هل يلزم طالب الثانويه المستوفي لشروط الابتعاث واسطه؟

لا

اعرف كذا شخص طلعوا بدون اي واسطه لكن كانو محققين كامل الشروط

موفق

 

^^^^^

لا لا يا الغالي ابدا ما يحتاج واسطة مثل ما قال محمد بن سعيد ، مجرد انك حققت
جميع الشروط لا تحاتي شيء ابدا ، وتأكد 100% انك مقبول .

وبالنسبة للغة ، لا تحاتي انت اصلاً بتدرس في معهد لمدة معينة على حسب
مستواك في اللغة ، يعني على سبيل المثال اخوي ابتعث بالرغم ان الانجليزي
تبعه يعتبر مستوى هابط .

بس أهم شيء مثل ما قلت لك مستحيل مستحيل تنطبق الشروط عليك
وما تنقبل .


والله يوفقك .
​

 

http://www.stkfupm.com/vb/showthread.php?t=88432

 

ابتعاث أرامكو وابتعاث سابك وجامعة البترول وابتعاث وزارة التعليم العالي وبقية برامج الابتعاث والجامعات المعروفة في المملكة مافيها واسطات تطمن

 

لا تصير مرة طيب
هإللي ذكرتهم ولا واحد قبلني فيهم على الرغم من أن درجاتي كانت عالية جدا من بين المتقدمين
والثانوية كانت إختباراتها تقدم من الوزارة


ما بغيت أقول وأحط في ذمتي، لكن أنا شخصيا متضرر منهم


ولا تنس إن وقت التسجيل في أرامكو وسابك يطلبون معلومات شخص يقرب لك يشتغل معهم!

 

للأسف الشديد كلامك غير صحيح

والواسطة موجودة

 

برنامج الملك للابتعاث مافيه واسطه
على الاقل مافيه واسطه عالقبول لكن ممكن فيه واسطه عالتخصصات
لكن تطمن اذا نسبة الطالب تحقق المطلوب راح يبتعث غصب عن اي احد
هذا الابتعاث اما الالتحاق الواسطات فيه لين بكره هههههههه

 

فعلا,, ارامكو وسابك مافيها واسطات

 

شخص قريب لي داخل بواسطه ,, وهو لا يستحق الدخول !

هذا اللي انا متأكد منه 100% ,, والباقي الله أعلم بس أكيييد ما تخلو

وترا ارامكو ها اليومين الواسطات فيها لين الليل ..

 

في هذا البلد أسهل ما على الإنسان إذا ما تحقق له شيء أنه يقول واسطات وما واسطات! ليش الواحد فينا ما يعترف بالفشل وأنه فيه أشخاص أفضل منه؟ ليش دائما الواحد نرجسي ويعتقد أنه الأفضل وأنه مسكين ومظلوم؟

أكثر من 30 ألف شخص يقدم على سابك، يقبلوا 100 شخص، ليش الواحد دائما يعتقد أنه من أفضل 100 شخص؟ ليش ما تحط ولو احتمال بسيط أنه فيه 30 ألف شخص وممكن يكون فيه 100 شخص أفضل منك؟

برنامجي أرامكو وسابك selective جدا جدا، نسبة القبول في سابك 0.3% و1%.. حطوا هالشيء في بالكم.

أعرف أشخاص كثيرين جدا دخلوا في سابك وأرامكو، أغلبهم آبائهم غير موظفين في هالشركتين! وأعرف أكثر من شخص، آبائهم رؤساء أقسام كبار في أرامكو وما أنقبلوا. وأكيد فيه أشخاص آبائهم في أرامكو وأنقبلوا، أول شي بتحطه في بالك أنه واسطات. لكن خلني أقولك، هالإنسان هذا يتكلم إنجليزي بطلاقة. درجاته في القدرات على من 95% وفي التحصيلي 99%، فقط عشان أبوه في أرامكو نعتبره واسطات؟

الواسطات موجودة أكيد، وممكن تأثر إلى حد ما، لكن مو للحد الي البعض يحاول يصورنا إياه: أنه أرامكو وسابك من راسها لساسها واسطات! هالشي مو صحيح.

 

إذا كلام الناس ويقولون وسمعنا نمشيها
أما أنا أجي أقول لك موقفي الشخصي وتتحجج لي بالفشل؟ على الأقل لا تتحجج ولا تتطرق لما ذكر أعلاه!
محسوبك وزارة 97 تحصيلي 80 (أول سنة يطبق فيها، يعني قبل ما تجي المنتديات وتنتشر الأسئلة والكل يقدر يعرف نوع الأسئلة! أصلا ما كنا نعرف منتديات ذاك الوقت!) قدرات 84
لغة جيدة جدا في الإنجليزي ذاك الوقت
ومن نهاية الإبتدائي وأنا أدخل دورات إنجليزي
برضو تبي تعتبر حالتي مثل حال باقي عيال هالبلد
وأزيدك من الشعر بيت أنا أونر بالجامعة، برضو تبيني أرمي إخفاقي على نفسي؟
طبعا كلهم رفض reject
يعني ما أعطوني فرصة للمقابلة حتى أقدر أتحجج وأعتذر لهم إني رفُضت بسبب شخصيتي وحواري غير اللائقين!

روق وأنا أخوك في ردودك وعلى الأقل تكون عندك إهتمام ومصادقية للطرف الآخر

 

ياخي كلامك متناقض...!!
اصلا العدد المطلوب قليل طيب واذا فيه واسطات....كم يبقى للي بدون واسطات...

 

+1
انا اخوي بنفس سنتك اللي هي اول سنة قدرات وتحصيلي
جاب بالثانوي وزارة ........ __.99
جاب بالقدرات .............. 89
جاب بالتحصيلي........... 83
ومع ذلك ما انقبل
معلومة كان الاول على منطقة تبوك

 

طيب في ناس مجتازين الشروط في دفعتنا ولا دخلوا المقابلة حتى.

شروطهم 90 معدل، 80 قدرات وقياس.

واحد من الطلاب في مدرستي في معدل 98، قدرات 88، تحصيلي 89. يعني محقق الشروط بزيادة. ما رشحوه للمقابلة. وفيه غيره الكثير تجاوزوا الشروط وما رشحوهم، وكثير منهم آبائهم في سابك. الي دعوهم للمقابلة ثلاثة بس، وهالثلاثة ولاواحد منهم أبوه في سابك، وكل هالثلاثة مستوايتهم أعلى بكثير من البقية. القدرات فوق التسعين والتحصيلي فوق ال95..

أنا مادري عن سنتك. لكن من الي أشوفه الآن المفاضلة بين الطلاب بالدرجات. وهذا أمثلة من مدرستنا ومن غير مدرستنا.

 

ي رجال معك واسطه بتخش ما معك بتجيك صورة جزمة "اعزكم الله" عالايميل

 

التحطيم خله ينفعك..

أقاربي ما عندهم واسطة، ماحد من عائلتنا لا من قريب ولا بعيد يشتغل في سابك.. وأنقبلوا في البرنامج ما جاتهم جزمة