هل دراسة الصيف تؤثر على الطالب؟

السلام عليكم

هذا الكلام انا قلته قبلك يوم خلصت الاوريا لكن بعد ما اخذت اول صيف بعد الفرش وانا كل صيف ما اطوفه لو ادرس ساعتين لان الصيف له طعم ثاني ومختلف عن باقي الفصول وللمعلوميه تراني اشتاق للجامعه في العطله الي بعد الصيفي

الله لا يغير علينا

ممكن لاني اعرف شباب كثار وما اتعطل يعني اذا الاول مشغول الثاني فاضي

 

اما انا فعندي راي اخر..
انا مؤمن تماما ان الاجازه وضعت لراحه الطالب بعد سنه كامله من التعب والدراسه ويمكن ان يمارس فيها الطالب هواياته..وان الترم الصيفي جعل للمضطرين...

 

دارسة الصيف جميلة و متتعة جدا

لأسباب كثيرة منها ..

ما فيه ضغط على المواد و السكاشن بسبب قلة الطلاب في الصيف

أغلب المواد تكون مختصرة في الصيف

تاخذ لك كم مادة ( و لو كانت ساعتين ) تخفف من ضغط المواد عليك في السمستر اللي بعده

كثير من المدرسين يتساهلون في الصيف و يتم توزيع الدرجات بالهبل

-------------

أما بالنسبة للإجازة فبالنسبة لي كافية

أسبوعين قبل الصيف

و أسبوعين بعد الصيف

حلووووووة :D :D

 

كلامك صحيح يا حمد

 

انا لو بيدي كان اخذت اجازة سنة
D:D

 

بعد تجربتي لصيفين في الجامعة اعتقد ان خلال الصيف تقدر تسوي اشياء ماكنت تسويعا في الفصل العادي خرجات زيارات واعتقد ان خلاص اخذنا علي الكرف مايحتاج نريح ...........صدقوني اغلب الي اعرفهم ومااخذوا صيف طفشوا ودهم يرجعوا ثاني
والسلام ختام

 

عزيزي

من واقع تجربه ...انا اخذت كل صيف حتى اللي بعد الاوريا وتخرجت في الصيف بعد

دراسة الصيف تختزل عليك عدد الساعات يعني تريّح بالسمستر العادي
والصيف سريع ....قبل كل شي لم يوضع عبث بل لانه مفيد وبنّاء

وعندك وقت قبله وبعده تريّح فيه

تحياتي ووفق الله الجميع

اخوكم / ميجر ون

 

نهاية الصيف متعة لها طعم اخر
تاخذ بعدها اجازة اسبوعين او ثلاثة تحس انك تستاهلها
بدل ثلاثة اشهر ( اكلة ومرعى وقلة صنعة)

 

صدقني الدراسة في الصيف يمكن تكون مملة في بعض الأحيان خاصة مع الجو و الجلسة كل يوم من الصبح لكن راح تمر بسرعة بدون ما تحس فيها..... انا اخذت هذا الصيف ماث و عربي و احسه مر بسرعة , و الي لاحظته في الصيف ما تقدر تلعب و ترخي يعني لازم تذاكر أول بأول .

لكن في النهاية أعتقد انه كل هذا احسن من أنك تضيع 3 شهور على نوم و سهر و مضيعة وقت و صدقني في آخر الصيف راح ترتاح و انت المستفيد خاصة اذا قسمت وقتك