هل تنصحوني بحشو العصب في عيادة الجامعة ؟

اصلا ماتوقع الا دكتور الموجود بالجامعه الي هو عادل .. و الصراحه لو اسنانك تعبانه ( بيقول ليش اتعب نفسي معاه خل الفق له ) ..

مانصحك ابدا .. لو عندك ماده رح مستشفيات خاصه ..

انا تعالجت عند الحقيل .. العصب ب 1100 ريال قبل خصم 35 او 50 % ما اذكر كم

 

سويت قبل حشو سن في عيادة الجامعة وكنت اظن ان اللي صار معاي عادي ، لما رحت عيادة خارجية لحشو العصب بعد فترة اكتشفت ان اللي صار لي في عيادة الجامعة أشبه بالمجزرة .

 

الجامعة مافيهاش حشو عصب !

في مستوصف اسمه الهلال الفضي في الثقة
يطلع لك على الخرائط
روح هناك في دكتور اسمه سلمان
قله انك طالب في جامعة الملك فهد واللي عرفك عليه محمد صاحب اخوه علي
وان شاء الله يتعاون معاك ^_^
شغله نظيف
بس اذا رحت له خلك هناك الساعة 8 ونص الصباح
لأن عنده زحمة ويلا تخلص !
او سنتر عنده بعد العصر علطول
والف سلامة عليك

 

مواعيد العمل تختلف من مستوصف الى مستوصف .. فيه مستوصفات دوامهم من 8 الى 5 .. وفيه من 8 الى 12 و من 4 الى 8 ..

الجامعه ماراح تقبل عذرك ..

 

لا تروح لعيادة الجامعة حتى لو بتموت

 

عيادة الجامعة سيئه حيل, ما أنصحك تروح لها لشي حساس مثل كذا

عيادة الجامعة ما لها فايدة تقريبا للطلاب الا اذا بتحلل دم او بتصور عظم

 

يا اخوان
الاسنان شي خطير جدا اذا رحت عند واحد يشتغل بدون امانه

جاري في مدينة جده راح لمستوصف مش حالك وسوو لي الاسنان

والان عنده شلل نصفي بسسبهم
الله يشفيه ويبعد عنكم كل مكروه

الانسان روح لدكتور فاهم والا لا تبيع صحتك

 

للللللللللا تروح له ولو ما بقي الا هو !!!!

انا رحت له و والله اني قعدت تقريبا شهر ونص اراجع عند عيادة خارجية كله بسببه !!! ولا الشغله ما تاخذ موعدين حسبي الله عليه !

رحت له و عارف انه يبغالي سحب عصب ف جاء حفر سني وحط الحشوه الله وكيلك لو بزر تقوله ركب الحشوه عرف يركبها احسن منه!! ضغط علي بالحشوه لدرجه يوم طلعت من عنده ما قدرت امشي من الألم !

في العصر رحت مستوصف ويوم شال الحشوه قال مين سوا لك كذا!! الشغله سهله لكن هو عقدها وخرب جذور السن اظن

المهم قعدت شهر ونص اراجع عند العيادة ويالله ضبط مع انه زي ما قلت لك الشغله سهله كلها سحب عصب بعدها حشو

لكن حسبي الله عليه ذا اللي عدم ضرسي.

عندك عيادات رام ممتازة لكن مواعيدهم تطول يعني ممكن بالاسبوع

فيه الحقيل كثير مدحوه لي .

انا رحت مستوصف الزقزوق لأني ما قدرت انتظر موعد عيادة رام كان الوضع متأزم
رحت عند دكتور هندي ممتاز والله لكن عيبهم ما يقبلون التأمين لو عندك. سحب عصب وحشو ب 550 ريال على ما اذكر بس اني طولت جلسات تنظيف جذور السن ومدري ايش عشان يعدل اللي خربه دكتور الجامعة.

وما تشوف شر

 

فيه واحد اسمه عادل .. جيته قبل اكثر من سنة وللحين وانا ادعي عليه.
انتبببببه منه

 

عيادات رام كنت أسولف مع خويي اليوم عنهم ومدحهم لي جداً وهو سوا عندهم تقويم وتوه فاكه اليوم

الحقيقة ما أدري مين الدكتور المعالج بالضبط لكن في الخلع والحشو والتظيف والتقويم ممتازين والله يوفقك

 

مع كمية الضحايا ذي كلها اللي ف الردود من الدكتور عادل

ليه ما يكون في شكوى رسمية من المتضررين للمسؤولين سواء بالجامعة أو بالصحة !؟

 

يا رجال اذا العيادة ما يقدرون يعالجون كحة وزكام والام البطن هل تتوقع انهم بيعالجون اسنان

نصيحتي لك ( احفر قبرك بنفسك ولا تروح لمهم )

 

بخصوص الجامعة ما تقبل العذر هذا غير صحيح

أنا سويت أسناني في مستشفى سعد التخصصي وجبت من عندهم ورقة لأن الموعد كان في الصباح وكان عندي محاضرة وسلمتها للكلينك في الجامعة وسوولي عذر طبي أخذته من شؤون الطلاب

فقط حبيت أفيدكم بهالنقطة وشكرا

بخصوص الأسعار ما أدري لأن عندي تأمين طبي

ملاحظة : عن تجربة بشيل العصب في مستشفى سعد ، شغل نظيف إلى أبعد الحدود ( اسم الدكتورة : شيرين )

أسأل الله لك الشفاء العاجل يا فيصل

 

من جــد يا اخـــوان . . !


ضحـايـا الدكـتور عـادل ليه ما يقدمون شكـوى لإدارة الجـامعة ؟!

 

لو إدارة الجامعة بتعدل شي كان تعدل من زمان, عيادة الجامعة على حد علمي ما فيها الا دكتور واحد يعالج زي الناس (دكتور هندي) والباقي اشك في شهاداهم وتأهيلهم. هم الجامعة أن الطلاب ما ياخذون اعذار ولا من ناحية صحية ما فرقت معهم عشت صحيح او سقيم.

ياخي دكتور ما يدري شقاعد يسوي موظفينه له 5 سنين على الأقل وبعد كل الشكاوي لا زال ماسك مكانه تقولى شكوى بتحرك شي؟

 

عش بدون أسنان ولا تروح عند الشخص اللي اسمه عادل (ما أبغى أقول دكتور عادل لانه موب دكتور أصلا )

 

طيب كيف نقدم شكوى ؟ اروح لمين وهل بينسمع كلامي ولا بتعب على الفاضي؟

 

هذا عرض جديد من احد مستوصفات الاسنان من حساب العلاقات العامة

https://twitter.com/KFUPM_PRI/status/537563994890858497

هل جربه احد ؟