بعضها تشيل البونص و ممكن بعض البدلات


ما في مقارنة بين ارامكوا و بين شركات السيرفس غير الكبرى ... وظيفتي الان في شركة سيرفيس غير مشهورة مهندس من سنتين (في الرقوق) و راتبي مع البونص اليومي ما يوصل إلى البيسك لمهندس يعمل في ارامكو في الظهران
النمو في لراتب في شركات السيرفس الكبرى (بيكر . شمبرجير .. هاليبرتون) في وضع استقرار سعر النفط قد يكون أفضل من ارامكو
و إن كان أحد الاصدقاء في شلمبرجير يقول ما جاءت له زيادة هالسنة و هو يعمل معهم من سنتين و يقول مجموع الافرج لراتبه شهريا كامل 15ونص (يعني أقل من ارمكوا)
و شخص اخر في بيكر بنفس الوظيفة في بيكر يقول يستلم كافرج شهريا بعد سنتين تقريبا 17الف و بعد اربع سنوات قد يصل إلى 24 الف ... طبعا هذا لشخص يشتغل 42 في الرق و 21يوم اجازة

 

انا كمهندس بترول اعتبرها افضل شركة بالسوق ولكن بعض مسؤولينها لا يوظفون الخريج اللي معدله اقل من 3

 

انا بشلمبرجير مهندس حقول نفط والراتب مع البونص اعلى من ارامكو بكثير لكن لو خيروني رحت ارامكو الاااان والله. ضغط العمل اقل بكثير وراحة نفسية وجسدية باختصار.