هل صحيح تم إلغاء الراتب الثالث عشر و60 % للإجازة .. أرامكو ؟

ما الغوه. بس بدال ما تاخذ 1.6 راتب كل سنة صار الحين تاخذ من .75 الى 1.25 من البونس هذا بحسب تقييمك

 

صار بهالشكل

Base salary X Grade code X company factor X PMP = SAIP
SAIP البونص الجديد بدلاَ عن راتب 13 و 0.6 راتب حق الاجازة

grade code for 11+ = 1.6
company facotr may be 1 or less or even more than 1
PMP rages from ( 125% -75% )

وبس

 

طيب مو كأن هالشي مظر لنا ؟ يعني احنا اساسا كنا ناخذ 1.6 ... الحين صرنا ناخذ ماكسمم 1.4 ؟!!!

Wtf

 

-ال 1.6 مضمونة لك سنويا كحد ادنى
- في حال حصولك على تقييم +e او s النسبة ترتفع لتصل الى 2 او اكثر

 

^^
مضمونه فقط للموظفين قبل شهر 7 , 2013

أي موظف جديد ،، ممكن يحصل على اقل من 1.6 على حسب الفوريملا .

 

الى الان الشغلة مو واضحة لي صراحة

 

الموضوع واضح جداً.

الموظفين اللي توظفوا وعقودهم قبل تاريخ 1/7/2013 راح الشركه تضمن حقهم مثل ماهو منصوص عليه بالعقد.. يعني مهما كان تقييمك، فالراتب الثالث عشر والـ 60% بدل الاجازه تاخذه..

الايجابيه هي اذا كان تقييمك e+، فراح يجييك 120% من اصل الـ 1.6 راتب (هذا اذا كان اداء الشركه = 1).. يعني راح يجيك 1.92 راتب. اما اذا اداء الشركه كان اعلى فراح تاخذ اعلى واذا كان اداء الشركه اقل فراح تنزل ولكن ماتنزل عن الـ 1.6 راتب

اذا كان تقييمك s فراح يجيك 125% من اصل الـ 1.6 راتب.. يعني راتبين كاملين. اذا اداء الشركه كان اعلى، فراح يجي اعلى من راتبين واذا كان اداء الشركه اقل فراح يجيك اقل من راتبين ولكن ماراح تنزل عن 1.6 راتب


اما الموظفين اللي راح يوقعون عقود التوظيف في او بعد تاريخ 1/7/2013 فراح يدخل اداء الشركه واداء الموظف بالمعادله وراح تتراوح من بين 0% الى 125% من اصل الـ 1.6 راتب

 

^^^

هل الضمان هذا فقط لسنة 2014 ام لكل السنين القادمة ؟

لأن كأني فهمت انه مضمون في عام 2014 انك تاخذ 1.6 كحد ادنى لكن في 2015 ممكن يكون اقل في حال الحصول على تقييم متدني او اداء الشركة كان متدني

 

والله اعلم انه على طول لأنك انت موقع على عقد وظيفي مذكور فيه هذي المميزات لك من الشركه.. اعتقد ان اللي راح يوقعون عقود جديده في او بعد تاريخ 1/7/2013 راح تتغير صيغة العقد.

 

وما اعتقد ان الشركه تخاطر وتخليه لسنة 2014 فقط.. لا تنسى ان فيه عدد كبير جداً تقاعد بين 10/2012 و 2/2013 وهذا غير ان نسبة الاستقالات من شريحة الموظفين الشباب ارتفعت بالسنوات الاخيره من الشركه بسبب ان باقي الشركات صارت تنافس ارامكو، هذا على كلام خالد الفالح العام الماضي في لقاء مفتوح مع الموظفين

 

كلام اخوي دكتور صحيح

بعد البحث وجدت في الـFQA توضيح مطول

بخصوص ال1.6 هذه مضمونة لك اذا كنت موظف قبل July 1, 2013 .. يعني في حالة كان البونص اقل من 1.6 بسبب تقييمك او اداء الشركة فتأخذ انت الحد الادنى لحالتك وهو 1.6 ..

وهذه توضيح اكثر

 

.....

 

شكرا على التوضيح يا شباب

 

شباب انا موقع عرض قبل اسبوع وموجود فيه الرواتب ومن ضمنها ال60%. ولكن انا كاتب اني ابدأ العمل july 5 فهل حيأثر عليه؟

 

فعلا أصبحت مقبرة ويتشرطون خبرة خمس سنوات وسابك سنتين وهي اليوم في القمة من توضع لله رفعه العالم سيستغني عن البترول ويتجه للبترول الصخري أرامكو لو فيه خير ماتوجهت للبتروكيميات (صدارة) صدقوا أهل الخبرة ابتعد عن كل البعد أرامكوا كل يوم الى الحضيض

 

العقد هو اللي يحدد

 

معناها انك بتمشي على النظام الجديد لاانك انت الحين وقعت الاوفر بس توقيع العقد يكون في اول يوم دوام

 

الي وقعته عرض مبدئي والشركة ليست ملزمة به وتقدر تغير وقت توقيع العقد الرئيسي ولها الحق تصرف النظر

نصيحة العب على المضمون لانك اذا رحت تداوم يوم 5 جولاي راح توقع العقد النهائي اكثر من 10 صفحات وماعاد راح تحصلها مكتوبة

نصيحة لوجه الله رح مكتب التوظيف واتفق معهم تداوم وتوقع العقد قبل وحط مليون خط تحت قبل يوم 1 جولاي 2013

نصيحة اخ لك قدم دوامك اسبوع واضمن هالميزة ,, والعب على المضمون وتصير بعدين تحصل الراتب 13 و60 % حق الاجازة مهما كان

بالتوفيق للجميع

 

جزاكم الله خير يا شباب. سؤال اخير انا الي اعرفه انه الراتب ينزل 25 من كل شهر. فقلت ابدأ معهم 24 او 25 من هذا الشهر, فهل ينزل لي الراتب؟