وش أفضل طرق التقدم على وظايف؟!

السلام عليكم

أنا خريجة Supply Chain وعندي ماستر.. صار لي 8 اشهر من تخرجت وللحين ما احد دق علي لوظيفة ولا دخلت ولا مقابلة! مادري المشكلة بطريقة تقديمي ولا التخصص ما فيه مجال للبنات في السعودية ولا عشان عندي ماجستير وما يبغوا ماستر ولا البلد ما فيها وظايف إدارية! .. شوروا علي الغلط وين؟!

أنا طريقتي ارفع سيرتي الذاتية على مواقع الشركات وأحدث من فترة لفترة بس صراحة ما أحس هالطريقة مجدية ابداً .. لينكدين وسويت لي حساب فيه وما فيه وظايف مطروحة في تخصصي وأن وجد يبغوا سنوات خبرة أو خريجي هندسة! موقع بيت أيضا سويت لي حساب فيه ومتابعة لحسابات التوظيف سواء في لينكدين او تويتر او غيرهم بس مااااا أحسهم مجديين أحس أني جالسة أضيع وقت.

هل تنصحوني ألف على الشركات والمصانع بنفسي؟ ولو أنها صعبة لأن المواصلات غير متوفرة .. ناس تقول التقديم عن طريق النت كافي وان الشركات ما يستقبلوا يدوي هل ذا صحيح؟ أنا ما عندي مشكلة اشتغل بالبكالوريوس ولا مهم عندي الراتب, أهم شي اشتغل أول واخذ خبرة .. هل ممكن الشركات يعطوني تدريب من غير مقابل بس عشان اكتسب خبرة؟ اذا تعرفوا شركات ممكن تعطي تدريب للخريجين افيدوني بهم ما عليكم أمر

واذا تعرفوا شركات يطلبون تخصص Supply Chain ياليت لو تفيدوني بأسمائهم غير ارامكو وشلمبرجير وبقية الشلة هذول لأن القبول فيهم شبه مستحيل! .. مع العلم انا ابحث عن وظايف في المنطقة الشرقية لأن صعب اطلع في الوقت الراهن

يعطيكم العافية والله يوفق الجميع

 

ونعم بالله .. الحمدالله النفسية للآن جيدة وصابرين ان شاء الله

أنا عارفة ان وضع التوظيف الحالي سيء لكن من خلال بحثي في المنتديات وقراءتي لتجارب الناس صحيح ان البعض ياخذ سنة واكثر عشان يحصل على وظيفة لكن خلال هالفترة كانوا يدخلوا مقابلات! أنا احس أني مو موجودة أحس اني سراب هههههه .. وأشوف طريقة التقديم بالنت غير مجدية والله أعلم! كثير يقولوا التقديم اليدوي غير مجدي والبعض ينصح ويقول لا تجلسوا في البيت روحوا قدموا يدوي ولا ادري وش الصح!

أنا حاليا افكر ادور لي على تدريب ومادري اذا الشركات مثل شلمبرجير وهاليبرتون يقبلوا يدربوا حديثي التخرج او مو شرط هم حتى لو غيرهم شركات متوسطة بيكون جداً ممتاز وأفضل من جلسة البيت!

 

مو هذي المشكلة هنا مربط الفرس ما اعرف الشركات اللي توظف بنات! ومن زماااان ابحث صار لي اشهر وانا اسأل ونزلت مواضيع في منتديات مختلفة لكن ما أحد فادني بشي!
ولو بلف على المصانع وبقدم يدوي صعبة بعد لأن كثير منهم ما عندهم توظيف نسائي
أذكر في يوم المهنة السابق اللي كان تبع جامعة الدمام قدمت اوراقي عند سراكو .. قالوا لي احنا عندنا قسم كاامل للـ Supply Chain وعندنا احتياج فيه لخريجي السبلاي لكن ما عندنا توظيف نسائي
GE اذكر أن قدمت على الموقع بس ما عندهم تحديث! وسبق وقدمت على يونيليفير وبي&جي .. على العموم أنا أفضل العمل في المنطقة الشرقية صعبة أنقل لمكان ثاني في الوقت الراهن

مشكور على مرورك

 

أول مرة اسمع ب دامكو! سبق وكلمت شركة هلا سبلاي شين ما فيه توظيف ولا تدريب

شكله التخصص غير مطلوب ولا شي للأسف هههههه واذا مطلوب مو للبنات! تعتقدوا الماستر هو السبب؟ لو احذف الماستر من السيرة الذاتية ما بتكون مشكلة لأن البكالوريوس التخرج من 2014! لو يجي خريج بكالوريوس 2016 اكيد ما أحد بيطل في السي في حقي! بيقولوا ايش كانت تسوي من 2014 الى 2016!

 

شكرا اخوي على الشركة .. تشوف يفضل اروح شخصيا ولا اتصل فيهم؟
انا قاعدة اجمع في ملف كذا شركة بروح شخصياً أقدم عليهم اذا في عندهم وظايف او اذا عندهم تدريب تطوعي

يعطيك العافية

 

مو مستحيلة طبعا وأنا سبق وقدمت على وظايف في الرياض وجدة وكان يجيني الرفض مباشرة من غير حتى ما أدخل المقابلة حتى في بعض برامج التدريب! ههههههه

لكن حاليا خطتي أني اركز على الشركات والمصانع في الشرقية والله يكتب اللي فيه الخير لنا وللجميع

 

واسطتي ربي ان شاء الله
هذا اللي ناوية عليه ان شاء الله .. أقدم يدوي واتصل بالتلفون لكن الشركات الكبيرة مثل هالبيرتون وشلمبرجير وش أفضل اقدم يدوي ولا أكلمهم؟ انا ابغى استفسر منهم عن امكانية الحصول على تدريب

واذا عندكم اسماء شركات ثانية حتى لو متوسطة في الشرقية أفيدوني بهم لا هنتوا

 

ونعم بالله وتوكلي دايما عليه والرزق بيد ربي .. ولو ربي كاتب لي وظيفة رح تجيني ان شاء الله

 

ألف شكر على الملف
بالنسبة لـ شلمبرجير وين التقديم حقهم؟ من بحثي في المنتدى اغلب الناس يقولوا يوم المهنة في الجامعة.. وقالوا في لهم مكاتب وحاول شخص يوصف لي مكتبهم بس ما عرف يوصف لأنه من سكان الرياض .. اذا احد يعرف وين اقدر اقدم يدوي في شلمبرجير يفيدني رجاء

مع الشكر الجزيل لكل شخص حاول يساعدني ويفيدني بالموضوع والله يوسع عليكم جميعا ويرزقنا ويرزقكم من واسع فضله