هل استطيع إكمال الماستر؟

بكل صراحة أتوقع بأن فرص قبولك للماستر في الجامعة ضعيفة جدا بسبب معدلك. حسب موقع الجامعة الرسمي تحتاج معدل ٣ من ٤ على الأقل للقبول وقد يتم التساهل الى ٢.٥ لخريجي الجامعة. أما ٢ من ٤ ما أتوقع أبدا

 

السلام عليكم ورحمة الله وبركاته ..

اذا تبغى Master of Science "اتوقع" مش متأكد ان لازم معدلك يكون 3 ..
اذا تبغى Master of Engineering عادي معدلك يكون اقل من 3 لكن ماتقدر تنقبل على كل التخصصات ( بعض التخصصات المزحومة تطلب معدل منافس مثلا EM CEM)
Admission Requirements هذا الرابط مكتوب فيه بعض الشروط من الموقع الرسمي.

بالنسبة للتخصصات الهندسية والعلمية مثلا Math Phys CE ME اذا معدلك اقل من 3 وانقبلت بارت تايم راح يطلبون منك GRE بدرجة معينة ممكن تقدمه قبل نهاية السمستر الاول في الدراسة .. بالنسبة للبزنس (MBA) اذا معدلك اقل من 3 راح يطلبون منك GMAT ..

اذا افرج الانقلش تبعك في البترول 101 102 214 B يسقط عنك شرط ال TOEFL او ال (6.0)IELTS ماعرف وضع اللي دارسين برا

اذا بارت تايم حتكون الدراسة بفلوس الساعة محددة برقم بالريال السعودي .. فيها شوية تفاصيل كذا

نصائح ارجو ان تؤخذ في عين الاعتبار:

1- اذا في بالك تخصص معين حاول تشوف مين هوا graduate studies coordinator وتواصل معاه ايميل او جوال وعرفه بنفسك واسأله عن المعدل المطلوب ووريه الترانسكريبت عشان حاجة اسمها deficiency عبارة عن نقص في دراستك السابقة بالنسبة لدراستك اللي حاب تكمل فيها .. مثلا اذا كنت ME في البكالوريوس وقدمت على Physics ماستر وش الكورسات اللي تتطلب انك تاخدها عشان تكمل في البرنامج ممكن تطلع لك كورسات لازم تخلصها و ممكن مايطلع لك شي وتبدأ الماستر على طول.
هذا رابط يوضح كل coordinator لكل قسم KFUPM Department Graduate Coordinators

2- اذا كنت حول الجامعة حاول تزور مبنى 68 ماعرف اذا الرقم صحيح لكن هوا اللي جمب 59 و قريب من المطعم تبع الجامعة وتروح لعمادة الدراسات العليا .. دور على شخصين:

الاول اسمه صفي الله اسأله عن كل اللي بخاطرك من كم المعدل المطلوب وش التخصص اللي اقدر ارحله واش مطلوب ... الخ

الثاني: جمعان الزهراني مدير القبول (ليس عميد القبول) رجل وقور محترم صاحب اخلاق وصوت جهور .. اسأله عن اللي يدور بذهنك كم معدلك وش تقدر تنقبل فيه وش متطلب كم رسوم الدراسة الية القبول وطريقة الفرز ... الخ

3: مو لازم يكون معدلك 3 عشان تنقبل ماستر .. تنقبل عادي معا بعض الشروط و ممكن تنحصر بتخصصات معينة.

4: التقديم يفتح مرتين بالسنة Application Deadlines




اخيرا في بعض الامور الاخرى اللي ممكن تساعد الكثيرين اللي حاب يعرفها يتواصل معايا خاص و اذا قلت معلومة خاطئة اتمنى ان يتم تصحيحها وسامحوني.

تمنياتي لكم بالتوفيق والسداد و ان شاء الله اذا استفدتوا اتمنى منكم دعوة خير للوالدة والوالد ..